ئێمە لە تۆرە کۆمەڵایەتیەکان

ئابوری

بەهای تمەن بەرامبەر دۆلار و دینار دابەزی


خەڵك – بەشی هەواڵ
خاوەن نووسینگەیەكی ئاڵوگۆڕی دراو لە سلێمانی ئاشكرای دەكات، كە دوو ڕۆژە بەشێوەیەكی بەرچاو بەهای تمەن دادەبەزێت و دەشڵێت: “بەهای دۆلار تا ڕادەیەك جێگیرە”.

ئیبراهیم غەفوور، خاوەنی نووسینگەی نەشوان لە بازاڕی دۆلارەكە بە (خەڵك)ی ڕاگەیاند، ئەمڕۆ یەك شەممە 14ی نیسانی 2019 لەكاتی داخستنی بازاڕ 100 دۆلار بە 120 هەزار و 200 دینار مامەڵەی پێوەكراوە.

سەبارەت بە بەهای تمەن وتیشی، ” 100 دۆلار بە ملیۆنێك و 364 هەزار تمەن بە دەستی و بە ملیۆنێك و 380 هەزار تمەن بە حەواڵە مامەڵەی پێوەكرا”.

ڕاشیگەیاند، 100 هەزار تمەن بە 8 هەزار و 850 دیناری عیراقی ئاڵوگۆڕی پێوە دەكرێت.

دوابەدوای سەپاندنەوەی سزا ئابوورییەكان بەسەر ئێراندا لەلایەن ئەمریكاوە، بەهای تمەن-ی ئەو وڵاتە دابەزی و لە چەند ڕۆژی ڕابردووشدا بەهۆی ئەوەی ترەمب بڕیاریدا سوپای پاسداران بە “ڕێكخراوێكی تیرۆرستی” بناسێنێت، جارێكی دیكە بەهای ئەو دراوە دابەزی.

ئابوری

پێدانی كارەبای نیشتمانی لە 24 كاتژمێر نزیكدەبێتەوە


خەڵك- بەشی هەواڵ
وەزارەتی كارەبای حكومەتی هەرێم ئاشكرای دەكات، كە لە ڕۆژانی جەژندا 20 كاتژمێر كارەبا درا بە هاووڵاتیان و بۆ مانگی داهاتووش بڕیاری پێویست دەدرێت.

بەڕێوەبەرایەتی كۆنتڕۆڵی كارەبای هەرێم لە ڕاگەیەنراوێكدا ئاماژەی بەوەكردووە، لەڕۆژانی جەژندا توانرا بە سیستەمێكی ڕێكوپێك و بە هەوڵ و ماندووبوونی ئێشكگرانی كارەبا 20 كاتژمێر كارەبا بدرێت بەهاووڵاتیان، ئەمەش بەسوود وەرگرتن لە بەرهەمهێنانی 3000 مێگاوات كارەبا، كە بەشێوەیەكی ڕێكوپێك وزەی كارەبا بەسەر پارێزگاكانی هەرێمی كوردستاندا دابەشكرا.

ڕاشیگەیاندووە، بڕیارە تا ڕۆژی شەممە بەمشێوەیە كارەبا بە هاووڵاتیان بدرێت.

ئاشكراشی كردووە، بۆ مانگی حوزەیرانیش كۆبوونەوەیەك ئەنجام دەدرێت بۆ ئەوەی بارودۆخی بەرهەمهێنانی كارەبا و هەڵكشانی خواستی بەكارهێنان هەڵبسەنگێنرێت و بڕیار بدرێت.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان


خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 27ی‌ ئایاری 2020 كەمێك بەرز بووەتەوە، بەشێوەیەك نرخی‌ نەوتی برێنت بە 36 دۆلار و 2 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 34 دۆلارو 15 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بانكی نێودەوڵەتی: كۆرۆنا ملیۆنان كەس بەرەو هەژاری دەبات


خەڵك – بەشی هەواڵ

بانكی نێودەوڵەتی كە قەرز و مینحەی دارایی پێشكەشی هەژارترین وڵاتانی جیهان دەكات، ئەوەی خستەڕوو بڵاوبوونەوەی ڤایرۆسی كۆرۆنا 60 ملیۆن كەس بەرەو هەژاری لەجیهاندا دەبات.

دەیڤد مالباس سەرۆكی بانكی نێودەوڵەتی پێشبینی دەكات، ئەمساڵ جیهان هەنگاوێكی مێژوویی پاشەكشە بكات بەرەو دواوە ئەوەی پەیوەندی بەنەبوونی یەكسانییەوە هەیە و پێدەچێت بڵاوبوونەوەی ڤایرۆسی كۆرۆنا ببێتە هۆی یەكەم زیادبوونی هەژاری لەجیهان لەساڵی 1998وە تائێستا.

سەرۆكی بانكی نێودەوڵەتی ئاماژەی بەوەشكرد: پێشبینییەكانی ئەم دواییە تێكچوون و لەپاشەكشەدان بەهۆی بڵاوبوونەوەی ڤایرۆسی كۆرۆنا و وەستانی چالاكییە ئابوورییەكان كە بە هۆیەوە زۆرینەی ئەو پێشكەوتنانەی وەستاند كەلەبواری كەمكردنەوەی هەژاری بەدەست هاتبوون.

بەردەوام بە لە خوێندنەوە

کوردستان