ئێمە لە تۆرە کۆمەڵایەتیەکان

ئابوری

پارتی بە فەرمی ڕایگەیاند
دوو مووچەی پاشەكەوتكراوی فەرمانبەران خەرج دەكرێت

خەڵك- بەشی هەواڵ

سەرۆكی سەنتەری زانیاری‌ و لێكۆڵینەوەی ستراتیژی كوردستان پێشبینی دەكات لەمساڵدا دوو مووچەی پاشەكەوتكراوی فەرمانبەران خەرج بكرێت و دەشڵێت: “لەگەڵ دەستبەكاربوونی كابینەی نوێی حكومەتی هەرێم بەشێكی قەرزی مووچەخۆران دەدرێتەوە”.

ماڵپەڕی (كوردستان تیڤی) ئۆرگانی فەرمی پارتی لە زاری د. ئاراس قادر خۆشناو، سەرۆكی سەنتەری زانیاری ‌و لێكۆڵینەوەی ستراتیژی كوردستان، بڵاویكردەوە، دوای بڕیاری لابردنی پاشەكەوتی مووچە بەگشتی چاوەڕوان دەكرێت بوژانەوەیەكی باشتر ڕوو لەهەرێمی كوردستان بكات، چونكە ئەو بڕە پارەیەی دەكەوێتە بازاڕ كاریگەری خۆی دەبێت.

وتیشی، “متمانە لەنێوان حكومەتی هەرێمی كوردستان و بەغدا دروست بووە، بۆیە پێشبینی دەكەم هەر لە مساڵدا لەگەڵ دەستبەكاربوونی كابینەی نوێی حكومەتی هەرێمی كوردستان بەشێك لەو قەرزانەی مووچەخۆران، كە لەلای حكومەتە بدرێتەوە ‌و ڕەنگە مانگێك یان دوو مانگی پاشەكەوت بۆ فەرمانبەران بگەڕێنرێتەوە ‌و خەرج بكرێت”.

خۆشناو ئاماژەی بەوەشكردووە، بابەتی بەهەژماركردنی بانكی بڕە پاشەكەوتی مووچەی فەرمانبەرانی كوردستان دەمێكە ئێمە پێشنیارمان كردووە بۆ حكومەت، چونكە پاشەكەوتی مووچەی فەرمانبەران بریتییە لەمافێكی دارایی ‌و یاسایی نە دەگۆڕێت‌ و نە كۆن دەبێت‌ و نە ئیلغا دەبێتەوە ‌و مافێكی فەرمانبەرانە لەسەر حكومەتی كوردستان جا ئەم حكومەتە بێت یان حكومەتێكی تر بێت، بۆیە هەر دەبێت بدرێتەوە.

جەختیشی كردۆتەوە، باشترین شت بەلای ئێمەوە ئەوەیە، كە هەژمارێكی بانكی بۆ فەرمانبەران بكرێتەوە ‌و فەرمانبەر لەڕێگەی هەژمارەكەوە قەرزەكانی حكومەتی پێ‌ بداتەوە لە نموونەی پێشینەكان‌ و خزمەتگوزارییەكان.

سەرۆكی سەنتەری زانیاری‌ و لێكۆڵینەوەی ستراتیژی كوردستان دڵنیایی ئەوەیدا، كە هەموو هەوڵێك دەدرێت بۆ ئەوەی قەرەبووی خۆڕاگری خەڵكی كوردستان بەگشتی ‌و مووچەخۆران بەتایبەتی بكرێتەوە لەلایەن حكومەتەوە.

ئابوری

فواد حسێن: دەبێت كێشەی دواكەوتنی مووچەی فەرمانبەران، لای حكومەتی‌ هەرێمەوە چارەسەر بكرێت

خەڵك – بەشی هەواڵ

وەزیری دارایی حكومەتی عیراق، دەڵێت، دواكەوتنی مووچەی فەرمانبەران لە هەرێمی كوردستان بۆ لێكەوتەكانی ئەو قەیرانە دەگەڕێتەوە كە لە ماوەی ڕابردوودا تووشی هەرێمی كوردستان بووە، وەك حكومەتی عیراقیش، مووچەی‌ چوار مانگیان ڕەوانەكردووە.

 

فوئاد حسێن وەزیری دارایی حكومەتی عیراق لەبەرنامەیەكی كەناڵی ئاسمانی شەرقیەدا، ڕایگەیاند “مووچەی‌ چوار مانگمان ڕەوانەی‌ هەرێمی‌ كوردستان كردووە، لە هەرێم بەهۆی‌ قەیرانی‌ داراییەوە كە حكومەتی ئەوكاتی عیراق بۆ چەند ساڵێك بودجەی بۆ ڕەوانە نەكردوون، دەرەنجامی دواكەوتنی دابەشكردنی‌ مووچەی‌ فەرمانبەرانی لێكەوتۆتەوە”.

 

بە وتەی وەزیری دارای عیراق، كێشەی دواكەوتنی مووچەی فەرمانبەران، دەبێت لە لایەنی حكومەتی‌ هەرێمەوە چارەسەر بكرێت.

بەردەوام بە لە خوێندنەوە

ئابوری

بەشەخۆراكی دوو مانگ بەسەر هاووڵاتیاندا دابەش دەكرێت

خەڵك – بەشی هەواڵ
بەرێوەبەری گشتی كۆمپانیای دابەشكردنی خۆراك لە سلێمانی ڕایدەگەیەنێت، دوای جەژنی ڕەمەزان دەست بە دابەشكردنی زەیت و شەكری مانگی ئایار دەكرێت، دەشڵێت: “بەشە نیسەكەكەی وەك دیاری درا بەهاووڵاتیان هەمووی دابەشكرا”.

شەوكەت محەمەد، بەڕێوەبەری گشتی كۆمپانیای دابەشكردنی خۆراك لە سلێمانی بە (خەڵك)ی ڕاگەیاند، ئەمڕۆ دابەشكردنی بەشە زەیت و شەكر و برنجی مانگی ئازار تەواو بووە و دەستمان بە دابەشكردنی بەشە برنجی مانگی ئایاری ئەمساڵ كردووە، ڕۆژانە دابەشكردنمان هەیە و بەردەوام دەبین”.

ڕاشیگەیاند، ئەگەر پێش جەژن فریاكەوتین دەست بە دابەشكردنی بەشە زەیت و شەكری مانگی ئایار دەكەین، ئەگەر نا دەكەوێتە دوای جەژنی ڕەمەزان.

سەبارەت بە قەرەبووی بەشەخۆراكی فەوتاوی ساڵانی پێشوو وتی، “ئەوە پەیوەستە بە بڕیاری حكومەتی عیراق و هەر كاتێك ئەوان بڕیار بدەن قەرەبووی هاووڵاتیان دەكرێتەوە”.

بەردەوام بە لە خوێندنەوە

ئابوری

بەوێنە؛ لە ماڵێكدا شەربەت بە ئاوی بیر دروست كراوە

خەڵك- بەشی هەواڵ
لیژنەكانی چاودێری تەندروستی سلێمانی لە ماڵێكدا لە گەڕەكی هەواری شار دەست دەگرن بەسەر تەن و نیوێك شەربەت، كە بە ئاوی بیر دروست كراوە.

بەڕێوەبەرایەتی چاودێری تەندروستی سلێمانی لە ڕاگەیەندراوێكدا ئاماژەی بەوەكردووە، بۆ پاراستنی تەندروستی هاووڵاتیان و ڕێگری كردن له خواردن و خواردنەوەی ناتەندروست و ماوەبەسەرچوو له لایەن لیژنەكانی سەنتەری چاودێری ڕاپەڕین لە گەڕەكی ڕاپەڕین دەستیان گرت بەسە ر (1500) لیتر شەربەت.

ئاشكراشی كردووە، دوای بە دواداچوونی ورد و وەرگرتنی زانیاری توانیان ئەو شوێنەی شەربەتەكەی لێ دروست دەكرێت
بدۆزنەوە لە ماڵێك لە گەڕەكی هە واری شار.

ئاشكراشی كردووە، شەربەتەكە بە شێوەیەكی ناتەندروست و بە ئاوی بیر دروستكراوە و هیچ مۆڵەت و ناسنامەی تەندروستیان نەبووە و دەستگیرا بەسەر سەرجەم شەربەت و ئەو كەلوپەلانەی لە ئامادەكردنی بە كارهاتووە.

جەختیشی كردۆتەوە، كە كاری پێوست لەگەڵ خاوەنەكەی دەكرێت و هەر ئەمڕۆ سە رجەمیان لەلایە ن لیژنەی تایبەتەوە بە شێوەیەكی تەندروست لەناوبرا .

بەڕێوەبەرایەتی چاودێری تەندروستی سلێمانی داوا له هاووڵاتیانی دەكات “لە كاتی بینینی هەر خواردن و خواردنەوەیەكی ناتەندروست و بەسەرچوودا ئاگاداری لیژنەكانی چاودێری تەندروستی بكەن” .

 

بەردەوام بە لە خوێندنەوە

کوردستان