ئێمە لە تۆرە کۆمەڵایەتیەکان

عێراق

موقتەدا سەدر هەڵوێستی خۆی لەسەر پۆبجی كلاسیكۆ ڕاگەیاند

خەڵك – بەشی هەواڵ

ڕێبەری ڕەوتی سەدر داوای لە منداڵان و گەنجان كرد لە یاری پۆپجی و یاری كلاسیكۆ دووربكەونەوە و دەڵێت “بەداخێكی زۆرەوە كە نەوەی ئێمە دەبێتە قوربانی تەقینەوە یان ڕووبەڕووی تیرۆر دەبێتەوە و شەهید دەبێت ، یاخود بەهۆی پۆبجی و یاری (تۆپی پێ)وە دەمرێت”.

موقتەدا سەدر ڕێبەری ڕەوتی سەدر لە جریوەیەكدا لە هەژماری تایبەتی خۆی لە تۆڕی كۆمەڵایەتی تویتەر، بە منداڵان و گەنجان ڕادەگەیەنێت:”ئەمجارە بەناوی ئایینەوە قسەتان لەگەڵ ناكەم، داواشتان لێناكەم شەرع جێبەجێ بكەن و لەو قۆناغەدا شارەزایی لە ئایینەكەتان پەیدابكەن، بەڵكو لەسەر بنچینەی خۆشەویستی و برایەتی قسەتان لەگەڵ دەكەم، كە جگە لە بەرژەوەندی ڕۆشنبیری، زانستی، كۆمەڵایەتی، پەروەردەیی و ئەخلاقی ئێوە هیچ شتێكی ترم ناوێت‌”.

موقتەدا سەدر ئاماژەی بەوەشداوە:”زۆر دڵگران دەبم كاتێك دەبینم منداڵان و گەنجە خۆشەویستەكان چاویان خستووەتە سەر مۆبایلەكانیان و سەرقاڵی یاری پۆپجین. پێتان ناڵێم ئەوە یاری تووندوتیژییە، وەكو لەلایەن گوتاربێژانەوە پێتان گوتراوە. بەڵێ،‌ زۆربەی گەنجەكانمان لەكاتی خورادن، خواردنەوە، كاركردن، شۆفێری، پێش خەوتن، ڕاستەوخۆ دوای لەخەو هەڵسان، لەڕێگەكان، شەقامەكان، پاركەكان، فرۆشگەكان و شوێنەكانی تر، خەریكی مۆبایلەكانیان”.

ڕێبەری ڕەوتی سەدر ئەوەشدەخاتەڕوو، “گەنجان لەناو گۆڕەپانی جەنگی كراوەی یاری پۆپجی و پەخشی ڕاستەوخۆی بی ئێن سپۆڕت و یاریەكاندان، خۆشەویستانم پێتان ناڵێم حەرامە، هەروەها پێشتان ناڵێم خراپە، یان قورئان حەرامی كردووە یان سوننەتی پێغەمبەر”.

هەروەك سەدر ڕاشیگەیاندووە:”بەداخێكی زۆرەوە كە نەوەی ئێمە یان دەبێتە قوربانی تەقینەوە یان ڕووبەڕووی تیرۆر دەبێتەوە و شەهید دەبێت، یاخود بەهۆی پۆبجی و یاری (تۆپی پێ)وە دەمرێت”.

عێراق

پەرلەمانی عیراق کۆدەبێتەوە

 

 

خەڵک – بەشی هەواڵ

 

بڕیارە نیوەڕۆی ئەمڕۆ شەممە پەرلەمانی عیراق کۆببێتەوە.

 

نیوەڕۆی ئەمڕۆ کاتژمێر ١٢ پەرلەمانی عیراق کۆدەبێتەوە و بڕیارە خوێندنەوە بۆ چەند پڕۆژە یاسایەک بکرێن.

 

لەکۆبوونەوەی ئەمڕۆی پەرلەمانی عیراقدا بڕیارە گفتوگۆ لەبارەى ژمارەیەک پڕۆژەیاسایەک بکرێت، لەوانە: خوێندنەوەی یەکەم بۆ پڕۆژە یاساکانی هەموارکردنی یاسای دادگای تاوانەکانی عێراق، پڕۆژەیاسای دەستەی نیشتمانیی چاودێری ئەتۆمی، تیشکی، کیمیایی و بایەلۆجی، پڕۆژەیاسای پەیوەندیکردنی عیراق بە ڕێککەوتننامەی نێودەوڵەتی هێڵی بار، پڕۆژە یاسای پەیوەندیکردنی عیراق بە پرۆتۆکۆڵی ئامادەکاریی و بەرپەرچدانەوە و هاوکار لەبارەی پیسبوون بە ماددەی ترسناک و زیانمەندی گشتی و چەند پڕۆژە یاسایەکی دیکە.

 

 

بەردەوام بە لە خوێندنەوە

عێراق

ئێران: پێویستە عیراق گیانی دیپلۆماتكارەكانمان بپارێزێت

خەڵك – بەشی هەواڵ

وتەبێژی وەزارەتی دەرەوەی ئێران ڕایدەگەیەنێت: هێرش و پێشێلكارییەكان دژ بەهاووڵاتیانی ئێران لە عیراق بەشێوەیەكی بەرچاو زیادیكردووە.

سەعید خەتیب زادە وتەبێژی وەزارەتی دەرەوەی ئێران لە كۆنفڕانسێكی ڕۆژنامەوانیدا ئیدانەی ئەو هێرشانەی كرد كە لە بەغدای پایتەختی عیراق دەكرێنە سەر دیپلۆماتكار و كەسانی بیانی بەتایبەت ئێرانییەكان.

وتەبێژی وەزارەتی دەرەوەی ئێران ئاماژەی بەوەشدا، هێرش و پێشێلكارییەكان دژ بەهاووڵاتیانی ئێران لەو وڵاتە بەشێوەیەكی بەرچاو زیادیكردووە.

سەعید خەتیب زادە داواشیكرد، حكومەتی عیراق ئاسایشی هاووڵاتیانیان بپارێزێت و ڕاشیگەیاند، ئەركی هێزە ئەمنییەكانی ئەو وڵاتەیە گیانی دیپلۆماتكار و كەسانی بیانی بپارێزن و ڕێكاری توند بۆ ئەو مەبەستە بگرنەبەر.

بەردەوام بە لە خوێندنەوە

عێراق

سەڵاحەدین.. بۆمبێك بەكاروانێكی لۆجیستی هاوپەیمانان تەقییەوە

خەڵك – بەشی هەواڵ

لە سنووری پارێزگای سەڵاحەدین بۆمبێك بە كاروانێكی هاوپەیمانان تەقییەوە و سەربازێكی عیراقی برینداربوو.

شانەی ئەمنی عیراق بڵاویكردەوە، لە شارۆچكەیەكی سەر بە پارێزگای سەڵاحەدین بۆمبێكی چێنراو بەكاروانێكی لۆجیستی هێزەكانی هاوپەیمانی نێودەوڵەتی دژ بە داعش تەقیوەتەوە.

شانەی ئەمنی عیراقی ئەوەشی خستووەتەڕوو: بۆمبێك بەكاروانێكی لۆجیستی هێزەكانی هاوپەیمانی نێودەوڵەتی دژ بەداعش لە شارۆچكەی ئیسحاقی لە سنووری پارێزگای سەڵاحەدین تەقیوەتەوە و بەوهۆیەوە سەربازێكی هێزەكانی سوپای عیراق برینداربووە.

بەردەوام بە لە خوێندنەوە

کوردستان