ئێمە لە تۆرە کۆمەڵایەتیەکان

جیهانی

زێدان و پێرێز له‌کاتی (سفر)دا (٢٨٠ ملیۆن) ڕه‌وانه‌ی پاریس ده‌که‌ن و خلێفی بلۆکیان ده‌کات !

خه‌ڵک سپۆرت

ناسڕ خلێفی قه‌ته‌ری خاوه‌نی یانه‌ی پاریس سانت جێرمان ئاماده‌کاری ده‌کات بۆ ڕه‌تکردنه‌وه‌ی ئۆفه‌ره‌ پێشکه‌شکراوه‌کانی یانه‌ی ڕیاڵ مه‌درید تایبه‌ت به‌گواستنه‌وه‌ی نایمار دا سیلڤا و کیلیان مباپێ.

گۆڤاری “فرانس فوتباڵ”ی فه‌ره‌نسی بڵاویکردۆته‌وه‌، یانه‌ی ڕیاڵ مه‌درید له‌گواستنه‌وه‌کانی هاوینه‌ی ٢٠١٩دا هه‌موو هه‌وڵه‌کانیان بۆ گواستنه‌وه‌ی یه‌کێک له‌ دوو ئه‌ستێره‌ ناوداره‌که‌ی یانه‌ی پاریس سانت جێرمان چڕ ده‌که‌نه‌وه‌ (نایمار و مباپێ)، به‌تایبه‌ت مباپێی فه‌ره‌نسی که‌ چانسی گواستنه‌وه‌ی به‌هێزتره‌ و بۆ ئه‌و مه‌به‌سته‌ش چاوه‌ڕوان ده‌کرێت فلۆرنتینۆ پێرێزی سه‌رۆکی یانه‌ی شاهانه‌ی مه‌درید بڕی ٢٨٠ ملیۆن یورۆ پێشکه‌ش بکات.

له‌لایه‌کی تره‌وه‌ باوکی نایمار چاوپێکه‌وتنێکی له‌گه‌ڵ ماڵپه‌ڕی “یو ئۆ ئێڵ ئیسپۆرتی” به‌رازیلی ئه‌نجام داوه‌ و تیایدا جه‌خت ده‌کاته‌وه‌، له‌ماوه‌ی داهاتودا له‌گه‌ڵ ناسڕ خلێفی کۆبونه‌وه‌ ده‌که‌ن سه‌باره‌ت به‌ نوێکردنه‌وه‌ی بۆندی گه‌وهه‌ره‌که‌ی سیلیساو.

سه‌باره‌ت به‌ هه‌مان بابه‌ت ڕۆژنامه‌ی “لیکیپ” ئاشکرای کردووه‌، ناسڕ خلێفی ئاماده‌کاری بۆ بلۆک کردنی هه‌وڵه‌کانی یانه‌ی شاهانه‌ ده‌کات، سه‌ره‌تا به‌ نوێکردنه‌وه‌ی بۆندی نایمار به‌ موچه‌یه‌کی به‌رزتر ده‌ست پێده‌کات و دواتر به‌هه‌ر شێوه‌یه‌ک بێت قه‌ناعه‌ت به‌ مباپێ ده‌که‌ن له‌ پاریس به‌رده‌وامی به‌یاریکردن بدات، به‌ڵام له‌گه‌ڵ ئه‌وه‌شدا ترس له‌وه‌ هه‌یه‌ هه‌وڵه‌کانی زێدان و پێرێز بۆ گواستنه‌وه‌ی ئه‌م ئه‌ستێره‌یه‌ “مباپێ” سه‌رکه‌وتو بێت، ئه‌ویش به‌پێی به‌هێزی ئه‌و بۆنده‌ی ئاماده‌یان کردووه‌ له‌ کات و واده‌ی دیاریکراودا پێشکه‌شی بکه‌ن و ده‌گاته‌ سنوری (٢٨٠ملیۆن یورۆ).

جیهانی

ئەمڕۆ خولە ناوخۆییەکانی ئەوروپا دەست پێدەکەنەوە و ئەم یارییانە ئەنجام دەدرێن (شەممە)

خەڵک سپۆرت

ئەمڕۆ ململانێی یانەکان لە خولی ناوخۆیی وڵاتانی ئەوروپا دەست پێدەکاتەوە و چەندین یاریی بەهێز ئەنجام دەدرێن، گرنگترینیان ئەمانەن:

خولی ئینگلیزی (هەفتەی ٦)

لیستەر سیتی – تۆتنهام (٢:٣٠)

مانچستەر سیتی – واتفۆرد (٥:٠٠)

بێرنڵی – نۆریچ سیتی (٥:٠٠)

ئێڤەرتۆن – شیفیڵد یونایتد (٥:٠٠)

نیوکاسڵ – برایتۆن (٧:٣٠)

خولی ئیسپانیا (هەفتەی ٥)

ڤیاڕیاڵ – ڤەلەد وەلید (٢:٠٠)

لیڤانتی – ئیبار (٥:٠٠)

ئەتلەتیکۆ مەدرید – سێلتا ڤیگۆ (٧:٣٠)

گرانادا – بەرشلۆنە (١٠:٠٠)

خولی ئیتاڵیا (هەفتەی ٤)

ئودینێزی – بریشیا (٤:٠٠)

یوڤانتۆس – هیلاس ڤیرۆنا (٧:٠٠)

میلان – ئینتەرمیلان (٩:٤٥)

خولی ئەڵمانیا (هەفتەی ٥)

هێرتا بەرلین – پادێربۆرن (٤:٣٠)

فرایبۆرگ – ئاوگسبۆرگ (٤:٣٠)

بایرن میونشن – کولن (٤:٣٠)

بایەرلیڤەرکوزن – یونایۆن بەرلین (٤:٣٠)

ڤێردەربریمەن – لایپزیگ (٧:٣٠)

خولی فەرەنسا (هەفتەی ٦)

مارسیلیا – مۆنتیپیلێ (٦:٣٠)

میتز – ئەمیان (٩:٠٠)

نیس – دیجۆن (٩:٠٠)

بۆردۆ – ستاد بریست (٩:٠٠)

ستاد ڕیمس – مۆناکۆ (٩:٠٠)

نیم ئۆڵۆمپیکۆ – تولوز  (٩:٠٠)

بەردەوام بە لە خوێندنەوە

جیهانی

سۆڵشایەر بەردەوامە لە پڕۆژەی بە ئینگلیزی کردنی یونایتد و داوای دوو گەوهەری تری کردووە !

خەڵک سپۆرت

ئۆلی گۆنار سۆڵشایەری نەرویجی ڕاهێنەری یانەی مانچستەر یونایتد، داوای دوو یاریزانی بەهرەمەندی لە ئیدارەی یانەکەی کردووە و لەئێستادا ئامادەکاریەکان بۆ ئەو دوو بۆندە دەستیان پێکردووە.

تۆڕی “ئی ئێس پی ئێن” ئاشکرای کردووە، لە گواستنەوەکانی هاوینەی ٢٠١٩دا ئیدارەی شەیتانە سورەکان نەیانتوانیوە تەواوی داواکاریەکانی سۆڵشایەر جێبەجێ بکەن، بۆیە ڕاهێنەری ناوبراو دووبارە داوای لە نوێنەرانی یونایتد کردووە کار لەسەر گواستنەوەی دوو بەهرەمەندی تر بکەن کە هەریەکەیان لە یانەیەکی گەورە یاریی دەکات.

بەپێی سەرچاوەکە، سۆڵشایەر پڕۆژەی بە ئینگلیزی کردنی یونایتد پەیڕەو دەکات و یەکەم داواکاری بریتیە لە جەیمس مادیسۆنی ئەستێرەی هەڵکشاوی یانەی لیستەر سیتی و دووەم داواکراویشی بریتیە لە جادۆن سانچیۆی بەهرەمەندی ناوداری یانەی بوروسیا دۆرتمۆند، چاوەروانیش دەکرێت هەردوو گواستنەوەکە زیاتر لە بڕی ١٥٠ ملیۆن یورۆیان تێبچێت و هەوڵەکانی ئید ودوارد و هاوەڵانی لە گواستنەوەکانی زستانە و هاوینەی ٢٠٢٠ بەردەوام بێت، بەلایەنی کەمەوە لەهەر میریکاتۆیەک و یەکێک لەو یاریزانانە دابین دەکەن.

یونایتد لە گواستنەوەکانی هاوینەی ڕابردوودا دەستبەردارەی هەریەک لە ڕۆمێلۆ لوکاکۆی بەلجیکی و ئەلێکسیز سانچێزی چیللی و ئەندێر هێرێرای ئیسپانی بوون بۆ یانەکانی ئینتەرمیلان و پاریس سانت جێرمان، بەڵام لەپێگەی یاریزانە فرۆشراوەکاندا هیچ یاریزانێکی گەورە و کاریگەریان دابین نەکرد، شارەزایان پێیان وایە لەم وەرزەدا بەهۆی لاوازی هێڵی ناوەند و هێرشبەرەوە دووچاری ئاستەنگی دەبن.

بەردەوام بە لە خوێندنەوە

جیهانی

(ڕووداوێکی دڵتەزێنە) کریستیانۆ بەدوای ئەو ژنەدا دەگەڕێت کە پاشماوەی خواردنەکەی خۆیی پێداوە !

خەڵک سپۆرت

کریستیانۆ ڕۆناڵدۆی پورتوگالی ئەفسانەی زیندووی یانەی یوڤانتۆس بە یادگارییەکانیدا دەچێتەوە و لە چاوپێکەوتنێکی تەلەڤیزیۆنیدا ئاماژە بە ڕووداوێک دەکات کە لەسەردەمی  لاوێتیدا بەسەری هاتووە.

“دۆنی پورتوگال” لەچاوپێکەوتنێکی کراوەدا بە کەناڵی “ئای تی ڤی” بەریتانی ڕاگەیاندووە :” کاتێک تەمەنم ١٢ ساڵان بوو پارەم نەبوو، هێندە پارەم پێنەبوو ئەوانە بکەم کە پێویستە کەسێکی ئاسایی ڕۆژانە ئەنجامیان بدات، لەگەڵ چەندین یاریزانێکی تر بەیەکەوە لە چەند ناوچەیەکی جیاوازی پورتوگال ژیانمان بەسەردەەبرد، دووربووم لە خێزانەکەم، ئەو ڕۆژانە زۆر ناخۆشبووم، ئاستەنگی زۆرم بۆ دروست بوو”.

دواتر ئاماژە بە رووداوێکی دڵتەزێن دەکات و دەڵێت :” لەو نشینگەیەی لێی نیشتەجێ بووین ڕیستورانتێکی ماکدۆناڵد نزیکبوو لێمانەوە، جارێکیان داوامان لە ژنێک کرد کە خۆیی و دوو منداڵەکەی بوون، ئەو پاشماوەی هەمبەرگەر و خواردنەمان پێبدات کە داوایان کردبوو، ئەویش بەبێ دوو دڵی خواردنەکەی پێداین و ئێمەش سوپاسمان کرد، ئەو ڕۆژە بە خواردنی ئەو ژنە خێزخوازە سکمان پڕکرد، هیوادارام ئەو ژنە لەڕێگەی ئەم چاوپێکەوتنەوە من بدۆزێتەوە و بمناسێتەوە، دەمەوێت بانگهێشتی بکەم بۆ ئێوارەخوانێک لە تۆرینۆ یان لشبۆنە یان هەر جێگەیەک کە حەزی پێدەکات، دەمەوێت چاکەی ئەو چاکەیەی بدەمەوە کە بەرامبەرم کردی، هەرگیز ناتوانم ئەم ڕووداوە لەبیر بکەم”.

کریستیانۆ ڕۆناڵدۆی ئەفسانە لەئێستادا دەوڵەمەندترین یاریزانی تۆپی پێی جیهانە، بەڵام هەرگیز نکوڵی لەوە نەکردووە کە لەسەرەتاکانیەوە بەتایبەت لە تەمەنی منداڵیدا زۆر هەژاربوون و هەندێجار دایکی و خێزانەکەی ناچاربوون کار بکەن لەو پێناوەدا.

بەردەوام بە لە خوێندنەوە

کوردستان