ئێمە لە تۆرە کۆمەڵایەتیەکان

کوردستان

دادگایەكی نێودەوڵەتی تایبەتیان بۆ دروستدەكرێت
شەش هەزار داعش لە ڕۆژئاوای كوردستان دەستبەسەرن

خەڵك- بەشی هەواڵ
سەرۆكی فەرمانگەی پەیوەندییەكانی دەرەوەی ئیدارەی خۆبەڕێوەبەری لە ڕۆژاوای كوردستان دەڵێت، 6 هەزار داعشی كە هەزارییان بیانیین، لە خۆلاهەڵاتی فورات دەستبەسەرن.

عەبدولكەریم عومەر، سەرۆكی فەرمانگەی پەیوەندییەكانی دەرەوەی ئیدارەی خۆبەڕێوەبەری لە ڕۆژاوای كوردستان بە ڕۆژنامەی (الشرق الاوسط)ی ڕاگەیاندووە”دۆسێی دەستبەسەرە بیانییەكان و خێزانەكانیان، بارگرانییەكی گەورەیە بۆ ئیدارەی كورد كە بەردەوام داوای لە وڵاتەكانیان كردووە، وەریانبگرنەوە و لەسەر خاكی خۆیان دادگاییان بكەن”.

وێڕای بانگەشەكانی ئەمریكا، زۆربەی وڵاتانی ئەوروپا دوودڵن لە گێڕانەوەی هاووڵاتییەكانیان، ئەمەش وای لە ئەمریكاییەكان كردووە لەگەڵ نوێنەرانی ئیدارەی خۆبەڕێوەبەری، پێكهێنانی دادگایەكی نێودەوڵەتی تاوتوێ‌ بكات، و گرتوخانە و ناوەندی دەستبەسەركردن بۆ ئەو دیلانە دروست بكات.

بە وتەی عومەر”دۆسێی چەكدارە زیندانییەكانی ڕێكخراوی داعش و دادگایی كردنیان، لە دەركەوتووترین ڕووبەڕبوونەوەكانی بەردەم ئیدارەی خۆبەڕێوەبەرییە لە دوای تێكشكاندنی داعش و لەناوبردنی ڕێكخراوەكە”.

ئەو بەرپرسەی ڕۆژئاوای كوردستان دەڵێت”نزیكەی 6 هەزار چەكداری دەستبەسەر هەن كە هەزارییان لە نزیكەی 50 دەوڵەتی خۆرئاوایی و ئەوروپاییەوە هاتوون، و پاشماوەی دەستبەسەركراوەكانی تر، سوری و عیراقین، حكومەتەكانی ئەو دەوڵەتانەش ڕەتیدەكەنەوە پێشوازیی لە هاوڵاتیانیان بكەن، بۆیە داوای پێكهێنانی دادگایەكی نێودەوڵەتی تایبەت كراوە بۆ دادگایی كردنی ئەو چەكدارانە كە بارەگاكەی لە ناوچەكانی ئیدارەی خۆبەڕێوەبەری دەبێت، ئەمەش بە ڕەچاوكردنی بوونی زۆرێك لە بەڵگەنامە و شایەتحاڵەكان كە تاوانباركردنی دەستبەسەركراوەكان دەسەلمێنن، و بەپێی یاسا و پێوەرە نێودەوڵەتییەكانیش دادگایی دەكرێن”.

عەبدولكەریم عومەر پێیوایە، دەبێت پسپۆڕی یاسایی دادگاكە لەسەر بنەمای شوێنی ڕوودانی كارە تاوانكارییەكان و شوێنى دەستگیركردنی تاوانەنبارەكان بێت.

ژینگە

شارەوانی سلێمانی: دار سنەوبەرەکان بەمەبەست نەسووتێنراون

خەڵک – بەشی هەواڵ

شارەوانی سلێمانی ڕەتیدەکاتەوە بەمەبەست ئاگر لەدار سنەوبەرەکانی ڕێگای ڕاپەڕین بەردرابێت.

 

ئاکۆ عەلی جێگری سەرۆکی شارەوانی سلێمانی  لەکۆنفڕانسێکی ڕۆژنامەوانیدا ڕایگەیاند، ئەو دار سنەوبەرانەى کە سووتاون، تازە نییە و لەم چەند ڕۆژەى ڕابردوودا ڕووینەداوە، بەڵکو ئەوەی بەرامبەر فەرماندەیی لەبەرواری ٧\٦\٢٠٢٠ ئاگرێک کەوتەوە و بەهۆی ئەوەوە سوتان، ئاگرێکی دیکەشیان لەبەرامبەر تەکیەکەی شێخ محەمەدی کەسنەزانی لەمانگی حەوتی ئەمساڵدا کەوتەوە و ژمارەیەک دار پێوەی سووتان.

 

ئاماژەى بەئەوەشدا، ڕەتیدەکەنەوە، کە ئەو ئاگرە لەم چەند ڕۆژەدا بووبێت و ڕەتی دەکەنەوە کە بەمەبەست سووتێنرابێت، بەڵکو ئاگرێکی ئاسایی بووە.

 

 

بەردەوام بە لە خوێندنەوە

کوردستان

سلێمانی..گۆشتفرۆشی (جیهانی گۆشتی به‌رخ) داخرا

خەڵک – بەشی هەواڵ

 

به‌هۆی فێڵكردن له‌ هاوڵاتییان و فرۆشتنی گۆشتی به‌ستو به‌نرخی گۆشتی فرێش، لیژنه‌ هاوبه‌شه‌كانی قائیمقامیه‌تی سلێمانی دوكانێكی گۆشتفرۆشتنی داخست.

 

بێوه‌ی ئه‌حمه‌د، سه‌رۆكی لیژنه‌ی دوی قائیمقامیه‌تی سلێمانی ڕایگه‌یاند، به‌هۆی فێڵكردن له‌ هاوڵاتیان و فرۆشتنی گۆشتی به‌ستو به‌ نرخی گۆشتی فرێش، لیژنه‌كه‌ دوكانی گۆشتفرۆشی (جیهانی گۆشتی به‌رخ) له‌ گه‌ڕه‌كی كانی بای شاری سلێمانی داخست.

 

وتیشی: له‌كاتی سه‌ردانی لیژنه‌كه‌ بۆ دوكانی گۆشتفرۆشی (جیهانی گۆشتی به‌رخ) ده‌ست به‌سه‌ر بڕێكی زۆر گۆرشتی به‌ستودا گیراوه،‌ كه‌ خاوه‌نه‌كه‌ی به‌نیاز بوه‌ به‌نرخی گۆشتی فرێش به‌سه‌ر هاوڵاتیاندا ساغی بكاته‌وه‌، ئه‌مه‌ش جۆرێكه‌ له‌ فێڵی بازرگانی و یاسا ڕێكاری‌ خۆی بۆ ئه‌نجامده‌رانی دیاریكردوه‌.

 

ئاماژه‌ی بۆ ئه‌وه‌كرد: به‌فه‌رمانی قائیمقامی سلێمانی دوكانی گۆشتفرۆشی (جیهانی گۆشتی به‌رخ) داخرا و خاوه‌نه‌كه‌شی ڕووبه‌ڕووی ڕێكاری یاسایی توند ده‌كرێته‌وه‌.

بەردەوام بە لە خوێندنەوە

ژینگە

وەزارەتی كشتوكاڵ و سەرچاوەكانی ئاو پڕۆژەیەکی بۆ پاراسانی دارستانەکان ئامادەکردووە

خەڵک – بەشی هەواڵ

وەزارەتی كشتوكاڵ و سەرچاوەكانی ئاوی حکومەتى هەرێم ڕاگەیەندراوێکی لەبارەى سووتاندنی دار سنەوبەرەکانی ڕێگای ڕاپەرین لەسلێمانی بڵاوکردەوە.

 

حسێن حەمە كەریم وتەبێژی وەزارەتی كشتوكاڵ و سەرچاوەكانی ئاو لەڕاگەیەندراوێکدا ڕایگەیاند، لەچەند ڕۆژی ڕابردوو ڤیدیۆی سوتانی دارسنەوبەرەكانی نزیك شەقامی سەرەكی سلێمانی تاسڵوجە بڵاوكرایەوە، لەسەر ڕاسپاردەی  وەزیری كشتوكاڵ و سەرچاوەكانی ئاو بەدواداچوونی ورد كرا.

 

ئاماژەى بەئەوەشدا، پێشتر چەندین جار هەوڵدراوە ئەم ناوچەیە بكرێت بە پڕۆژە، بەڵام وەزارەت لاری نەبوونی نەداوە، چونكە ئەم دارسنەوبەرانە، سیمایەكی جوان و ژینگەیان بەخشیوەتە ئەم ناوچەیە، بۆیە ناكرێت درەخت ببڕدرێت بۆ ئەوەی لە شوێنەكەی پڕۆژە بكرێت.

 

باسی لەئەوەشکرد، ئەم دارسنەوبەرانە بەری ڕەنج و ماندووبوونی دەیان ساڵی فەرمانبەرانی دارستانە.

 

ئەوەشی خستەڕوو، لەئێستادا ئەم دار سنەوبەرانە ( ئەم ناوچەیە) كەوتۆتە ناو سنوری شارەوانی تاسڵوجە و ڕاپەڕین.

 

ئەوەشی باسکرد، لەگەڵ ئەوەی ئەم بابەتە لەچەند ڕۆژی ڕابردوو ڕوویداوە، بەڵام بەڕێوەبەرایەتی گشتی كشتوكاڵی سلێمانی و بەڕێوەبەرایەتی گشتی باخداری و دارستان و پاوان لەگەڵ لایەنە پەیوەندارەكان لە بەدواداچوونی بەردەوامدان، بۆ دیاریکردنی هۆکارەکان و گرتنەبەری ڕێکاری پێویست.

 

 

وتیشی: وەزارەتمان پڕۆژەی بۆ پاراستنی دارستانەكان ئامادە كردووە، لە ئێستادا لە قۆناغی پەسندكردنە بۆ ئەوەی بەشێوەیەكی سەردەمیانە دارستانەکان لە سوتان و لەناو چوون بپارێزرێن.

 

ئاماژەى بەئەوەشدت، وەك وەزارەتی كشتوكاڵ و سەرچاوەكانی ئاو سوپاسی هەوڵ و ماندوونی خەمخۆران و چالاكانی ژینگە دەكەن، كە لەرێگەی خۆیان هەوڵ بۆ پاراستنی ئەم درەختانە و سەرجەم دارستانەكان دەدەن، پێویستە بكەرانی دەست نیشان بكرێن و سزای یاسایی خۆیان وەربگرن، ئێمەش لە چوارچێوەی پەیوەندیداریمان هاوكار و بەردەوام دەبین بۆ پاراستنیان.

 

بەردەوام بە لە خوێندنەوە

کوردستان