مەزڵوم كۆبانێ فەرماندەی گشتی هێزەكانی سووریای دیموكرات هەسەدە ڕایگەیاند، هەسەدە بەشێك نییە لە پارتی كرێكارانی كوردستان پەكەكە.
مەزڵوم كۆبانێ فەرماندەی گشتی هێزەكانی سووریای دیموكرات لە چاوپێكەوتنێكدا لەگەڵ كەناڵی حەدەس- ئەلعەرەبییە، ڕایگەیاند، هێزەكانی سووریای دیموكرات بەشێك نین لە پارتی كرێكارانی كوردستان، ئێمە بە فەڕمی ئەوەمان ڕاگەیاندووە، هیچ پەیوەندییەكمان بە پەكەكەوە نییە، بەڵام پەكەكە لە شەڕی تیرۆر و داعشدا هاوكارمان بوون.
ئاماژەی بەوەشكرد، گەلی ئێمە پەیوەندییان بە عەبدوڵا ئۆجەلانەوە هەیە، من لە پێشدا كارم لەگەڵیدا كردووە.
لەبارەی هێرشی توركیاوە ڕایگەیاند، چاوەڕێدەكەین ڕووسیا و دیمەشق دژی هێرشی توركیا بوەستنەوە بۆ سەر كۆبانێ و منبج كە ڕەنگە لە مانگی شووباتدا ئەو هێرشە بكرێت.
ڕاشیگەیاند لە بارەی ئەگەری هێرشی توركیا بۆ سەر كۆبانێ لەگەڵ رژێمی سووریا لە گفتووگۆداین.
