ئێمە لە تۆرە کۆمەڵایەتیەکان

ئابوری

كۆسرەت ڕەسوڵ: دەبێت خزمەتی سلێمانی بكرێت
كێشەی كەمی خزمەتگوزاری لە سلێمانی دەگەیەندرێتە كۆسرەت ڕەسوڵ

خەڵك- بەشی هەواڵ
جێگری سكرتێری گشتی یەكێتی لەگەڵ فراكسیۆنی سەوزی حزبەكەی لە ئەنجوومەنی پارێزگای سلێمانی كۆبووەوە و ڕایگەیاند، كە دەبێت خزمەتی سلێمانی بكرێت و جێبەجێكردنی پڕۆژە خزمەتگوزارییەكانی شارەكە خێرا بكرێن.

ڕێكەوت زەكی، ئەندامی ئەنجوومەنی پارێزگای سلێمانی لە فراكسیۆنی یەكێتی بۆ (خەڵك) وتی، “ئێمە وەك فراكسیۆن و سەرۆكی فراكسیۆنی ڕافیدەین چووینە لای كاك كۆسرەت و هەندێك گرفتی سەرەكی كاروباری سلێمانیمان گەیاندە ناوبرا بەتایبەت گرفتی شەقامی 100 مەتری و ئاوی خواردنەوە و ڕێگاوبانەكان”.

وتیشی، “داوامان لە كاك كۆسرەت كرد نوێنەرەكانی یەكێتی لە حكومەت ڕابسپێرێت، كە جددی تر بن و خەمساردی نەنوێنن لەبارەی جێبەجێ‌ كردنی ئەو پڕۆژانەوە”.

ئاشكراشی كرد، كە لە بەرامبەردا جێگری سكرتێری گشتی باسی لەوەكرد، كە سلێمانی شایستەی لەوەزیاترە، كە ئێستا بۆی دەكرێت و بەڵێنی دا بەدواداچوون بۆ ئەو بابەتانە بكات.

هاوكات بەپێی ڕاگەیەندراوێكی نووسینگەی ڕۆژنامەوانی جێگری سكرتێری گشتی یەكێتی، كۆسرەت ڕەسوڵ ڕایگەیاندووە، “پێویستە چاودێرێكی وردی كارەكانی حكومەت بن و بەرنامەی وردیان هەبێ بۆ خزمەتی سلێمانی و برەودان بە خزمەتگوزارییەكانی شاری سلێمانی و خزمەتكردنی زیاتری هاووڵاتیان و خێراتر جێبەجێكردنی پڕۆژە خزمەتگوزارییەكانی شارەكە بەگشتی”.

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

ئابوری

ئاڵوگۆڕی بازرگانی عیراق و ئێران دەگاتە 20 ملیار دۆلار

خەڵك – بەشی هەواڵ
ئیرەج مەسجیدی باڵیۆزی ئێرنا لە بەغدا دوای دیدارێكی لەگەڵ ئەحمەد حسێن وەزیری بازرگانی عیراق ڕایگەیاند ئاسی ئاڵوگۆڕی بازرگانی نێوان هەردوو وڵات بۆ 20 ملیار دۆلار بەرزدەكرێتەوە.

لە دیدارەكەدا وەزیری بازرگانی عیراق و باڵیۆزی ئێران باسیان لە پرسی چۆنێتی پێدانی كرێی هاوردەكردنی كارەبا و غازی ئێران كرد كە تاران خوازیارە بە دۆلاری ئەمریكی بێت.

بەڵام تا ئێستا عیراق لە پێناو خۆپاراستن لە سزاكانی ئەمریكا، ئامادە نییە ئەو داواكارییەی ئێران جێبەجێ بكات.

پێشتر ئەمریكا هۆشداری دابوو لەوەی هەر وڵاتێك بە دۆلار مامەڵە لەگەڵ ئێران بكات، ڕووبەڕووی سزای واشنتۆن دەبێتەوە.

بەردەوام بە لە خوێندنەوە

کوردستان