ئێمە لە تۆرە کۆمەڵایەتیەکان

کوردستان

ژن و منداڵە ئێزدییە ڕزگاركراوەكانی دەستی داعش گەیشتنەوە هەرێم

خەڵك – بەشی هەواڵ

(25) ژن و منداڵە ئێزدییەكەی دوێنێ‌ لە ڕۆژئاوای كوردستان ڕادەستی كەسوكاریان كرانەوە، ئێوارەی ئەمڕۆ گەیشتنەوە هەرێم.
ئەو (25) ژن و منداڵەی دوێنێ‌ شەممە، لەلایەن ماڵی ئێزدییەكانەوە لە ڕۆژئاوای كوردستان كە لەڕێی ئەنجومەنی ئێزدییەكان لە شنگال ڕادەستی كەسوكاریان كرابوونەوە، ئێوارەی ئەمڕۆ گەیشتنەوە هەرێمی كوردستان.

دوێنێ‌ شەممە لەلایەن ماڵی ئێزدییەكانەوە لە ڕۆژئاوای كوردستان (25) ژن و منداڵ لەڕێی ئەنجومەنی ئێزدییەكان لە شنگال ڕادەستی كەسوكاریان كرانەوە، بەوەش كۆی ئەو كەسانەی لە كۆتا قۆناغی ئۆپراسیۆنی شەڕڤانانی هێزەكانی سوریای دیموكرات (هەسەدە) لە باغۆز ڕزگاركراون و ڕادەستی كەسوكاریان كراونەتەوە گەیشتە، (300) كەس كە زۆرینەیان ژن و منداڵن.

پێشتر، زیاد ڕۆستەم بەڕێوەبەری ماڵی ئێزدییەكان لە ڕۆژئاوای كوردستان لە كۆنگرەیەكی ڕۆژنامەوانیدا ڕایگەیاندبوو، لە ساڵی (2015)ەوە زیاتر لە (850) هاووڵاتی ئێزدی لەلایەن شەڕڤانانەوە لە دەستی تیرۆریستانی داعش ئازادكراون و ڕادەستی كەسوكاریان كراونەتەوە، لەگەڵ ئەوەشدا ژمارەیەكی زۆر لە كچان و ژنانی ئێزدی لە ناوچەی ئیدلب ماونەتەوە كە پێشتر لەلایەن داعشەوە مامەڵەیان پێوەكراوە و ئێستا لە ناوچەكانی ژێردەستی بەرەی نوسڕەدان.

کوردستان

مەسعود بارزانی بەشێوەیەكی جیاواز یادی ریفراندۆم دەكاتەوە

خەڵك- بەشی هەواڵ
سەرۆكی پارتی دیموكراتی كوردستان لە سێیەم ساڵیادی ریفراندۆمدا ڕایگەیاند “خۆناچەمێنین”.

ئەمڕۆ هەینی 25ی ئەیلولی 2020، مەسعود بارزانی سەرۆكی پارتی دیموكراتی كوردستان لەڕێی توێتێكەوە لەسەر تۆڕی كۆمەڵایەتی (تویتەر) و لە یادی سێ ساڵەی ڕاپرسی لە هەرێمی كوردستان پەیامێكی بڵاوكردەوە.

پەیامەكەی بارزانی لە مساڵدا بەبۆنەی تێپەڕینی سێ‌ ساڵ بەسەر پرۆسەكەدا جیاوازبوو، چونكە تەنیا بو وشەی “خۆناچەمێنین” یادەكەی كردەوە.

سێ ساڵ لەمەوبەر لە هەرێمی كوردستان، بە پشتیوانی زۆربەی هەرە زۆری هێزە كوردستانییەكان پرۆسەی ریفراندۆم بۆ سەربەخۆیی ئەنجامدرا و ڕێژەی 92.7%ی بەشداربوانیش بە “بەڵێ‌” دەنگیاندا بۆ سەربەخۆیی كوردستان.

بەردەوام بە لە خوێندنەوە

کوردستان

ئەمڕۆ ساڵیادی ریفراندۆمە

خەڵك- بەشی هەواڵ
سێ‌ ساڵ لەمەوبەر پرۆسەی ڕاپرسی یان ریفراندۆم لەسەر جیابوونەوەی هەرێمی كوردستان لە عیراق و دروستكردنی دەوڵەتی سەربەخۆی كوردستان ئەنجامدرا كە بووە خاڵێكی وەرچەرخان لە مێژووی كورد،  بە بۆچوونی زۆرێكیش پرۆسەكە لە ئایندەی میللەتی كورددا وەك هەنگاوێكی ئەرێنی دەمێنێتەوە.

ریفراندۆم لە 25ی ئەیلولی 2017 ئەنجامدرا و زۆربەی هێزە سیاسییەكانی كوردستان پاڵپشت و پشتیوانی پرۆسەكە بوون، گەلی كوردیش لە دەنگدانەكەدا بە ڕێژی زیاتر 90% دەنگی بە “بەڵێ”دا بۆ سەربەخۆیی كوردستان و دروستكردنی دەوڵەتی كوردی.

هەرچەندە پرۆسەكە ئامانجی خوازراوی خۆی نەهێنایەدی و دواتر هەرێمی كوردستان لەلایەن حكومەتی فیدراڵ و وڵاتانی دراوسێوە گوشارێكی زۆری خرایەسەر، بەڵام بەپێی لێكدانەوەی زۆرێك لە شرۆڤەكاران، هەنگاوەكە قۆناغێكی مێژوويی تری بۆ گەلی كورد هێنایەپێش و كورد جارێكی تر خواستی خۆی بۆ سەربەخۆی و دەوڵەتی سەربەخۆ، بەگوێی جیهاندادا.

ریفراندۆم دەنگی گەلی كورد بوو بۆ سەربەخۆی و ناكرێت بەرگی حزبایەتی و كەسێتییە دیاركراوەكانی بەبەردا بكرێت، جوڵە و بزاوتنێكی تری كوردانەش بوو بەرەو ئەو ئامانجەی كە دەبێت ڕۆژێك لەڕۆژان بێتەدی.

بەردەوام بە لە خوێندنەوە

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

کوردستان