ئێمە لە تۆرە کۆمەڵایەتیەکان

عێراق

بانكی رافیدەین قەرز دەدات بە هاوڵاتیان

خەڵك- بەشی هەواڵ
بانكی رافیدەین، قەرز دەدات بە هاوڵاتیان و ئەو قەرزەش بەپێی بەیاننامەیەكی بانكەكە، بۆ مەبەستی تەواوكردنی خانووبەرەیە.

ئەمڕۆ شەممە، نوسینگەی راگەیاندنی بانكی رافیدەین لە لەبەیاننامەیەكدا بڵاویكرۆتەوە كە رازیی بووە قەرز بدات بە هاوڵاتیان بۆ مەبەستی بیناسازیی و تەواوكردنی هەیكەلی ئەو خانووبەرانەی گەیشتوونەتە سەقف، بەو مەرجەی زەوییەكە لە 50 مەتر كەمتر نەبێت.

لە بەیاننامەكەی بانكی رافیدەیندا هاتووە”بۆ مەبەستی سوككردنی بارگرانی هاوڵاتیان و ئاسانكاریی لە رێوشوێنی پێدانی قەرزەكان، بڕیاردراوە قەرز بدرێت بەو هاوڵاتیانەی خانووەكانیان گەیاندۆتە ئەو سەقفەی كە دەكرێت نهۆمی دووەمی لەسەر دروستبكرێت، قەرزەكەش بە دوو وەجبە دەدرێت”.

هەر بەپێی بەیاننامەكە”قەرزەكە 50 ملیۆنە و نابێت ئەو زەوییەی خانووەكەی لەسەر دروستكراوە لە 50 مەتر كەمتر بێت”.

عێراق

بە كۆرۆنا مردوون
نەجەف، 111 تەرم لەماوەی 24 كاتژمێری ڕابردوودا بەخاكسپێردران

خەڵك- بەشی هەواڵ
لیوای دوو و تیمی پزیشكی حەشدی شەعبی، ئاماژە بە بەخاكسپاردنی 111 تەرم دەكەن كە لەماوەی 24 كاتژمێری ڕابردوودا بەهۆی كۆرۆناوە گیانیانلەدەستداوە.

بەپێی ڕاگەیەندراوێك كە لەلایەن ڕاگەیاندنی حەشدی شەعبییەوە بڵاوكرایەوە”لیوای دووی حەشدی شەعبی و تیمی پزیشكی سەر بە حەشد، 111 تەرمیان لە گۆڕستانی (وادی السلام)ی نوێ‌ لە پارێزگەی نەجەف كە بۆ قوربانیانی ڤایرۆسی كۆرۆنا تەرخانكراوە، بەخاكسپارد”.

هەر لە ڕاگەیەندراوەكەدا هاتووە”ئەوانەی لە گۆڕستانی (وادی السلام)ی نوێ‌ بەخاكسپێردران، لەماوەی 24 كاتژمێری ڕابردوودا بەهۆی كۆرۆناوە لەم پارێزگایانەی عیراق گیانیانلەدەستداوە: 48 تەرم لە بەغدای پایتەخت، 26 تەرم لە زیقار، 23 تەرم لە پارێزگەی بەسرە، 5 تەرم لە پارێزگەی میسان، 4 تەرم لە پارێزگەی نەجەف، دوو تەرم لە پارێزگەی بابل”.

بەردەوام بە لە خوێندنەوە

عێراق

کەرکوک..باندێکی بازرگانیکردن بەئەندامانی جەستەى مرۆڤ دەستگیرکرا

خەڵک – بەشی هەواڵ

 

ئەمڕۆ پێنج شەممە دەزگای ئاسایشی نیشتیمانیی عیراق لەکەرکوک دەستگیرکردنی باندێکی بازرگانیکردن بەئەندامانی جەستەى مرۆڤی ئاشکراکرد.

 

دەزگای ئاسایشی نیشتیمانیی عیراق لەکەرکوک ڕاگەیەندراوێکی بڵاوکردەوە، کە تێیدا ئاماژەى بەدەستگیرکردنی باندێکی بازرگانیکردن بەئەندامانی جەستەى مرۆڤ کرد، کە لە دوو ژن و پیاوێک پێکهاتوون.

 

باس لەئەوەشکراوە، ئەو باندە لەڕێگەی تۆڕە کۆمەڵایەتییەکانەوە پەیوەندییان لەگەڵ قوربانییەکان دروستکردووە و هەڵیانخەڵەتاندوون.

 

بەردەوام بە لە خوێندنەوە

عێراق

عیراق..گەشتە ئاسمانییەکان بۆ هاوڵاتییان دەستپێدەکاتەوە

خەڵک – بەشی هەواڵ

بەپێی نوسراوێکی وەزارەتی تەندروستی عیراق، گەشتە ئاسمانییەکان بۆ هاوڵاتییانی عیراق دەستپێدەکاتەوە، بەڵام لەژێر چاودێری و ڕێنماییە تەندروستییەکاندا.

 

بەپێی ڕێنماییەکان، هەر کەسێک دێتە ناو عیراقەوە دەبێت پشکنینی بۆ بکرێت و ئەگەر نیشانەى کۆرۆنای هەبێت، ئەوا دەنێردرێت بۆ وەرگرتنی چارەسەر لەنەخۆشخانە.

 

هەر بەپێی ڕێنماییەکان، هەر کەسێک بیهەوێت لەعیراقەوە گەشت بکات، دەبێت کە گەڕایەوە پشکنینی بۆ بکرێت و دواتر کەرەنیتین بکرێت.

بەردەوام بە لە خوێندنەوە

کوردستان