ئێمە لە تۆرە کۆمەڵایەتیەکان

ئابوری

مەلا یاسین، ستایشی ڕێباز حەملان دەكات


خەڵك- بەشی هەواڵ

وتەبێژی یەكێتی وەبەرهێنەرانی كوردستان، ستایشی كارەكانی وەزیری دارایی هەرێمی كوردستان دەكات و ڕایدەگەیەنێت ” بە دەستبەكاربوونەوەی ڕێباز حەملان، ئاوڕێكی جددی تر درایەوە لە وەبەرهێنەران و بەڵێندەران”.

یاسین مەحمود، وتەبێژی یەكێتی وەبەرهێنەرانی كوردستان، لە میانی بارنامەیەكی ڕاستەوخۆی كەناڵی كوردسات، پەیوەست بە كێشە و گرفتەكانی وەبەرهێنەران و بەڵێندەران ڕایگەیاند، كە دوای دەستبەكاربوونەوەی ڕێباز حەملان، وەزیری دارایی بەسوپاسەوە دۆخێكی نوێ‌ هاتووەتە ئاراوە و ئاوڕێكی جددی تر لە وەبەرهێنەران و بەڵێندەران درایەوە، كە چەند بڕیارێك دەرچوون.

ئاشكراشی كرد، چوار هەنگاو و خاڵ هەیە، كە ئەگەر جێبەجێ‌ بكرێت، ئەوا دۆخی وەبەرهێنەران و بەڵێندەران و هەلی كار دەگەڕێتەوە ئاستێكی چاوەڕوان نەكراو.

وتیشی، “لەم چەند ڕۆژەدا وەزیری داراییم بینیوە و 100 ملیۆن دۆلاری تر تەرخان كراوە بۆ بەڵێندەران، كە ئەمە لەمساڵدا دەبێتە 300 ملیۆن دۆلار بۆ بەڵێندەران خەرج بكرێت و ئەمەش مژدەیەكی خۆشە، بەڵام داواكارین با لەو بڕە پارەیە 10%ی بدرێت بە هەموو بودجەكانی وەبەرهێنان و پەرەپێدان و ناوچە جێناكۆكەكان و هەر كەسێك چەكی بەڵێندەرانی وەرگرتبێت ڕۆتینەكەی كەمبكرێتەوە و 10%ی تەرخان بكرێت”.

جەختیشی كردەوە، هاتنە ناوەوەی ئەو 100 ملیۆن دۆلارە بۆ بازاڕ زۆر باشترە لە 5 مووچە، كە حكومەت دەیدات.

سەبارەت بە خاڵی دووەم مەلا یاسین وتی، “بابەتی مەقاسە عەیبەبە و من لێرەوە داوا لەوانە دەكەم دەسەڵاتدارن با لەوەزیاتر ئابڕووی بانكی كوردستان نەچێت مەقاسە هەڵبگرن و ڕێگە بدەن بە بەڵێندەران ئەو چەكانەی پێیانە بەكاریبهێنن بۆ كارەبا و ئاو و هەندێك پێداویستی خۆیان”.

ڕاشیگەیاند، خاڵی سێیەم ئەوەیە، بۆ داهاتوو چەندین پڕۆژە هەیە، كە بۆ سلێمانی و ئیدارەكانی دەورووبەری بایی نزیكەی 200 ملیۆن دۆلار پڕۆژە هەیە بۆ ئێستا و داهاتوو، كە داوادەكەین بدرێت بەو كۆمپانیایانەی مەردانە لە سەردەمی قەیرانی دارایی پڕۆژەكانیان بەجێنەهێشت و ئەگەر كەمیش بووبێت بەردەوام بوون.

بە وتەی وتەبێژی یەكێتی وەبەرهێنەران، هەنگاوی چوارەم بۆ بووژاندنەوەی كەرتی وەبەرهێنان “دەبێت لە حكومەتی نوێ‌ پڕۆژەكان و بودجە بەشێوەیەكی دادپەروەرانە و یەكسان دابەش بكرێت بەسەر شارەكاندا، چونكە ئەگەر سەیری بازاڕی سلێمانی بكەیت لەڕووی ئابووری و وەبەرهێنان و بەڵێندەرایەتییەوە پارسەنگی تێدایە بەرامبەر هەولێر، چونكە ئێستا نادادپەروەری دەبینین لە جموجۆڵی بازاڕ و دەستپێكردنەوەی پڕۆژەكان”.

مەلا یاسین هیوای خواست هەر “لە كفرییەوە بۆ ڕانیە و بۆ سۆران و زاخۆ پڕۆژەكان دەستپێبكاتەوە، بەڵام دەبێت بەرگری لەوەبكەین دادپەروەری پەیڕەو بكرێت”.

ئاماژەی بەوەشكرد، كە ڕۆتین دەستی خستۆتە بینەقاقای بەڵێندەرانەوە لەم وڵاتەدا و وتی، “داوا لە كاربەدەستان دەكەین میكانیزمێك بدۆزنەوە بۆ نەهێشتنی ڕۆتین”.

جەختیشی كردەوە، كە دوو وڵاتی زلهێزی ناوچەكە (ئێران و توركیا) دۆخی ئابووریان بەجۆرێكە پارە بهێننە هەرێمی كوردستان و پارەیەكی زۆر بەڕێوەیە، چونكە كۆمپانیا توركی و ئێرانییەكان خەریكن دەگەڕێنەوە و وتیشی، “ئەگەر ئەو میكانیزمانەی وتمان جێگیر بكرێن نزیكەی 350 هەزار هەلی كار دابین دەكرێت و ئەوانەش لەكاردان بتوانن گەشتیاری زۆر بۆ هەرێم ڕابكێشن”.

ئەوەشی خستەڕوو، دەبێت هەوڵ بدەین ئەو چەند ساڵەی هاووڵاتیانی هەرێم زۆر ماندووبوون بەدەست قەیرانی داراییەوە، لە داهاتوودا بۆیان بكەین بە ئاوەدانی و پشوودان.

ئابوری

ئەپڵ، پەیامێك ئاڕاستەی خۆپیشاندەرانی ئەمریكا دەكات


خەڵك-بەشی هەواڵ

كۆمپانیای ئەپڵ پەیامێك ئاڕاستەی خۆپیشاندەرانی ئەمریكا دەكات و ئاشكرایدەكات، ئەو مۆبایلانەی بردووتانە بیگێڕنەوە، ئەگەر نا دەخرێنە ژێر چاودێرییەوە.
ماڵپەری reddit ئەمریكایی بڵاویكردەوە، لەسەر شاشەی مۆبایلە ئایفۆنە درزاوەكان پەیامێك دەركەوت كە داوای لە خۆپیشاندەران كردووە مۆبایلەكان بگێڕنەوە.
ئەپل، لە پەیامێكدا كە بۆسەر شاشەی موبایلەكانی ناردووە نووسیوێتی” داوا لە ئێوە دەكرێت ئەم دەزگایە بگێڕنەوە بۆ فرۆشگاكان، ئەم دەزگایە لەكار خراوە”.
دوای كوشتنی جورج فلوید كە كەسێكی ڕەشپێستی ئەمریكاییە لەلایەن پۆلیسێكەوە، بەشێك لە هاووڵاتیانی ئەمریكا وەك ناڕەزایەتییەك ڕژانەسەر شەقامەكان و زیاتر لە هەفتەیەكە خۆپیشاندانەكان بەردەوامە.

بەردەوام بە لە خوێندنەوە

ئابوری

نرخی نەوت بەرز بووەوە


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 2ی‌ حوزەیرانی 2020 دابەزیوە، بەشێوەیەك نرخی‌ نەوتی برێنت بە 38 دۆلار و 62 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 72 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

ئابوری

نرخی نەوت لە 38 دۆلار نزیكدەبێتەوە


خەڵك- بەشی هەواڵ
نرخی نەوت لە سایەی كۆبوونەوەی چاوەڕوانكراوەكەی گروپی (ئۆپیك+) كە وابڕیارە لەم هەفتەیەدا سازبكرێت، هەندێك بەرزبۆوونەوەی بەخۆوەبینی.

ئەمڕۆ دوو شەممە، نرخی بەرمیلێك نەوتی برێنت گەیشتە 37.84 دۆلار، لە هەمان كاتدا نرخی بەرمیلێك نەوتی خۆرئاوای تكساس بۆ گرێبەستە دواخراوەكان گەیشتە 35.53 دۆلار.

نرخی نەوت لە مانگی ئایاری ڕابردوودا هەندێك بوژانەوەی بەخۆوەبینی كە بەهۆی كەمبوونەوەی بێپێشینەی بەرهەمی نەوتی (ئۆپیك) و پێشبینییەكانی تایبەت بە بەرزبوونەوەی ئاستی داواكاریی لەسەر نەوت كە بەهۆی هەڵگرتنی ڕێكارەكانی داخستی تایبەت بە كۆرۆنایە لە زۆربەی وڵاتان.

واچاوەڕوان دەكرێت وڵاتانی گروپی (ئۆپیك+) لەم هەفتەیەدا كۆبوونەوەیەك بۆ تاوتوێكردنی بازاڕی نەوت لە جیهان و درێژكردنەوەی كارپێكردن ڕێكەوتنی كەمكردنەوەی بەرهەم، سازبكەن.

بەردەوام بە لە خوێندنەوە

کوردستان