ئێمە لە تۆرە کۆمەڵایەتیەکان

ژیاندۆستی

چۆن دەبیتە دایکێکی باش لە سۆشیال میدیا؟


خێزان

زۆرێک لە دایکان کاتێک منداڵیان دەبیت هەموو شتێکی منداڵەکەیان لە سۆشیال میدیا باس دەکەن، ئەمەی خوارەوە چەند زانیاریەکە لەسەر ئەوەی چۆن دەبیتە دایکێکی باش لە سۆشیال میدیا؟

– هەموو هەواڵ و زانیاریەکان لەسەر منداڵەکەت بڵاو مەکەرەوە، چونکە بۆ خەڵک گرنگ نییە سات بە سات منداڵەکەت چی دەکات

– فەیسبوکەکەت مەکە بە ئەلبومی وێنەی منداڵەکەت و ناوە ناوە وێنەیەکی ئاسایی بڵاوبکەرەوە نەک هەموو کات و وێنەی زۆر و جۆراوجۆر

– لەسۆشیال میدیا زیاد لە پیویست شانازی بە دەستکەوتەکانی منداڵەکەتەوە مەکە و هەموو شتێکی باس مەکە

– زانیاری لەسەر ماوەی دووگیانیەکەت و وێنەکانی منداڵەکەت لە سۆنەرەکەدا شتی تایبەتە و لە فەسیبووک دامەنێ

– وێنەی منداڵەکەت بەڕووتی بڵاومەکەرەوە، چونکە وێنەکە دەمینیتەوە و لەداهاتودا شەرمەندەی دەکات

– زانیاری لەسەر باخچەکەی و کاتی هاتنەوە و ناوی منداڵەکەت بڵاومەکەرەوە چونکە ڕەنگە بۆ ڕفاندن یان کێشەی خێزانی بەکاربهێندرێت

ریکلام

ژیاندۆستی

خەلیفە (عمری کوڕی عبدالعزیز) چۆن چاکسازی کرد؟


خێزان

یەکێک لە سەرکردە ریفۆرمخوازەکانی مێژووی مرۆڤایەتی بە گشتی ومێژووی ئیسلام ورۆژهەڵات بەتایبەت، بریتیە لە خەلیفەی دەوڵەتی ئومەوی (عمری کوڕی عبدالعزیز) کە تەنیا (دوو ساڵ وپێنج مانگ وچوار رۆژ) حوکمی کردووە، لە کاتێکدا سنوری حکومڕانیەکەی لە (وڵاتی هند وصین) لە رۆژهەڵات دەستیپێکردوە تاوەکو (ئیسپانیاو پرتوگال) لە ئەوروپا، واتە زیاتر لە (٤٠ دەوڵەتی) ئەمرۆی بەڕێوە بردووە..


چۆن توانی لە ماوەی تەنیا (یەکەم ساڵی حکومڕانیەکەیدا) چاکسازی بکات وگۆڕانکاری ریشەیی ئەنجامبدات وخۆشگوزەرانی بۆ خەڵک فەراهەم بهێنێت، هۆکاری سەرکەوتنەکەی ئەم خاڵانە بوون:


– سەرەتا پێش ئەوەی هیچ شتێک بکات لە خۆیەوە دەستی پێکرد، ئەو رۆژەی بوو بە خەلیفە جلوبەرگ و کەلوپەلە گرانبەهاکانی هەموو لەخۆی داڕنی وتەسلیمی دەوڵەتی کرد، بەرادەیەک خۆی کردە کەسێکی ئاسایی.


-دوای خۆی خێزانو ماڵو منداڵەکەی چاککرد، داوای لە ژنو کورو کچەکانی کرد ئەوانیش جلوبەرگ و کەلوپەلە گرانبەهاکانی خۆیان تەسلیم بە دەوڵەت بکەن و وەک خەڵکی ئاسایی بژین، لە راستیدا ئەوان خێزانێکی خانەدان بوون، بە تایبەت ژنەکەی کە هەموو کەسوکاری خەلیفە بوون، شاعیرێک لە بەرانبەری دەنوسێت:
بنت الخليفة والخليفة جدها أخت الخلائف والخليفة زوجها

-دواتر خزمو کەسوکارو دەوروبەرەکەی چاککرد، داوای لێکردن ژیانی خۆیان سادە بکەنەوەو جیاواز نەبن لە خەڵکی ئاسایی

-حکومەتی کردە حکومەتی هاوڵاتی و لەهەمانکات خزمەتگوزار و شەفاف وزوڵمی لەسەر خەڵک لادا.

-متمانەی دروست کرد لە نێوان دەوڵەت وهاوڵاتیانیدا، تا ئەو رادەیەی خەڵک دەوڵەتیان بەهی خۆیان ئەزانی، تەنانەت خەڵک بەبێ هیچ زۆرلێکردنێک باج (زەریبە)یان دەدا بە حکومەت

-داهاتی حکومەت ومەسروفاتی رێکخستەوە، بە جۆرێک سەرچاوەی داهاتو سەرفکردن روون بوو.

-بنەمای حکومرانیەکەی (دادگەریی) بوو، جیاوازی نەدەکرد لە نێوان هیچ کەس، لە رەنگ وزمانو نەتەوەو ئایینی جیاواز. هەرکەس مافی خۆی پێدەدا.

-شەڕەکانی راگرتو سوپاکەی کشانەوە، پێی وتن دەبێت سەرباز پەروەردە بکرێت بۆ ئەوەی بزاننێت لە پێناوی چیدا دەجەنگێ.

-لە ساڵی یەکەمی حوکمرانیەکەیدا زیاتر خزمەتی ئەو ولایەتانەی دەکرد کە بێخزمەتن وخەڵکی هەژاری تیادا دەژی، ئەمەش وای کرد ساڵی دووەم بەشێکی زۆر پێویستییان بە خزمەتکردن نەمێنێت.

 

-یاسا بۆ هەموان بوو، لە چەسپاندنی یاسادا سڵی لە کەس نەدەکردەوە.

 

-سیاسەتی قەرەبووکردنەوەی هاوڵاتیان بنەمای حوکمڕانیەکەی بوو، بە تایبەت لەکاتی جێبەجێکردنی بڕیارێک کە بەرژەوەندی گشتی تێدا بوایە، بەردەوام قەرەبووی خەڵکی دەکردەوەو هەرکەس مافی لای حکومەت بوایە پێی دەدایەوە.

 

ئامادەکردنی: د. نەریمان هەڵەبجەی

بەردەوام بە لە خوێندنەوە

ژیاندۆستی

7 تاکتیکی سایکۆلۆژی بۆ ئەوەی لە یەکەم ژواندا زۆر ناوازە و سەرنجڕاکێش دەربکەویت


خێزان

ئەمەی خوارەوە کۆمەڵێک تاکتیکی سایکۆلۆژییە بۆ ئەوەی لە یەکەم ژواندا زۆر ناوازە و سەرنجڕاکێش دەربکەویت:

 

-خواردنەوەی گەرم

-توێژینەوەیەک ئەوەی سەلماندووە کە ئەو ژوانانەی لە کەشێکی گەرمدا دەکرێت و خواردنەوەی گەرمی تێدا دەخورێتەوە کاریگەرترە وەک لە خواردنەوەی سارد کە کەسەکەش وەک کەسایەتیەکی سارد دەردەکەوێت.

 

-باسکردنی کەسانی دیکە

-گەر لە گفتوگۆکەتاندا باسی کەسانی دیکە کرا، هەمیشە لایەنە باشەکان باس بکە و بە خراپە باسیان مەکە، چونکە باسکردنیان بە خراپە کاریگەری خراپ جێدەهێڵێت بەرامبەر بە تۆ.

 

-ناوهێنان

-کاتێک تازە یەکدی دەناسن، هەوڵبدە ناوی کەسەکە بهێنیت، بەو جۆرە زیاتر دەتوانیت لێی نزیک ببیتەوە.

 

-سێگۆشەی ڕوخسار

-کاتێک قسە بۆ کەسەکە دەکەیت، سەرنج بخەرە سەر سێگۆشەی ڕووخساری (چاو و دەم و لوت)، بۆ ئەوەی هەمووکات هەر ناچار نەبیت چاو ببڕیتە چاوی و هەر بەشێک ٥ بۆ ١٠ چرکە لەسەری بمێنەرەوە.

 

-داوای هاوکاری بکە

-ئەمەش تاکتیکێکی باوە بۆ خۆنزیککردنەوە لە کەسێک، داوای هاوکاری شتێکی سادەی لێبکە بۆنمونە قەڵەمێک یان شتێکی هاوشێوە

 

 

-ببە بە پەڕەی ٢٥

-نوسەرێک کتێبێکی بڵاوکردەوە کە لە دەستپێک نووسیبووی، هەموو کتێبەکە لە دەستپێک بۆ کۆتایی بخوێنەرەوە جگە لە پەڕەی ٢٥ و ئەو پەڕەیە مەخوێنەرەوە، دواتر دەرکەوت کە زۆربەی کەسەکان کە کتێبەکەیان بەدەستەوە دەگرت یەکسەر دەچوونە سەر پەڕەی ٢٥، بۆیە گرنگە تۆش ببیت بە پەڕەی ٢٥ و هەندێک نهێنی بهێڵیتەوە و هەمووی ئاشکرا نەکەیت.

 

-خۆت سەرنج ڕاکێش ببینە

-متمانەت بەخۆت هەبێت و خۆت سەرنج ڕاکێش ببینە، پیاوان دەتوانن لە یەکەم ژواندا قەمیسی شین لەبەربکەن بەو پێیەی سەلماوە کە بۆ یەکەم بینین سەرنجڕاکێشە.

 

 

بەردەوام بە لە خوێندنەوە

ژیاندۆستی

٨ ڕێگا بۆ ئەوەی پشتگیری و هاوکاری ژنانی دەوروبەرت بکەیت!


خێزان

ئەمەی خوارەوە کۆمەڵێک ڕێگایە  بۆ ئەوەی پشتگیری و هاوکاری ژنانی دەوروبەرت بکەیت و پشتی یەک بگرن:

 

-گوێگرێکی باش بە بۆیان و گوێبیستی کێشەکانیان ببە

 

-هانیان بەدە لەسەر کارەکانیان و پشتگیریان بکە

 

-ئەو زانیاریانەی دەیزانیت لەگەڵ ژنانی دیکەدا هاوبەشی پێبکە

 

-پەیوەندی لەگەڵ کچانی گەنجدا درووستبکە و ئامۆژگاریان بکە لەسەر ئەزمونەکانی ژیان

 

-هاوکاری دایکت و نەنکت بکە

 

-وەسفی خانمانی دیکە بکە و لایەنە جوان و باشەکانیان باس بکە کە ئەوە وادەکات زۆر دڵخۆش ببن

 

-لەگەڵ یەکدیدا کۆببنەوە و کات و ساتێکی خۆش بەسەربەرن

 

-بەیەکەوە بەشداری ئیڤێنت و چالاکی خانمانە بکەن

بەردەوام بە لە خوێندنەوە

کوردستان