ئێمە لە تۆرە کۆمەڵایەتیەکان

تەندروستی

چەند چارەسەرێکی بەسوود بۆ ڕەشی ناوچە جیاوازەکانی جەستەت

خێزان

ئەمەی خوارەوە چەند چارەسەرێکی بەسوودە بۆ ڕەشی ناوچە جیاوازەکانی جەستەت کە دەتوانیت بەکاری بهێنیت:

-مل:

-بۆ نەهێشتنی ڕەشی مل پەتاتەیەک بجنەو دواتر لە عەسارەدا بیهاڕە، دەتوانیت کەمێک لیمۆشی بەسەردا بکەیت، دواتر بۆماوەی ١٥ خولەک بیکەرە سەر ملت ڕەشیەکەی ناهێڵێت.

 

-ئەژنۆ و ئانیشک

-بۆ نەهێشتنی ڕەشی ئەژنۆ و ئانیشک، دەتوانیت لیمۆیەک بکەیت بە دوو بەشەوە و پێیدا بهێنیت، لێبگەڕێ با ٢٠ خولەکێک پێوەی بمێنێتەوە پاشان بیشۆرەوە، دەتوانیت شەکر و زەیتی زەیتوونیش بۆ هەمان مەبەست بەکار بهێنیت، لەگەڵ یەک تێکەڵیان بکە و بۆ ماوەی ٥ خولەک لێی بەد، دواتر بە ئاوی سارد بیشۆرەوە.

 

-بنباڵ

-بۆ نهێشتنی ڕەشی بنباڵ خەیار بهاڕەو کەمێک لیمۆی تێکەڵ بکە، دواتر بیدە لە بنباڵت، دەتوانیت شیر لەگەڵ ھەوێنی پەنیر تێکەڵبکەیت لەگەڵ کەمێک ئاردی سپی تا هەویرێکی لێدەردەچێت،  بۆ ١٥ خولەک بیدە لە بنباڵت سپی دەکاتەوە.

ریکلام

تەندروستی

٥ جوڵەی وەرزشی کە باشترە لەمەودوا نەیکەیت گەر جەستەیەکی جوانت دەوێت

خێزان

هەندێک جوڵەی وەرزشی هەیە لە هۆڵەکانی وەرزشی کە دەرکەوتووە زیانی زیاترە لە باشیەکەی، ئەمەی خوارەوە ٥ جوڵەی وەرزشی کە باشترە لەمەودوا نەیکەیت گەر جەستەیەکی جوانت دەوێت:

 

– هەڵگرتنی ئاسن بەشان: پەستانخستنە سەر شان وادەکات ماسولکەکانی شان کۆم ببنەوە، باشترە ئەم وەرزشە بە هەڵگرتنی قورسایی ئاسایی ئەنجام بدەیت چونکە هەر هەمان ماسولکە دەجوڵێت

– بەکارهێنانی ئامێری جوڵاندنی کەلەکە باش نییە و مەترسی پێکان زۆرە

– بەکارهێنانی ئامێری  hyperextension  مەترسیدارە چونکە زۆرێک بە ڕێکی ئەنجامی نادات و ئازار بە پشت دەگەیەنێت

– بەهۆی ئەوەی قاچەکان لە ئامێری leg press بە ئاسوودەیی ناجوڵێن، بەکارهێنانی ئامێرەکە بۆ قاچ مەترسیدارە

– ئەم ئامێرەش سوودێکی ئەوتۆی نییە مەگەر ئەوەی کێشە لە ئەژنۆتدا هەبێت و ڕاهێنانی پێبکەیت

بەردەوام بە لە خوێندنەوە

تەندروستی

ژێر چاوەکان ناوچەیەکەی هەستیارە و پێویستە ئاگاداری بیت، ئەم ڕێنماییانە ڕەچاو بکە!

خێزان

ژێر چاوەکان ناوچەیەکەی هەستیارە و پێویستە بەردەوام ئاگاداری بیت،  هەربۆیە ئەم ڕێنماییانە ڕەچاو بکە:

 

– لە پاش تەمەنی ٢٠ ساڵی ئیدی پیویستە بەردەوام کرێم و کەرەستەی پارێزگاری گونجاو بۆ ژێرچاوەکانت بەکار بهێنیت

– مەهێڵە تیشکی خۆر لێی بدات و دژە خۆر یان چاویلەک بەکار بهێنە

– یەک بەرهەمی دیاریکراو بەکار مەهێنە و کەرەستەکانی بە پێی پێویستی بگۆڕە

– دڵنیابە لە پێکهاتەی ئەو کرێمەی بۆ ژێرچاوەکانت بەکاری دەهێنیت

– بەنەرمی و شێوازی درووست کرێم بدە لە ژێر چاوەکانت

– دەتوانیت زەیتە سروشتیەکان بدەیت لە ژێر چاوەکانت و زیانی نییە

– بۆ پارێزگاری لە ژێر چاوت گرنگە کە جۆری پێستی خۆت بناسیت و بەپێی ئەوە پارێزگاری لێبکەیت

 

– لەکاتی بونی میلا لەژێر چاو کە تۆپەڵێکی سپی بچوکە، نابیت وەک زیپکە مامەڵەی لەگەڵبکەیت و باشترە لای دکتۆر چارەسەری بکەیت.

 

بەردەوام بە لە خوێندنەوە

تەندروستی

بۆچی هەندێکجار بەر لەوەی خەوت لێبکەوێت ڕادەچڵەکێت؟ ئایا مەترسیدارە؟

خێزان

بەپێی توێژینەوە زانستیەکان زیاتر لە ٧٠٪ی خەڵک توشی دیاردەی ڕاچڵەکین لەسەرەتای خەودا دەبن کە هەندێکجار بەهۆی ئەوەوە خەبەرت دەبێتەوە، بەڵام ئایا هۆکاری زانستی بۆ ئەوە چییە؟

کاتێک ئێمە دەچینە سەر جێگا بۆ ئەوەی بخەوین و خەریکە خەومان لێدەکەوێت، بەشی reticular activating system (RAS) لە مێشکماندا بەرە بەرە ناچالاک دەبێت کە ئەو بەشە بەرپرسە لە ئاگایی مێشک و بەخەبەر بوونی، لە بەرامبەردا بەشی ventrolateral preoptic nucleus (VLPO) کاری خۆی دەکات کە ڕێگری دەکات لە دەردانی سيروتونين لە مێشکەوە بۆ جەستە و بەوەش جەستە هێوردەبێتەوە و دەخەوێت.

بەڵام کاتێک قەلەق و ڕاڕا بیت یاخود ماندوو بیت یان ماددەی کافاینت زۆر خواردبێتەوە یان بە ترسەوە بخەویت، ئەوا لە کاتی گواستەنەوە لە RAS بۆ VLPO کێشە درووستدەبێت و بەهۆی ئەوەشەوە جەستە ڕادەچڵەکێت.

باوترین لێکدانەوەی زانستی بۆ ئەم دۆخە ئەوەیە کە بەشی RAS مێشک بە هەڵە دۆخی خاوبونەوەی جەستە وەردەگرێت و ئاماژە بۆ جەستە دەنێرێت تا ئاگاداربێتەوە، هەر بۆیە ڕادەچڵەکیت و هەنێکجار هێندە بەهێزە کە لە خەو خەبەرت دەکاتەوە و زۆرجاریش پێی نازانیت و خەبەرت نابێتەوە.

بەڵام بەپێی توێژینەوە زانستیەکان ئەم پرۆسەیە شتێکی ئاساییە لە جەستەدا و هیچ زیانێکی نییە.

 

 

بەردەوام بە لە خوێندنەوە

کوردستان