ئێمە لە تۆرە کۆمەڵایەتیەکان

عێراق

پێیوایە چوار هێندەی بڕی بەكاربەری ئەڵمانیایە
وزەی نێودەوڵەتی باس لە پارەی موەلیدە ئەهلییەكان دەكات

خەڵك- بەشی هەواڵ
ئاژانسی نێودەوڵەتی وزە دەڵێت، خاوەن موەلیدەكان لە عیراق، لە ساڵی ڕابردوودا هێندە و نیوێكی بودجەی كارەبايان وەرگرتووە، بەپێویستیشی دەزانێت، عیراق پشت بە وزەی خۆر ببەستێت بۆ بەرهەمهێنانی كارەبا.

فاتح بیرۆڵ، ئەمینداری گشتی ئاژانسی نێودەوڵەتی وزە لە كۆنفرانسێكی هاوبەش لەگەڵ سامر غەزبان وەزیری نەوتی عیراق لە بەغدا ڕایگەیاند”خاوەن موەلیدە ئەهلییەكان لە عیراق لە ساڵی ڕابردوودا بڕی چوار ملیار دۆلارییان وەرگرتووە، ئەمەش دوو هێندە و نیوی ئەو بودجەیەیە كە دەدرێتە وەزارەتی كارەبا”.

بە وتەی بیرۆڵ”ئەو كرێیەی خاوەن موەلیدە ئەهلییەكان وەریدەگرن، زۆر گەورەیە، چوار هێندەی ئەو بڕەیە كە بەكاربەر لە ئەڵمانیا دەیدات لەبەرانبەر دەستبەركردنی وزەی كارەبا”.

بیرۆڵ، ئەمەی بەكارێكی ناپەسەند لەقەڵەمدا و داوای كرد یاسایەكی ڕاستەقینە و بەهێز بۆ ڕێكخستنی ئەو پرۆسەیە دابڕێژرێت.

ئەمینداری گشتی ئاژانسی نێودەوڵەتی وزە، حكومەتی عیراقی ڕاسپارد، پەیوەندی لەگەڵ وڵاتانی دەوروبەر بكات بۆ ڕاكێشانی كارەبا و ڕوو لە وزەی خۆر بكات بۆ دابینكردنی وزە، عیراقیشی بە وڵاتێكی دەوڵەمەند بە وزەی خۆر وەسفكرد.

عیراق بەدەست كەموكوڕییەكی زۆری وزەی كارەباوە دەناڵێنێت، ئەمەش وایكردووە زۆربەی هاووڵاتیان ڕوو لە موەلیدە ئەهلییەكان بكەن بۆ پڕكردنەوەی ئەو كەموكوڕییە.

ئابوری

ھۆشداری دەدرێت لەداخستنی گەرووی ھورمز

خەڵك – بەشی هەواڵ

وەزیری نەوتی عیراق ھۆشداریدا بەھۆی ناكۆكییەكانی نێوان ئەمریكا و ئێران، گەرووی ھورمز دابخرێت.

سامر غەزبان وەزیری نەوتی عیراق ڕایگەیاند، وەزارەتی نەوت لە ئێستاوە ڕێوشوێنی پێویستی لەبارەی دابینكردنی سووتەمەنی پێویست بۆ وێستگەكانی كارەبا لە وەرزی ھاویندا گرتووەتەبەر و بەروارد بە ساڵی ڕابردوو زۆربەی كێشەكان چارەسەر دەكرێن.

وەزیری نەوتی عیراق وتیشی، داخستنی گەرووی ھورمز بەھۆی ناكۆكییەكانی نێوان ئەمریكا و ئێرانەوە كاریگەری لەسەر عیراق و وڵاتانی ھەناردەكردنی نەوت لەناوچەكە دەبێت.

پێشتر، سامر غەزبان ڕایگەیاندبوو، وەزارەتەكەی بەنیازە ڕێوشوێنی پێویست لەكاتی ڕوودانی ھەر پێشھاتێكی چاوەڕواننەكراو بەھۆی ناكۆكییەكانی نێوان واشنتۆن و تاران لەناوچەكەدا بگرێتەبەر.

بەردەوام بە لە خوێندنەوە

ئابوری

هەوڵدەدرێت مووچەی خانەنشینی زیادبكرێت

خەڵك – بەشی هەواڵ

ژمارەیەك لە ئەندامانی ئەنجومەنی نوێنەرانی عیراق لە هەوڵدان مووچەی خانەنشینی لە عیراق زیاد بكرێت.

سامر زیبان ئەندامی لیژنەی دارایی ئەنجومەنی نوێنەرانی عیراق لە لێدوانێكی ڕۆژنامەوانیدا ڕایگەیاند، لیژنەی خزمەتگوزارییەكانی ئەنجومەنی نوێنەران لەهەوڵدایە بۆ دۆزینەوەی شێوازێك بۆ زیادكردنی مووچەی خانەنشینان، چونكە ئەو توێژەی كۆمەڵگە زوڵمێكی زۆریان بەرامبەر كراوە.

ئەو ئەندامەی لیژنەی دارایی ئەنجومەنی نوێنەرانی عیراق ئاماژەی بەوەشدا، جیاوازییەكی زۆر لە مووچەی خانەنشینان هەیە بەتایبەت خانەنشینانی سوپای پێشوو.

سامر زیبان جەختیشیكردەوە، لیژنەكە كاردەكات بۆ زیادكردنی مووچەی خانەنشینان لەماوەی چەند مانگی داهاتوودا.

بەردەوام بە لە خوێندنەوە

ئابوری

لەئەگەری ڕوودانی جەنگ، عیراق شوێنی بۆ هەناردەكردنی نەوت دۆزیوەتەوە

خەڵك – بەشی هەواڵ

بەڕێوەبەری كۆمپانیای نەوتی بەسڕە ئاشكرایدەكات، لەكاتێكدا جەنگ لەنێوان ئەمریكا و ئێران ڕووبدات عیراق جێگرەوەی بۆ هەناردەكردنی نەوتی وڵاتەكەی دۆزیوەتەوە.

ئیحسان عەبدولجەبار بەڕێوەبەری كۆمپانیای نەوتی بەسڕە رایگەیاندووە، بەرهەمهێنانی نەوتی ڕۆژئاوای قوڕنەی یەك بۆ 500 هەزار بەرمیلی ڕۆژانە بەرزبووەتەوە، ئەوەش دوای ئەوەدێت كە كارمەندانی كۆمپانیای ئیكسۆن مۆبیل لەو كێلگەیە كشانەوە و بە هاوكاری كارمەندانی ناوخۆیی چەند یەكەیەكی نوێ، بەرهەمهێنان بۆ ئەو كێڵگەیە زیادكرا.

بەڕێوەبەری كۆمپانیای نەوتی بەسڕە ئاماژەی بەوەشكرد، فەرماندەیی پۆلیسی نەوتی پارێزگای بەسڕە، جێگرەوەی بۆ هەناردەكردنی نەوت دۆزیووەتەوە، ئەگەر بێتو جەنگ لە نێوان ئەمریكا و ئێران ڕووبدات (بێ ئەوەی شوێنەكەی ئاشكرابكات)، جێگرەوەكەش بە هەماهەننگی وەزارەتی نەوتی عیراق بووە و دەتوانرێت بۆ چەند مانگێك كاری لەسەر بكرێت، چونكە هەناردەكردنی نەوت تاكە سەرچاوەی ئابووری عیراقە.

ئیحسان عەبدولجەبار ئەوەشی خستەڕوو، عیراق توانای تەواوی هەیە بۆ ئەوەی بڕێكی زۆر نەوت هەناردە بكات، بەڵام بەهۆی ڕێككەوتنی وڵاتانی هەناردەكاری نەوت (ئۆپیك)ەوە ئاستی هەناردەكردنی كەمكردووەتەوە.

بەردەوام بە لە خوێندنەوە

کوردستان