ئێمە لە تۆرە کۆمەڵایەتیەکان

جیهان

“بەغدادی لەناوچەی ژێر كۆنتڕۆڵی توركیایە”
وەزیری نەوتی داعش بڕی ئاڵتونی دزراوی عیراق ئاشكرادەكات


خەڵك- بەشی هەواڵ
سەركردەیەكی ڕێكخراوی تیرۆرستی داعش، كە بە “وەزیری نەوتی داعش” ناسراوە شوێنی ئەبوبەكر بەغدادی، سەركردەی هەڵاتووی ڕێكخراوەكە ئاشكرادەكات و ڕایدەگەیەنێت، كە 40 تەن ئاڵتونی عیراق لە موسڵ-ەوە براوە بۆ سوریا.

ئوسامە عوێد ساڵح، كە ناسراوە بە وەزیری نەوتی داعش و ماوەی 11 مانگە لەلایەن هێزەكانی سوریای دیموكرات (هەسەدە)وە دەستگیر كراوە، ڕایگەیاندووە، كە بە دەیان تەن ئاڵتون و بڕێكی زۆر پارە و مەوادی بەنرخ و مێژوویی عیراقی دوای كۆنتڕۆڵ كردنی ناوچەكانی عیراق بردووە بەرەو سوریا.

مستەفا بالی، وتەبێژی هەسەدە لە هەمژاری خۆی لە تویتەر ئاماژەی بەوەكردووە، كە بەپێی دانپێدانانەكانی ئەو سەركردە تیرۆرستەی داعش، ئەو ڕێكخراوە لەڕێگەی دزینی ئەو ئاڵتون و سامانەی عیراقەوە توانیویەتی بەردەوامی بە كارەكانی بدات.

سەبارەت بە شوێنی سەركردەی ڕێكخراوەكە، ئەو سەركردە دەستگیركراوەی داعش ئاشكرای كردووە، “ئەبوبەكر بەغدادی ئێستا لەو ناوچانەی سوریایە، كە لەژێر كۆنتڕۆڵی توركیادایە (كە مەبەستی پارێزگای ئەدلیب و دەورووبەریەتی) چونكە پەیوەندی نێوان داعش و ئەو هێزانە لەو ناوچەیە پەیوەندییەكی ورد و ئاڵۆزە و ئاسانكاری زۆریان پێشكەش بە داعش كردووە بۆ فرشتنی ئەو كەلوپەلانەی دزیویانە بۆ كڕینی چەك”.

وەك مستەفا بالی لە زاری ئەو سەركردە دەستگیركراوەی داعش گێڕاویەتییەوە لەكاتی ڕەوتی لێكۆڵینەوە، ئەو وەزیرەی نەوتی داعش دانی بە چەندین ڕاستی نەزانراودا ناوە لەسەر داعش لەوانەش چۆنیەتی پەیوەندییە ئابوورییەكانی داعش لەگەڵ حكومەتەكان.

جیهان

لە ڕوسیا زیاتر لە 230 كەسی دیكە بە كۆرۆنا گیانیان لە دەست دا


خەڵك – بەشی هەواڵ
ژمارەی مردن و تووشبوون بە ڤایرۆسی كۆرۆنا لە ڕوسیا زیاد دەكات.

ئەمڕۆ هەینی ژووری ئۆپەراسیۆنەكانی بەرەنگاربوونەی ڤایرۆسی كۆرۆنا لە ڕوسیا ڕایگەیاند لە ماوەی 24 كاتژمێری ڕابردوودا 232 كەسی دیكە بە هۆی تووشبوونیان بە پەتاكە گیانیان لە دەست دا، بەوەش كۆی گشتی حاڵەتەكانی مردن گەیشتە چوار هەزار و 374.

ڕوونیشیكردەوە كە هەر لەو 24 كاتژمێرەدا هەشت هەزار و 572 حاڵەتی نوێی تووشبوون بە كۆرۆنا تۆماركراوە، ئەمەش لە كاتێكدایە كە ئامارەكانی دوێنێ 174 مردن و هەشت هەزار و 338 تووشبوو بوون.

بە پێی ئامارە فەرمییەكان تا ئێستا 387 هەزار و 623 كەس لە ڕوسیا تووشی كۆرۆنا بوون، كە 159 هەزار و 257یان چاكبوونەتەوە.

بەردەوام بە لە خوێندنەوە

جیهان

كۆریای باكور؛ ژن و مێردێك بە هۆی هەڵاتنیان لە كەرەنتین لەسێدارەدران


خەڵك – بەشی هەواڵ
ژن و مێردێك ویستیان بە هۆی ڕێوشوێنەكانی بەرەنگاربوونەوەی كۆرۆناوە لە كۆریای باكوری هەڵبێن، بەڵام دوای دەستگیركردنیان لەسێدارەدران.

رۆژنامەی دەیلی مەیڵی بەریتانی بڵاویكردەوە كە ژن و مێردێكی دانیشتووی ناوچەی هییسان لە باكوری هەرێمی ریانگ ئانگی كۆریای باكور كە لە ماڵەكەیاندا كەرەنتین كرابوون، هەوڵیاندا بەرەو كۆریای باشوور هەڵبێن.

ڕوونیشیكردەوە كە ئەو دوو هاووڵاتییە بەنیازبوون لە ڕێی ڕووباری یالوەوە خۆیان بگەنە چین و لەوێشەوە بچنە كۆریای باشوور، بەڵام پلانەكەیان سەرینەگرت و دەستگیركران.

بە پێی هەواڵی ڕۆژنامە بەریتانییەكە، هەردوو هاوسەرەكە كە لە پەنجاكانی تەمەنیاندا بوون، دوای ئەشكەنجەدانیان بە بێ دادگاییكردن لەسەر سنوور كوژران.

بەردەوام بە لە خوێندنەوە

جیهان

ئەردۆغان كوشتنی ڕەشپێستێك لە ئەمریكا ئیدانە دەكات


خەڵك – بەشی هەواڵ
ڕەجەب تەیب ئەردۆغان سەرۆك كۆماری توركیا كوژرانی ڕەشپێستێك لەلایەن پۆلیسی ئەمریكاوە ئیدانە دەكات.

ئەردۆغان لە ڕێی هەژماری فەرمی خۆی لە تۆڕی كۆمەڵایەتی تویتەر چەند پەیامێكی دەربارەی كوشتنی كەسێكی ڕەشپێست لەلایەن پۆلیسێكی ئەمریكییەوە بڵاوكردەوە كە لە ناوخۆی وڵاتەكەش ناڕەزایی لێكەوتووەتەوە.

سەرۆكی توركیا نووسیوێتی كوژرانی جۆرج فڵوید بە ئەشكەنجە نەك هەر هەموومانی بێزار كردووە، بەڵكو بووەتە یەكێك لە ئازاربەخشترین دیمەنەكانی جیهانی نادادگەری.

بە پێی دیمەنێكی ڤیدیۆیی كە ساتی گیانلەدەستدانی فڵوید تۆمار دەكات، پۆلیسێك ئەو ڕەشپێستەی خستووە بە زەویدا و بە توندی قاچی خستووەتە سەر گەردنی، هەرچەندە هاوار دەكات كە ناتوانێت هەناسە بدات، بەڵام پۆلیسەكە و هاوڕێكانیشی گوێی پێنادەن تاوەكو لەو شوێنەدا لە ژێر قاچی پۆلیسە سپیپێستەكەدا گیان لە دەست دەدات.

بەردەوام بە لە خوێندنەوە

کوردستان