ئێمە لە تۆرە کۆمەڵایەتیەکان

کوردستان

كونسوڵی ئێران، كارئاسانی زیاتر بۆ وەرگرتنی ڤیزای ئێرانی ئاشكرا دەكات

خەڵك-بەشی هەواڵ

سەركونسوڵی كۆماری ئیسلامی ئێران لە شاری هەولێر ڕایدەگەیەنێت، هاووڵاتیان دەتوانن لە ماڵەكانی خۆیانەوە ڤیزا وەربگرن.

مورتەزا عەبادی سەركونسوڵی كۆماری ئیسلامی ئێران لە هەولێر بە میدیاكانی ئێرانی ڕاگەیاند، ئەوانەی خوازیاری وەرگرتنی ڤیزای ئێرانن، لە ماڵەوە یان لە فەرمانگەكانی خۆیانەوە دەتوانن بە شێوازی ئەلیكترۆنی داواكارییەكەیان بە ناونیشانی e-visa.ir تۆمار بكەن.
وتیشی”پاش تۆماركردنی داواكاری وەرگرتنی ڤیزا، كۆدی بەدواداچوون لەگەڵ ژمارەی پاسپۆرت لە ڕێگای ئیمێلی[email protected] بۆ كۆنسوڵخانە بنێرن و لە ماوەی 24 كاتژمێردا دەتوانن ڤیزای كۆماری ئیسلامی ئێران وەربگرن”.

ئاشكراشیكرد، ئەوانەی خوازیاری وەرگرتنی ڤیزای ئێرانن، دەتوانن جگە لە نوسینگەكانی پۆستە، سەردانی نوسینگە ڕێپێدراوەكانی گەشتیاری بكەن یان ئەوەی پاش تۆماری ئەلیكترۆنی، بەشێوەی ڕاستەوخۆ سەردانی كونسوڵخانەی هەولێر بكەن.
ئاماژەی بەوەش دا، لەبەرەئەوەی هەموو هاووڵاتیان شارەزاییان لە بەكارهێنانی زانست، ئامێرە ئەلیكترۆنییەكان نییە، كونسوڵخانەی ئێران لەپێناو ئاسانكاری بۆ سەردانیكەران، ئامادەیە جگە لە نوسینگەكانی پۆستە و گەیاندن، مۆڵەت بداتە نوسینگە ڕێپێدراوەكانی لە ناوچە دوورەدەستەكان بە تایبەت ناوچە سنوورییەكان.

ڕوونیشیكردەوە، پێدانی ڤیزا بێ بەرامبەرە و كەس ناتوانێ لە بەرانبەر دەركردنی پارە وەربگرێت.

کوردستان

پارە و زێڕی ماڵانیان بردووە
هەولێر، دوو كەس بە تۆمەتی دزى دەستگیركران

خەڵك- بلەشی هەواڵ
بەڕێوەبەرایەتیی پۆلیسی پارێزگای هەولێر دەستگیركردنی دوو كەس ڕادەگەیەنێت كە تۆمەتبارن بە دزینی بڕێك پارە و زێڕ لە شوقەكانی (MRF) ، ئاماژە بە دادگایی كردنی دوو تۆمەتبارەكەش دەكات بەپێی مادەی (446) لە یاسای سزادان.

بەپێی ڕاگەیەندراوێك كە ئەمڕۆ دوو شەممە لەلایەن بەڕێوەبەرایەتیی پۆلیسی پارێزگای هەولێرەوە بڵاوكرایەوە” تیمەكانی بەڕێوەبەرایەتیی پۆلیسی پارێزگای هەولێر، لە شوقەكانی (MRF) بە كەمتر لە 14 كاتژمێر دو تۆمەتباریان بە ناوەكانی (ع.ح.م) و (ر.و.ر) بە تۆمەتی “دزینی بڕی 3 ملیۆن دینار، 7 هەزار و 500 دۆلاری یٔەمەریكی و بڕێك زێڕ، دەستگیر كرد”.

هەر لە ڕاگەیەندراوەكەدا هاتووە” تۆمەتباران دانیان نا بە تاوانەكەیاندا، بۆیە بەپێی ماددە (446) لە یاسای سزادان، بەند كراون و دراونەتە دادگا”.

بەردەوام بە لە خوێندنەوە

کوردستان

فرسەت سۆفی ڕوونکردنەوە لەسەر ٥٠ هەزار دیناری پشکنینی بازگەکان دەدات

خەڵک – بەشی هەواڵ

 

نوسینگەى پارێزگاری هەولێر ڕایگەیاند، لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.

نوسینگەی پارێزگاری هەولێر لەڕاگەیەندراوێکدا ڕایگەیاند، پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”.

 

ئەوەش خراوەتەڕوو، بۆیە هەرچی دیکەی دەگوترێ بێجگە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

 

ڕوونکردنەوەیەک لە نووسینگەی پارێزگاری هەولێر

 

لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.
پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”، بۆیە هەرچی دیکەی دەگوترێ بێجە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

نوسینگەی پارێزگاری هەولێر
2020.7.13

بەردەوام بە لە خوێندنەوە

کوردستان

یەکێتی: ئیدارەی گەرمیان هەر پێداویستییەکی پزیشکی پێویستبێت بۆیان دابیندەکەین

خەڵک – بەشی هەواڵ

یەکێتیی نیشتیمانیی کوردستان لەگەرمیانەوە ڕایگەیاند، ئیدارەی گەرمیان هەر پێداویستییەکی پزیشکی پێویستبێت بۆیان دابیندەکەن.

میران محه‌مه‌د ئه‌ندامی مه‌كته‌بی سیاسی یه‌كێتیی نیشتمانیی كوردستان له‌ كۆنفرانسێكی ڕۆژنامه‌وانیدا لەگەرمیان ڕایگەیاند، ئیدارەى گەرمیان داوای هەر پێداویستییەکی پزیشکی و دەرمان و چارەسێک بکات، ئه‌گه‌ر له‌ ده‌ره‌وه‌ی وڵاتیش بێت وەک یەکێتیی نیشتیمانیی کوردستان بۆیان بەردەستدەخەن.

 

لاهور شێخ جەنگی و شاندێکی هاوبەشی، بەمەبەستى لەنزیکەوە ئاگابوون لەگرفتەکانی قەزاى کەلار و بەگشتی ئیدارەى گەرمیان چووە ئەوێ و مەبەستییەتى چارەسەری بەشێک لەگرفتەکانیان بۆ بکات.

 

ئەمە لەکاتێکدایە ماوەى چەند ڕۆژێکە چالاکوانان و خەمخۆرانی ئەو ناوچەیە هەڵمەتێکی کۆکردنەوەی کۆمەک و هاوکاریی تەندروستییان ڕاگەیاندووە، چونکە پێداویستى پزیشکی لەو قەزایە کەمە و گرفتى تەندروستی بۆ دروستکردوون.

بەردەوام بە لە خوێندنەوە

کوردستان