ئێمە لە تۆرە کۆمەڵایەتیەکان

ناوخۆیی

ئەمڕۆ وەک ڕۆژی وەرزشیی کوردستان دیاری کرا و چەندین چالاکی وەرزشیی ئەنجامدران

خەڵک سپۆرت

پاش زنجیرەیەک کۆبونەوە و ڕاوێژکردن بە ڕۆژنامەنوسان و کەسایەتیە وەرزسیەکان، ئەمڕۆ وەک ڕۆژی وەرزش لە کوردستان مامەڵەی لەگەڵدا کرا و چەندین چالاکی جۆراوجۆر لەسەرانسەری هەرێمی کوردستان ئەنجامدران.

ڕێکخراوی (Kurdistan Sports Day) سەرپەرشتی چالاکیە وەرزشیەکانی کرد و لە شار و شارۆچکەکانی کوردستان چەندین چالاکی ئەنجامدران، گرنگترینیان لە شاری هەولێر بوون لەنمونەی ڕووبەڕوبونەوەی نێوان ئەفسانەکانی بواری تۆپی پێی عیراق و کوردستان.

له‌ دهۆك چالاکیەکان به‌ ماراسۆنی بایسكیلسواری ده‌ستی پێکرد، پاشان پێشبڕكێی هۆكی سه‌رشه‌خته‌ ئەنجامدرا و پاشان له‌ هۆڵی یانه‌ی ئه‌كاد یارییه‌كی تایبه‌ت به‌ باسكه‌ی خاوه‌ن پێدوایستیە تایبه‌تەکان به‌ڕێوەچوو.

دهۆک بە ئەنجامدانی ماراسۆن و چەند چالاکییەکی دیکە بەشداری رۆژی وەرزشی کوردستانی کرد.

دهۆک بە ئەنجامدانی ماراسۆن و چەند چالاکییەکی دیکە بەشداری رۆژی وەرزشی کوردستانی کرد.مەودای راکردنەکە 5 کیلۆمەترە#رۆژی_وەرزشی_کوردستان

Posted by Kurdistan24 on Saturday, April 20, 2019

له هه‌ولێری پایته‌خت ماراسۆنێك له‌گه‌ڵ پێشبڕكێی مه‌له‌وانی و پاڵه‌وانێتی یاری تێنسی سه‌رزه‌وی به‌ به‌شداریی ده‌یان وه‌رزشکار له‌ رۆژی نیشتیمانی وه‌رزشی بەهەمان شێوە ئەنجامدران.

له‌ كاتژمێر 3:00ـی ئێواره‌ی هەمان ڕۆژ (٢٠/٤) له‌ یاریگه‌ی فره‌نسۆ هه‌ریری فێستیڤاڵێكی وه‌رزشی تایبه‌ت به‌ رۆژی نیشتیمانی وه‌رزش ده‌ستی پێکرد، پاشان له‌ یه‌كێك له‌ دیارترین چالاکیەکان، ئەنجامدانی یاریی ڕه‌گبی بوو کە بۆ یەکەمجارە لە کوردستان ئەنجام دەدرێت.

لەچوارچێوەی چالاکیەکاندا و‌ بۆ یه‌كه‌مجار به‌ بۆنه‌ی رۆژی نیشتیمانی وه‌رزشی كوردستان، هه‌ردوو هه‌ڵبژارده‌ی ئه‌فسانه‌كانی عێراق و كوردستان له‌ یاریگای شه‌هید فڕه‌نسۆ هه‌ریری به‌یه‌ك بگه‌ن و سه‌رجه‌م چالاكییه‌كانیش به‌ سپۆنسه‌ری میدیایی “كوردستان٢٤” ده‌بێت.

ریکلام

ناوخۆیی

لەپێناو خۆپارێزی لە ڤایرۆسی کۆرۆنا ڕاکردنی ئومێد ئەنجام نادرێت

خەڵک سپۆرت – ئارام سەردار

ماراسۆنی ئومێد کە بڕیاربوو شەممەی داهاتوو لەپێناو کۆمەککردن بۆ نەخۆشانی شێرپەنجە ئەنجام بدرێت، لەلایەن ڕێکخەرانی ماراسۆنەکەوە بۆ کاتێکی نادیار دواخرا.

ڕێکخەرانی ماراسۆنەکە لەم بارەیەوە راگەیاندراوێکیان بلاوکردۆتەوە، تیایدا هاتووە:

بۆ زیاتر خۆپاراستن و سەلامەتی ھاوڵاتیان، لە نەخۆشی کۆرۆنا، بڕیارماندا، ڕاکردنی ئومێد کە بڕیار بوو لە ٢٩/٢ بەڕێوەبچێت، بۆ کاتێکی نادیار دوا بخەین.
وەک دەزانن، ماڕاسۆن یان ڕاکردن، یان ھەر چالاکیەکی بە کۆمەڵ، ھۆکارێکە بۆ تێکەڵ بوون نزیک بوونەوەی خەڵکی لە یەکتر، لەژێر جێبەجێ کردنی ڕێنماییەکانی حکومەت و وەزارەتی تەندروستی، بۆ دورکەوتنەوە لە قەرەباڵغی و تێکەڵ بوونی خەڵک، بەباشمان زانی ڕاکردنی ئومێد کە تایبەت بوو، بە ھۆشیاری و کۆکردنەوەی ھاوکاری و کۆمەک بۆ نەخۆشانی شێرپەنجە، ئەنجام نەدرێت، ئەمەیش دوای ئەوەی کە بڕیاردرا لەسەرجەم ناوەندەکانی خوێندن و زانکۆ و پەیمانگاکان بکرێت بە پشوو، کە بەشێکی زۆری ئەو کەسانەی کە بەشداری ڕاکردنەکەشیان دەکرد قوتابی بوون.

ڕاگرتنی چالاکییە وەرزشییەکان لە هەرێمی کوردستان، دەچێتە چوارچێوەی پڕۆسەی خۆپاریزی لە ڤایرۆسی کۆرۆنا کە لەلایەن وەزارەتی تەندروستییەوە بڕیاری لەسەردراوە.

بەردەوام بە لە خوێندنەوە

ناوخۆیی

یانەی هەولێر دوواین ئامادەکارییەکانی بۆ دەستپێکی خولی نایابی عیراق ئەنجامدا

خەڵك-ئارام سەردار
بڕیارە سبەی سێ شەممە 18ی شوباتی 2020 لەهەولێر یەكەم یاری لەخولی نایابی عیراق بە بەشداری 15 یانە بەڕێوەدەچێت، لەیەكەم یاریش یانەی هەولێر میوانداری یانەی حدود دەكات.

ئەمرۆ بەمەبەستی بەشداریكردن لە خولی نایابی عیراق، یانەی هەولێر دواین ئامادەكاری خۆی بۆ یەكەم یاریان لە خولەكە دەست پێكرد، ئەمەش دوای ئەوەی پێشتر خولی نایابی عیراق بەهۆی خوپیشاندان و ئالۆزیەكانی ناوەڕاست و باشوری عیراق بۆ نزیكەی 4 مانگ ڕاگیرا، تا لە كۆتایدا بڕیار درا بە شیوازێكی نوێ‌ خولەكە بەڕێوەبچێت.

لەئێستادا یانەی هەولێر دوای هەڵوەشاندنەوەی خولی پیشوو بڕیارە بۆ بەڕێوەچوونی خولەكە بە شێوازێكی نوێ‌ و بە بەرگێكی جیاواز بۆ یەكەمین یاری بە تەواوی یاریزنەكانی بەشداری بكات، هەڵوەشاندنەوەی خولی پێشووش بووە دەرفەتیكی باش بۆ هەولێر تا زیاتر ئامادەكاری بكات و شەش یاریزانیش بۆ ڕیزەكانیان بگوازێتەوە.

یاریەكانیش بە یەك قۆناغ ئەنجام دەدرێت واتە هەر یانەیەك 14 یاری ئەنجام دەدات، هەولێر لە دەست پێكی هەفتەی یەكەم لە یاریگای یەكەمی یانەكەی و لە سەعات 3: 30 دەقیقەی میونداری یانەی حدود دەكات، سیستەمی خولەكە بە جۆرێكە لە دەست دانی هەر خالێك بە ئاسانی قەرەبوو ناكرێتەوە بە هۆی كەمی ژمارەی یاریەكان، بە تایبەتی بۆ یانەیەك كە بیەوێت ڕكابەری بكات تا لە ڕیزبەندی پێشەوەی خولەكە بێت و بلیتیكی بەشداری كردن لە پاڵەوانەیتیەكانی دەرەوە بە دەست بهێنێت، چونكە هیچ یانەیەك دانابەزیت بۆ ڕكابەریەكان تەنها بۆ یانەكانی پیشەنگ نەبێت.

بەردەوام بە لە خوێندنەوە

ناوخۆیی

(بەوێنە) لە هەولێر پاڵەوانیەتی شمشێربازی بۆ كوڕان و كچان بەرێوەچوو

خەڵك-ئارام سەردار

دوای ساڵانێك لەبەڕێوەنەچوونی پاڵەوانیەتی شمشێربازی، ئەمڕۆ یەك شەممە 16ی شوباتی 2020 لەهەولێر دواین یاری پاڵەوانیەتیەكی شمشێربازی بۆ یانەكانی شاری هەولێر لەهەردوو ڕەگەز بەرێوەچوو .

لەلایەن لقی هەولێری یەكێتی شمشێربازی كوردستان پاڵەوانیەتیەكی كراوەی شمشێربازی لە ئاستی پێشكەوتوانی كوڕان و كچان بۆ یانەكانی شاری هەولێر ئەنجام دا، ماوەی سێ ڕۆژ بەردەوام بوو.

هەر یەك لە یانەكانی ئەكاد و قەڵا و هەندرێن و پێشكەوتن لە پاڵەوانیەتیەكە دا بە 19 یاریزان و كوڕ و 12 یاریزانی كچ بەشدار بوون، لە ڕكابەریەكەدا لە كچان یاریزانان (ئیمان سەردار) لە یانەی قەڵا، (سارا قاسم) لە یانەی پێشكەوتن، گەیشتن بە یاری كۆتایی و لە دوا یاریشدا (ئیمان سەردار) پلەی یەكەمی بە دەست هێنا.

هەروەها لەڕكابەری یاریزانانی كوڕاندا هەر یەك لە یاریزانان (ئەحمە عەبدولكەریم) لە یانەی ئەكاد و (عەبدول سەمەد لەتیف) لە یانەی پێشكەوتن یاری كۆتاییان ئەنجام دا یاریزانەكەی پێشكەوتن (عەبدول سەمەد لەتیف) براوەی یاریەكە بوو لە كۆتایی پاڵەوانیەتیەكەش خەڵات بە سەر سەركەوتوان دابەش كرا.

بەردەوام بە لە خوێندنەوە

کوردستان