ئێمە لە تۆرە کۆمەڵایەتیەکان

کوردستان

گەشتی هەفتانەی نێوان هەولێر و غازی عەنتاب دەستپێدەكات


خەڵك- بەشی هەواڵ
كۆمپانیای (ئەنادۆڵۆ جێت)ی سەر بە هێڵی ئاسمانی توركیا، دەست بە گەشتە ئاسمانییەكانی دەكات لەنێوان هەردوو شاری (غازی عەنتاب)ی توركیا و هەولێر لە هەرێمی كوردستان.

بەپێی ئاژانسی (ئەنادۆڵ)ی توركیا، هێڵی ئاسمانی توركیا، لەمڕۆ پێنج شەممەوە، دەستیكردووە بە ڕێكخستنی گەشتەكانی بۆ هەولێر، و كۆمپانیای (ئەنادۆڵۆ جێت)يش لە هەفتەیەكدا سێ‌ گەشت بۆ هەولێر لە هەرێمی كوردستان ڕێكدەخات.

وەك ئاژانسەكەش ئاماژەی پێكردووە، گەشتی هەفتانەی كۆمپانیا فڕۆكەوانییەكەی توركیا لە غازی عەنتابەوە بۆ هەولێر، لە ڕۆژانی دوو شەممە و چوار شەممە و شەممەدا دەبێت.

چاوەڕوان دەكرێت، بەڕێخستنی ئەو گەشتانە لەنێوان ئەو دوو شارەدا، ببێتە مایەی زیادبوونی جوڵەی بازرگانی و گەشتیاريی لەنێوان هەردوولادا.

کوردستان

بەوێنە..جوتیاران، داوای كارئاسانی بۆ بەقاڵەكان دەكەن


خەڵك-ئارام سەردار

 

جوتیارانی هەولێر نیگەرانن لەوەی سەرەڕای ئەوەی ئاسانكاری بۆ ئەوان كراوە، بەڵام بەهۆی ئەوەی ئاسانكاری بۆ بەقاڵەكان نەكراوە و دووكانەكانی سەوزە و میوەش داخراون ناتوانن بەرهەمە كشتوكاڵییەكانیان ساغ بكەنەوە.

ئیبراهیم شەمسەدین یەكێكە لەجوتیارەكان ئەمڕۆ بەرووبوومە كشتوكاڵیەكانی هێناوەتە گومرگی هەولێر بە(خەڵك)ی ڕاگەیاند، بەهۆی نەكردنەوەی دووكانەكانی سەوزە و میوە و نەهاتنی بەقاڵەكان بۆ گومرك ناتوانن بەرووبومەكانیان ساغ بكەنەوە، بەم شێوەیەش بێت بەرهەمەكانی ئێمە دەبێ فڕێی بدەین.

دەشڵێت”پێویستە حكومەت ڕەچاوی ئەم وەرزە بكات كەوا بۆ جوتیاران زۆر گرنگە، چونكە ئێستا وەرزی هەندێ بەرهەمی ناوخۆییە و دوای چاوەڕوانییەكی زۆر جوتیاران دەیانەوێت ڕەنجی ماندووبوونیان هەڵگرنەوە، بەڵام بەمشێوەیەبێت سەرەڕای ماندووبوون بەرهەمەكانیشمان دەبێ فڕێ بدەین، بۆیە ئومێد دەكەین كارئاسانی زیاتریش بۆ بەقاڵەكان بكرێت”.

ئەوەشی خستەڕوو، بەشێوەیەكی بەرچاو نرخی بەرووبوومەكان دابەزیوە بەهۆی نەفروشتنیان، بەشێوەیەك كیلۆیەك ترۆزی لە ٨۰۰ بۆ ۹۰۰ دینار ئەمڕۆ بۆتە ۲٥۰ دینار و بازاڕیش نیە، بەرهەمەكانی تریش بەهەمان شێوە.

بەردەوام بە لە خوێندنەوە

کوردستان

کاسبکاران دوکانەکانیان دەکەنەوە  


خەڵک – بەشی هەواڵ

 لە چەند ناوچەیەکی هەرێمی كورردستان کاسبکاران بازاڕ و شوێنە گشتییەكانیان كردەوە و قەدەغەی هاتووچۆ تیایاندا شكێنران.

بە پیی زانیارییەکانی خەڵک ، بەشێک لە کاسبکارانی “ڕانیە و دەربەندیخان و قەڵادزێ و هەڵەبجە” دوکان و بازاڕەکانیان کردووەتەوە.

بەشیک لە کاسبکاران دەڵێن؛ حکومەت هیچ کارئاسانییەکی بۆ دابینی بژێوییان پێ نییەو گەر نەچنەوە سەر کاروکاسبیان، گوزەرانی ڕۆژانەیان پڕ ئاستەنگ دەبێت.

گلەیی ئەوەش دەکەن لە ماوەی کەرەنتینی ڕابردوودا دەسەڵات نەیتوانیوە، کاریگەری لەسەر خاوەن موڵکەکان هەبێ و رەچاوی کەمکردنەوەی کرێ و لێخۆشبوون لە هەندێک باج و خەراج بکات کە لێیان دەسەنرێت.

شەوی ڕابردوو، لە” دەربەندیخان، چەمچەماڵ، ڕانیە، قەڵادزێ، سەیدسادق و هەڵەبجە” کاسبکاران رژانە سەر شەقامەکان و داوای کردنەوەی دوکان و بازارەکانیان دەکرد، وەک کاردانەوەیەکیش ئەمڕۆ بەشێک لەکاسبکارانی ئەو ناوچانە دوكانەكانیان كردووەتەوە.

فۆتۆ؛ مەریوان عەلی

بەردەوام بە لە خوێندنەوە

کوردستان

لە چەمچەماڵ تووشبوویەكی كۆرۆنا دەستنیشان كرا


خەڵك-بەشی هەواڵ

 

بەڕێوەبەری تەندروستی چەمچەماڵ ڕایدەگەیەنێت، لە چەمچەماڵ، تووشبوویەكی ڤایرۆسی كۆرۆنای نوێ دەستنیشانكرا.

فەرهاد محەمەد مستەفا بەڕێوەبەری تەندروستی چەمچەماڵ لە ڕاگەیەنراوێكدا ئاماژە بۆ ئەوە دەكات، لەبەردەوامی پشكنینەكان و گەڕان بەدوای گومانلێكراوانی ڤایرۆسی كۆرۆنا لەسنووری قەزای چەمچەماڵ، ئەمشەو تووشبوویەكی ڤایرۆسی كۆرۆنا تۆماركرا.

ئاشكراشیكردن تووشبووەكە پیاوێكی تەمەن ٤٧ ساڵە و دانیشتووی چەمچەماڵە لە ئێستادا لە مەڵبەندی ئاسودەی بەڕێوەبەرایەتی تەندروستی چەمچەماڵ تایبەت بەكۆرۆنا لە ژێر چاودێریدایە.

بەردەوام بە لە خوێندنەوە

کوردستان