ئێمە لە تۆرە کۆمەڵایەتیەکان

کوردستان

هاتوچۆی ئۆتۆمبێلی بارهەڵگر لەسەر پردی دەربەندی ڕانیە قەدەغەكرا

خەڵك – بەشی هەواڵ

بەڕێوەبەرایەتی چاكردن و پاراستنی ڕێگەوبانی ڕاپەڕین بەهۆی مەترسی لەسەر پردەكەـ هاتوچۆی ئۆتۆمبێلی بارهەڵگری لەسەر پردی دەربەندی ڕانیە قەدەغەكرد.

لە ئاگادارینامەیەكدا بەڕێوەبەرایەتی چاككردن و پاراستنی ڕێگەوبانی ڕاپەڕیندا هاتووە پردی دەربەندی ڕانیە پێویستی بە نۆژەنكردنەوە هەیە و لە مانگی ٧ و ٨ی ئەمساڵدا دەست دەكرێت بە نۆژەنكردنەوەی، هۆكاری دواكەوتنی نۆژەنكردنەوەكەش بۆ بەرزی ئاستی ئاو لە ئێستادا گەڕێندراوەتەوە.

 

دەقی ئاگادارینامەكە:

 

هۆشداری و ئاگاداریەك لەبەڕێوەبەرایەتی چاكردن و پاراستنی ڕێگاوبانی ڕاپەڕین.

ڕۆژانە لەپەیج و ئەكاونتەكانەوە باس لەمەترسی لەسەر پردی دەربەندی ڕانیەدەكرێت, كە هەندێكیان پێیان وایە ئەو مەترسیانە بەهۆی بەرزبوونەوەی ئاستی ئاوەكەیە كە بەشێوەیەكی بەرچاو بەرزبۆتەوە لەمساڵدا , بەڵام لەڕاستیدا مەترسی ڕاستەقینە شتێكی ترەو هیچ پەیوەندی بە ئاستی ئاوەكەوە نیە, بەڵكو خودی پردەكە بەپلێت و ترەس و گێردەرەكانەوە لەمەترسیدان ئەویش بەهۆی ئەو (deflection)ە واتە چاڵبوونی ناوەڕاستی هەموو سپانەكان بەتایبەت سپانی ناوەڕاست.

تاكە چارەسەری كاتی لەئێستادا بریتییە لە كەم كردنەوەی قورسایی (load)ە لەسەر پردەكە.

بەهەوڵ و بەدواداچوونی بەڕێوەبەرایەتیمان و پشتیوانی ئیدارەی ڕاپەڕین، بەفەرمانی وەزاری وەزارەتی ئاوادانكردنەوە و نیشتەجێكردن و لەمانگی ۱۲ ساڵی ۲۰۱۸ فەرمانی دەستبەكاربوون بۆ گۆڕینی پردەكە دەرچوو لە ئاسنەوە بۆ كۆنكرێت و زیادكردنی دوو پایەی تر كەچارەسەری یەكجاریە بۆ پردی دەربەند، وە بوجەی تەوای بۆ دانراوە بەڵام بەهۆی بەرزی ئاستی ئاوەكە ناتوانرێت لەئێستادا كاری تێدابكرێت.

هەربۆیە دوای سەردانی كردنی ستافی ئەندازیاری و بەڕێوەبەری بەڕێوەبەرایەتیمان، سەرپەرشتیاری ئیدارەی ڕاپەڕین و لێپرسراوی بەشی هونەری، قایمقامی ڕانیە بەڕیوەبەری پۆلیس و هاتوچۆو بەرگری شارستانی، هەروەها ستافیێكی سەنتەری ڕاوێژكاری بەشی ئەندازیاری زانكۆی ڕاپەڕین بڕیاردرا بە:

۱-قەەغەكردنی هاتوچۆی ئوتۆمبێلی بارهەڵگر بەسەر پردەكە تا دوای دروستكردنی پردە نوێیەكە كە بڕیارە لە نێوان مانگی ۷ بۆ ۸ ی ئەمساڵ دەستبەكار بێت.

۲- كۆنتڕۆڵكردنی هاتوچۆی ئوتۆمبێلی بچووك لەلایەن لایەنی پەیوەندیدار لەپێناو پاراستنی ژیانی هاوڵاتیان.

۳- لەماوەیەكی نزیكدا دەستبكرێت بەنۆژەنكردنەوەی پردەكە.

بەهیوای ئەوەی هاوڵاتیان هاریكارمان بۆ ئەوەی هیچ ڕووداوێكی نەخوازراو ڕوونەدات.

بەڕێوەبەرایەتی چاكردن و پاراستنی ڕێگاوبانی ڕاپەڕین.
26/3/2019

کوردستان

مەسعود بارزانی بەشێوەیەكی جیاواز یادی ریفراندۆم دەكاتەوە

خەڵك- بەشی هەواڵ
سەرۆكی پارتی دیموكراتی كوردستان لە سێیەم ساڵیادی ریفراندۆمدا ڕایگەیاند “خۆناچەمێنین”.

ئەمڕۆ هەینی 25ی ئەیلولی 2020، مەسعود بارزانی سەرۆكی پارتی دیموكراتی كوردستان لەڕێی توێتێكەوە لەسەر تۆڕی كۆمەڵایەتی (تویتەر) و لە یادی سێ ساڵەی ڕاپرسی لە هەرێمی كوردستان پەیامێكی بڵاوكردەوە.

پەیامەكەی بارزانی لە مساڵدا بەبۆنەی تێپەڕینی سێ‌ ساڵ بەسەر پرۆسەكەدا جیاوازبوو، چونكە تەنیا بو وشەی “خۆناچەمێنین” یادەكەی كردەوە.

سێ ساڵ لەمەوبەر لە هەرێمی كوردستان، بە پشتیوانی زۆربەی هەرە زۆری هێزە كوردستانییەكان پرۆسەی ریفراندۆم بۆ سەربەخۆیی ئەنجامدرا و ڕێژەی 92.7%ی بەشداربوانیش بە “بەڵێ‌” دەنگیاندا بۆ سەربەخۆیی كوردستان.

بەردەوام بە لە خوێندنەوە

کوردستان

ئەمڕۆ ساڵیادی ریفراندۆمە

خەڵك- بەشی هەواڵ
سێ‌ ساڵ لەمەوبەر پرۆسەی ڕاپرسی یان ریفراندۆم لەسەر جیابوونەوەی هەرێمی كوردستان لە عیراق و دروستكردنی دەوڵەتی سەربەخۆی كوردستان ئەنجامدرا كە بووە خاڵێكی وەرچەرخان لە مێژووی كورد،  بە بۆچوونی زۆرێكیش پرۆسەكە لە ئایندەی میللەتی كورددا وەك هەنگاوێكی ئەرێنی دەمێنێتەوە.

ریفراندۆم لە 25ی ئەیلولی 2017 ئەنجامدرا و زۆربەی هێزە سیاسییەكانی كوردستان پاڵپشت و پشتیوانی پرۆسەكە بوون، گەلی كوردیش لە دەنگدانەكەدا بە ڕێژی زیاتر 90% دەنگی بە “بەڵێ”دا بۆ سەربەخۆیی كوردستان و دروستكردنی دەوڵەتی كوردی.

هەرچەندە پرۆسەكە ئامانجی خوازراوی خۆی نەهێنایەدی و دواتر هەرێمی كوردستان لەلایەن حكومەتی فیدراڵ و وڵاتانی دراوسێوە گوشارێكی زۆری خرایەسەر، بەڵام بەپێی لێكدانەوەی زۆرێك لە شرۆڤەكاران، هەنگاوەكە قۆناغێكی مێژوويی تری بۆ گەلی كورد هێنایەپێش و كورد جارێكی تر خواستی خۆی بۆ سەربەخۆی و دەوڵەتی سەربەخۆ، بەگوێی جیهاندادا.

ریفراندۆم دەنگی گەلی كورد بوو بۆ سەربەخۆی و ناكرێت بەرگی حزبایەتی و كەسێتییە دیاركراوەكانی بەبەردا بكرێت، جوڵە و بزاوتنێكی تری كوردانەش بوو بەرەو ئەو ئامانجەی كە دەبێت ڕۆژێك لەڕۆژان بێتەدی.

بەردەوام بە لە خوێندنەوە

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

کوردستان