ئێمە لە تۆرە کۆمەڵایەتیەکان

ئابوری

لە بەرامبەر وەرنەگرتنی پارەی ڤیزای ئێران 20 ملیۆن دۆلار زیان بەر عیراق دەكەوێت

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەیەنێت، بە وەرنەگرتنی پارە و روسماتی ڤیرزای ئێران حكومەتی عیراق بڕی (20) بیست ملیۆن دۆلار زیانی بەردەكەوێت.

ئەنعام خوزاعی ئەندامی لیژنەی هەڵسەنگاندنی بەرنامە و پلانە ستراتیژییەكانی حكومەت لە ئەنجومەنی نوێنەرانی عیراق ڕایگەیاند: لابردن و هەڵوەشاندنەوەی رسوماتی سەر ڤیزای گەشەتكردنی هاووڵاتیانی عیراق بۆ ئێران زیان بە داهاتە نانەوتییەكانی حكومەت دەگەیەنێت و بەوهۆیەشەوە (20) بیست ملیۆن دۆلار زیانی بەردەكەوێت.

خوزاعی وتیشی: سەیرە حكومەت بە ڕێككەوتنی لابردنی رسوماتی سەر ڤیزا لەگەڵ ئێراندا ڕەزامەندبووە، چونكە ئاشكرایە ئەو ئێرانیانەی دێنە عیراقەوە ژمارەكەیان زۆر زیاترە لەو عیراقیانەی سەردانی ئەو وڵاتە دەكەن و لەگەڵ ئەوەشدا گەشتیارانی ئێرانی زۆربەی كەلوپەل و پێداویستییەكانیان لەگەڵ خۆیان دێننە عیراقەوە و كەمترین خەرجیان لە بازارەكانی ناوخۆی عیراقدا هەیە.

ئەو ئەندامەی ئەنجومەنی نوێنەرانی عیراق ئاشكراشیكرد، ڕۆژ بەڕۆژ باجی سەر كاڵا هاوردەكراوەكان لە ئێرانەوە كەمدەكرێتەوە، لەكاتێكدا پێشتر داهاتی خاڵە گومرگییەكان دەگەیشتە 50 ملیار دۆلار بۆ ساڵی 2018 ئەو داهاتە بۆ تەنها (680) میلۆن دۆلار دابەزیوە، كەئەوەش دەریدەخات عیراق بەتێكرای یەك لەسەر هەزار باج لەسەر كاڵا هاوردەكراوەكان دادەنێت.

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بێگەرد تاڵەبانی: چەندین بەرهەمی هاوردەمان قەدەغەكرد

خەڵك – بەشی هەواڵ

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی وەزیری كشتوكاڵ و سەرچاوەكانی ئاو لە ڕاگەیەنراوێكدا ڕایگەیاند: لەپێناو پاراستنی بەرهەمی جوتیارانمان چەندین بەرهەمی هاوردەمان قەدەغەكرد و ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی ئاماژەی بەوەشداوە: لەماوەی ڕابردوو زانیاریمان دەستكەوت كە لە چەند دەروازەیەك بەرهەمی قەدەغەكراو هاوردە دەكەن، ئەمەش كاریگەری ڕاستەوخۆی لەسەر بەرهەمی جوتیارانمان دەبێت، بۆیە نووسرامان ئاڕاستەی ئەنجومەنی وەزیران كرد بۆ ئەوەی هەماهەنگی پێویستمان لەگەڵ بكەن و ڕێگربن لە هاوردەكردنی بەرهەمی قەدەغەكراو.

وەزیری كشتوكاڵ و سەرچاوەكانی ئاو ئەوەشی خستەڕوو: بە سوپاسەوە لە ئێستادا ئەنجومەنی وەزیران و وەزارەتی ناوخۆ هەماهەنگی پێویستمان لەگەڵ دەكەن بۆ ڕێگری لەو بەرهەمانەی قەدەغەمان كردوون.

 

بەردەوام بە لە خوێندنەوە

کوردستان