ئێمە لە تۆرە کۆمەڵایەتیەکان

عێراق

سەرۆك كۆماری عیراق و نێردراوی تایبەتی سەرۆكی ئەندۆنیزیا


خەڵك- بەشی هەواڵ

سەرۆك كۆماری عیراق و نێردراوی تایبەتی سەرۆكی ئەندۆنیزیا كۆبوونەوە.

نوسینگەی سەرۆك كۆماری عیراق لە ڕاگەیەندراوێكدا كە وێنەیەكی بۆ (خەڵك) نێردراوە، نوسیویەتی”سەرۆك كۆمار د. بەرهەم ساڵح ئەمڕۆ سێ شەممە ٢٦|٣|٢٠١٩ لە كۆشكی سەلام لە بەغدا پێشوازیكرد لە عەلوی شەهاب نێردراوی تایبەتی سەرۆكی ئەندۆنیزیا بۆ ناوچەی رۆژهەڵاتی ناوەڕاست، سەبارەت بە بارودۆخی سیاسی و ئەمنی هەردوو گۆڕپانی ناوچەیی و نێودەوڵەتی و چەند دۆسیەكی هاوبەشی نێوان هەردوو وڵات گفتوگۆ كرا.”

لە بەشێكی دیكەی ڕاگەیەندراوەكەدا هاتووە”لە دیدارەكەد سەرۆك بەرهەم ساڵح ئاماژەی كرد بە پتەوی پەیوەندی نێوان هەردوو وڵات، هاوكات جەختی لەسەر كاری هاوبەش و بەرژەوەندییەكانی هەردوو گەلی دۆست كردەوە لە گشت بوارەكاندا بەتایبەتی بواری ئابووری.”

لە كۆتایی ڕاگەیەندراوەكەدا هاتووە”لای خۆیەوە‌ عەلوی شەهاب سڵاوی سەرۆكی ئەندۆنیزیای گەیاندە سەرۆك كۆمار و سوپاسگوزاری خۆی بۆ سەرۆك دەبڕی بۆ پشتیوانیكردنی لە چالاككردنەوەی ئاراستەی پەیوەندییە دوو قۆڵییەكانی نێوان عێراق وئەندۆنیزیا.”

ریکلام

عێراق

پەرلەمانتارێك پێكهاتەی كابینەكەی مستەفا كازمی ئاشكرادەكات


خەڵك- بەشی هەواڵ
ئەندامێكی پەرلەمانی عیراق ڕایدەگەیەنێت، كابینەكەی مستەفا كازمی سەرۆك وەزیرانی ڕاسپێردراو، زۆربەی وەزیرەكانی حكومەتەكەی عادل عەبدولمەهدی لەخۆدەگرێت، چارەنوسی كازمیش بە هەمان چارەنوسی عەدنان زورفی دەشوبهێنێت “لەحاڵەتی پابەندنەبوونی بە ڕێككەوتنە سیاسییەكان”.

باسم خەشان پەرلەمانتاری سەربەخۆ لە پەرلەمانی عیراق، لە لێدوانێكی ڕۆژنامەوانیدا ڕایگەیاند”كازمی خاوەنی هیچ پاشخانێكی سیاسی یان بەرنامەیەك نییە، ڕاسپاردنیشی بەڕێكەوتنی سیاسی بوو، بەوپێیەی پێویستە قۆناغی ئێستا تێبپەڕێنرێت، لەگەڵ ئەمەشدا چارەنوسی كازمی هاوشێوەی زورفی دەبێت، گەر پابەندی تەوافوقی سیاسی نەبێت”.

بە وتەی خەشان”كابینەكەی كازمی زۆربەی وەزیرەكانی حكومەتەكەی عەبدولمەهدی لەخۆدەگرێت، بەوپێیەی لەسەر بنەمای پشكداریی سیاسی پێكدێت، ئەو ناوانەش كە گۆڕانكاريی بەخۆوەدەبینن، لەلایەن فراكسیۆنە سیاسییەكانەوە دەبێت، بۆیە كازمی هیچ ناوێكى وەزاری پێشكەش ناكات، بەبێ‌ ئەوەی ڕێكەوتنی لەسەر نەكات لەگەڵ فراكسیۆنە سیاسییەكان”.

ئەمڕۆ پێنج شەممە، بەرهەم ساڵح سەرۆك كۆماری عیراق، مستەفا كازمی سەرۆكی دەزگای هەواڵگری نیشتمانی لە جێگەی عەدنان زورفی كە داوای لێبوردنی كرد، بۆ پێكهێنانی حكومەتی نوێ‌ ڕاسپارد.

 

بەردەوام بە لە خوێندنەوە

عێراق

هەڵوێستی ڕەوتی سەدر بەرانبەر بە ڕاسپاردنی مستەفا كازمی


خەڵك- بەشی هەواڵ
ڕەوتی سەدر بە سەركردایەتی موقتەدا سەدر، هەڵوێستی خۆی بەرانبەر بە ڕاسپاردنی مستەفا كازمی سەرۆكی دەزگای هەواڵگری بۆ پێكهێنانی حكومەت لەلایەن بەرهەم ساڵح سەرۆك كۆماری عیراقەوە، دەردەبڕێت.

حاكم زاملی سەركردە لە ڕەوتی سەدر، لە لێدوانێكی ڕۆژنامەوانیدا ڕایگەیاند”ڕەوتی سەدر لەگەل كۆدەنگی نیشتمانیدایە و لەگەڵ ئەو ڕاسپاردنەدایە، بەوپێیەی كازمی لەلایەن هەموو هێزە سیاسییەكان و هەموو پێكهاتەكانەوە پشتیوانی لێدەكرێت”.

بە وتەی زاملی”ڕەوتی سەدر پشتیوانی دەكات و دەنگ بە حكومەتەكەی كازمی دەدات، گەر كەسێتی كارامە و بێخەوش پێشكەش بكات، لەگەڵ ئەمەشدا هەموو ئەو كەسێتیانە ڕەتدەكاتەوە كە دەستەواژەیان لەسەرە”.

ئەمڕۆ  پێنج شەممە، بەرهەم ساڵح سەرۆك كۆماری عیراق، مستەفا كازمی سەرۆكی دەزگای هەواڵگری نیشتمانی بۆ پێكهێنانی حكومەتی نوێ‌ ڕاسپارد، پاش ئەوەی عەدنان زورفی پاشەكشەكردنی خۆی لەو ئەركە ڕاگەیاند.

كازمی لە 9ی نیسانەوە 30 ڕۆژی لەبەردمدایە بۆ پێكهێنانی حكومەتی نوێ‌ كە پێشتر محەمەد تۆفیق عەللاوی و عەدنان زورفی تێیدا شكستخواردوو بوون.

عەدنان زورفی، پاشەكشەكردنی خۆی لە بەجێگەیاندنی ئەركەكەی بۆ “پارێزگاریی لە یەكێتيی و یەكڕیزيی عیراق و بەرژەوەندییە باڵاكان گەڕاندەوە”.

شكستخواردنی زورفی لە پێكهێنانی حكومەت، دوای ڕێككەوتنی هێزە شیعی و سونی و كوردییەكان بوو لەسەر كاندیدكردنی مستەفا كازمی سەرۆكی دەزگای هەواڵگری نیشتمانی بۆ پێكهێنانی حكومەتی داهاتوو.

 

بەردەوام بە لە خوێندنەوە

عێراق

مەسعود بارزانی بەفەرمی پشتگیری لە مستەفا كازمی دەكات


خەڵك – بەشی هەواڵ
سەرۆكی پارتی دیموكراتی كوردستان لە پەیوەندییەكی تەلەفۆنیدا پشتگیریی خۆی بۆ مستەفا كازمی ، سەرۆكوەزیرانی ڕاسپێردراوی حكوومەتی عیراق ڕاگەیاند، كە ئەمڕۆ لە لایەن سەرۆككۆمارەوە بۆ ئەو پۆستە ڕاسپێردرا .

ماڵپەڕی مەسعود بارزانی، سەرۆكی پارتی دیموكراتی كوردستان لە ڕاگەیەنراوێكدا بڵاویكردووە ، ئەمڕۆ پێنجشەممە 9ی نیسانی 2020 بارزانی لەڕێی تەلەفۆنەوە پەیوەندی بە مستەفا كازمی، سەرۆكوەزیرانی ڕاسپێردراوی حكوومەتی عیراق كرد.

ڕاشیگەیاندووە، لەو پەیوەندییە تەلەفۆنییەدا مەسعود بارزانی، پشتگیریی خۆی بۆ ڕاسپاردنی مستەفا كازمی، بۆ سەرۆكایەتیی حكوومەتی عیراق ڕاگەیاند و هیوای سەركەوتنی بۆ خواست.

لە ڕاگەیەنراوەكەداهاتووە، مەسعود بارزانی هیوای خواست، كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عیراق و دەروازەیەكیش بێت بۆ چارەسەربوونی كێشە و قەیرانەكانی عیراق.

بەردەوام بە لە خوێندنەوە

کوردستان