ئێمە لە تۆرە کۆمەڵایەتیەکان

کوردستان

بە ڤیدیۆ؛ عەبادی چەند نهێنییەك لەسەر 16ی ئۆكتۆبەر دەدركێنێت

خەڵك- بەشی هەواڵ
سەرۆك وەزیرانی پێشووی عیراق و سەرۆكی هاوپەیمانی نەسر پەردە لەسەر چەند نهێنییەكی ڕووداوەكانی 16ی ئۆكتۆبەر، كە پێشمەرگە لە ناوچە كێشە لەسەرەكان كشایەوە هەڵدەداتەوە و ڕایدەگەیەنێت، هیچ ڕێككەوتنێك لەگەڵ یەكێتی نەبووە و دەشڵێت: “بۆچی ڕەوتی توندڕەوی ناو پارتی-ش شەڕی نەكرد؟”.

حەیدەر عەبادی، سەرۆك وەزیرانی پێشووی عیراق لە چاوپێكەوتنێكی لەگەڵ كەناڵی (دجلە)ی عیراقی دەربارەی ڕووداوی ١٦ی ئۆكتۆبەر، كە بۆتە هۆی لەدەستدانی هاوپەیمانی كورد دەڵێت: “باوەڕناكەم ئەوە ڕاست بێت، چونكە بەشێك پێیان وابوو شەڕ دەستپێدەكات لەگەڵ كورددا”.

سەبارەت بەوەی ئەوەی عەبادی كردوویەتی لە شەڕ قورستر نەبووە؟ عەبادی دەشڵێت: “نەخێر، سەیری هەندێ حزبە كوردییە توندڕەوە‌كان‌ مەكەن، من تەنانەت خۆم باوەڕم وابو، كە پێشمەرگە شەڕمان لەگەڵ ناكەن، چونكە هەستی نەتەوایەتییان تێدایە و دەڵێن بۆ شەڕ لەگەڵ عیراقدا بكەم”.

سەبارەت بەو دەنگۆیانەی دەوترێت، “بەڕێككەوتنی یەكێتیی و قاسم سلێمانی پێشمەرگە لە كەركوك پاشەكشەی كردبێت”، وتی، “نەخێر ئەمە ڕاست نییە، هیچ ڕێككەوتنێك نەبووە‌، چونكە ئامانج ئەوە نەبوو، كە ڕوویدا، ئامانج شتێكی تر بوو، بەڵام تێڕوانینم هەبوو پێشمەرگە شەڕ ناكات”.

 

کوردستان

لەسەر كۆبوونەوەی لایەنە سیاسییەكانی كەركوك ڕوونكردنەوە دەدرێت

خەڵك -بەشی هەواڵ

 

بۆ دیاریكردنی سەرۆكی لیست و لۆگۆی لیستی “كەركوكی كوردستانی” بڕیار بوو ئەمڕۆ شەممە لایەنە سیاسییەكان لە شاری هەولێر كۆببنەوە، بەڵام تا ئێستا هیچ بڕیارێك نەدراوە لایەنە سیاسییەكان لە چ بارەگایەك و لە كوێ كۆببنەوە.

بەهۆی ڕێگریكردنیش لە مەحمود سەنگاوی ئەندامی مەكتەبی سیاسی یەكێتی نیشتمانی كوردستان لە بازگەیەكی هەولێر و تەقەكردن لە بارەگاكانی ئەو دوو حزبە لە هەولێر و سلێمانی ئەگەری ئەوەی هەیە ئەو كۆبوونەوە نەكرێت یاخود بۆ كاتێكی نادیار دوابخرێت.

حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕاگەیاند، پێشتر پێشنیارێك هەبوو كە یەك شەممە یاخود دوو شەممە لایەنە سیاسییەكان لە هەولێر كۆببینەوە، بەڵام تا ئێستا هیچ دەنگۆیەك نییە كۆبوونەوەكە ئەنجام بدرێت یاخود دوابخرێت.

وتیشی”ئەم هەفتەیە كراوەیە چ ڕۆژێك دیاری بكرێت بۆ ئەنجامدانی كۆبوونەوەكە، چونكە دەبێت ڕای سەرجەم حزبەكان وەربگیرێت”.

بەردەوام بە لە خوێندنەوە

کوردستان

49هەمین ساڵوەگەڕی دامەزراندنی یەكێتی زانایانی ئایینی ئیسلامی كوردستان

خەڵك-بەشی هەواڵ

ئەمڕۆ یادی دامەزراندنی یەكێتی زانایانی ئایینی ئیسلامی كوردستانە و لە مەراسیمێكدا یەكێتیەكە یادی دامەزراندنی دەكاتەوە و بەو بۆنەشەوە مەسروور بارزانی سەرۆكی حكومەتی هەرێمی كوردستان پەیامێكی پیرۆزبایی ئاڕاستەی یەكێتی زانایانی ئاینی ئیسلامی كوردستان كرد.

مەسرور بارزانی سەرۆكی حكومەتی هەرێمی كوردستان لە پەیامێكدا ئاماژە بۆ ئەوە دەكات، سەرۆك و ئەندامانی مەكتەبی تەنفیزی یەكێتی زانایانی ئاینی ئیسلامی كوردستان، بەبۆنەی 49 یەمین ساڵڕۆژی دامەزراندنی یەكێتی زانایانی ئاینی ئیسلامی كوردستان، گەرمترین پیرۆزباییتان لێدەكەم.

دەشڵێیت”یەكێتی زانایان كە لە 21ی ئەیلولی 1970 بەڕێنوێنی جەنابی بارزانی نەمر دامەزرا، ڕۆڵێكی دیاری لە خزمەتكردنی ئاینی پیرۆزی ئیسلام و بزووتنەوەی ڕزگاریخوازی گەلی كوردستاندا گێڕاوە و لە بەرەنگاربوونەوەی هزری توندڕەوی و تیرۆر و هوشیاركردنەوەی كۆمەڵگە و بڵاوكردنەوەی پەیامی میانڕەوی جێدەستیان دیارە.

یەكێتی زانایانی ئایینی ئیسلامی كوردستان، ڕێكخراوێكی پیشەیی تایبەت بە كاروباری زانایانی ئایینی كوردستانە، بارەگای سەرەكی لە هەولێرە.
بۆ یەكەمجار لە بەرواری (21/9/1970) لە گەڵاڵەی ناوچەی باڵەكایەتی سەر بە پارێزگای هەولێر بە چاودێری‌ و ئامادەبوونی مەلا مستەفای بارزانی دامەزراوە و تا ئێستا شەش كۆنگرەی ئەنجام داوە و 17 لقی لە سەرتاسەری هەرێمی كوردستان هەیە.

بەردەوام بە لە خوێندنەوە

کوردستان

لە ڕووداوێكی هاتوچۆدا 5 كەس بوونە قوربانی

خەڵك-بەشی هەواڵ

بەڕێوەبەرێتی هاتوچۆی شارەزوور ڕایدەگەیەنێت، بەهۆی ڕووداوێكی هاتوچۆوە سێ كەس بوونەتە قوربانی.

بەڕێوەبەرێتی هاتوچۆی شارەزوور لە ڕاگەیەندراوێكدا ئاماژە بۆ ئەوە دەكات، لەسەر ڕێگای ھاتووچۆی وارماوا دەربەندیخان ڕووداوێكی ھاتووچۆ ڕوویدا لە نێوان دوو ئۆتۆمبێل لە جۆری توێتا پیكاب و نیسان سدریك.

ئاشكراشیدەكات، بەداخەوە تا ئێستا سێ قوربانی لێكەوتووەتەوە.

بەپێی زانیارییەكان، لە ڕووداوەكەدا چوار كەس گیانیان لەدەست داوەو كەسێكی دیكەش بریندار بووە.

لای خۆشییەوە ڕێژەن بورهان بەڕێوەبەری هاتوچۆی دەربەندیخان بە میدیاكانی ڕاگەیاند، ئۆتۆمبێلی مارسیدس كە هۆكاری ڕووداوەكەش بووە چەند خولەكێك پێش ڕووداوەكە چەند هاوڵاتیەك پەیوەندیان بە ئێمەوە كرد كە ئەو ئۆتۆمبێلە لەنزیك گوندی چنارە زۆر بەهەڵەشەیی و لاساری ئۆتۆمبێل لێدەخوڕێت و ئێمەش لە هەوڵی ئەوەدابووین هاتوچۆی وارماوای لێئاگادار بكەینەوە كەدەستگیری بكەن و ئیجرائاتی لەگەڵ بكەن، بەڵام بەداخەوە زۆری نەخایاند و دوای دوو خولەك ئەم ڕووداوەی دروستكردووە.

بەردەوام بە لە خوێندنەوە

کوردستان