ئێمە لە تۆرە کۆمەڵایەتیەکان

کوردستان

مەسرور بارزانی: لە نەورۆزدا بەرژەوەندییە لاوەكییەكان بەلاوە بنێین

خەڵك – بەشی هەواڵ
ڕاوێژكاری ئەنجوومەنی ئاسایشی هەرێمی كوردستان، لە سەروبەندی پێكهێنانی كابینەی نۆیەمی حكومەتی هەرێم ڕایدەگەیەنێت، هیوادارم هەموو لایەك كێشە و بەرژەوەندییە لاوەكییەكان بەلاوە بنێن، پێكەوە دەسكەوتەكانمان پەرە پێ بدەین و هەڵەكان ڕاستكەینەوە و خزمەتێكی شایستەی گەل و نیشتمانمان بكەین، دەشڵێت: “یادە نیشتمانی و نەتەوەییەكان فاكتەری كاریگەری پڕۆسەی بنیاتنانی نیشتمان و نەتەوەن”.

مەسرور بارزانی، ڕاوێژكاری ئەنجوومەنی ئاسایشی هەرێمی كوردستان لە پەیامێكدا بەبۆنەی جەژنی نەتەوەیی نەورۆز ڕایگەیاندووە، یادە نیشتمانی و نەتەوەییەكان و لەوانەش نەورۆز، فاكتەری كاریگەری پڕۆسەی بنیاتنانی نیشتمان و نەتەوەن، بۆیە ئاواتەخوازم یادكردنەوەی ئەم بۆنە نیشتمانیانە لەو چوارچێوە كڵێشەییانەی تەنیا خوێندنەوەی پەیام و پیرۆزبایی دەربچن.

ڕاشیگەیاندووە، لە سەروبەندی پێكهێنانی كابینەی نۆیەمی حكومەتی هەرێم، هیوادارم هەموو لایەك كێشە و بەرژەوەندییە لاوەكییەكان بەلاوە بنێن.

دەقی پەیامەكە:
بە بۆنەی جەژنی نەورۆز و سەری ساڵی كوردیەوە، گەرمترین پیرۆزبایی ئاراستەی خانەوادەی سەربەرزی شەھیدان و پێشمەرگە قارەمانەكان و سەرجەم گەلی كوردستان دەكەم. ھیوادارم رۆژانی جەژن لە كەشێكی ئارام و پڕ لە خۆشیدا بەسەر بەرن.

‎یادە نیشتمانی و نەتەوەییەكان و لەوانەش نەورۆز ، فاكتەری كاریگەری پرۆسەی بنیاتنانی نیشتمان و نەتەوەن، بۆیە ئاواتەخوازم یادكردنەوەی ئەم بۆنە نیشتمانیانە لەو چوارچێوە كلێشەییانەی تەنیا خوێندنەوەی پەیام و پیرۆزبایی دەربچن. یادكردنەوەی بێ ناوەڕۆك، چەمكی یادە نیشتمانیەكان كەمڕەنگتر دەكات و لە ئەنجامدا ئەم بۆنە مێژوویانە بایەخی خۆیان لای جیلەكانی داهاتوو لە دەست دەدەن.

‎پێویستە هێما نیشتمانییەكان فاكتەری بەهێزكردنی هەستی نیشتمانپەروەری بن و هاندەرمان بن تاكو وێڕای هەموو جیاوازییەكان، لە خزمەتی نیشتماندا یەكبگرینەوە و بە یەكریزی و كۆكردنەوەی تواناكان بەرەو ئایندەیەكی پرشنگدار و پێشكەوتن و گەشەسەندنی زیاتر هەنگاو بنێین.

‎دڵسۆزی بۆ نیشتمان دەبێت لە كردەوەكانماندا ڕەنگ بداتەوە، بۆیە لە سەروبەندی پێكهێنانی كابینەی نۆیەمی حكومەتی هەرێم، هیوادارم هەموو لایەك كێشە و بەرژەوەندییە لاوەكییەكان بەلاوە بنێن، تاكو پێكەوە دەسكەوتەكانمان پەرە پێ بدەین و هەڵەكان ڕاست كەینەوە و خزمەتێكی شایستەی گەڵ و نیشتمانمان بكەین.

‎مەسرور بارزانی
٢٠/٣/٢٠١٩

کوردستان

مامۆستایانی ناوچەیەكی هەرێم بایۆتی پرۆسەی خوێندنیان كرد

خەڵك – بەشی هەواڵ

خوێندنەگە ئامادەییەكانی سنوری پشدەر ڕایدەگەیەنن، بێ باكی حكومەت لە ئاست داواكارییەكانیان و پێنەدانی ماف و شایستە داراییەكانیان، بەشێكن لە هۆكاری دەست پێنەكردنەوەی دەوام بڕیاری بایكۆتی پرۆسەی خوێندن دەدەن.

مامۆستایان و بەڕێوەبەرانی خوێندنگە ئامادەییەكانی سنوری پەروەردەی پشدەر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێنەدانی ماف و شایستە داراییەكانی مامۆستایان لەلایەن حكومەتەوە، كاریگەرییە خراپەكانی خوێندنی ئەلكترۆنی بۆ سەر پرۆسەی پەروەردە و فێركردن، دەستەبەرنەكردنی هۆكارە خۆپارێزییەكان لەسەرجەم ناوەندەكانی خوێندن لەلایەن وەزارەتی پەروەردەوە وایكرد پرۆسەی خوێندن دوا بخەن.

ڕاشیگەیاندووە، دوای ڕاگۆڕینەوە و هەڵسەنگاندنی دۆخەكە بڕیاریانداوە تا رۆژی (10/10/2020) دەوامی قوتابخانە و خوێندگەكان دەستپێنەكەنەوە.

ئەمە لەكاتێكدایە ، دوێنێ لە راگەیەندراوێكدا بەڕێوەبەرانی ئامادەییەكی كەلار بایكۆتی پرۆسەی خوێندنیان راگەیاند.

بەردەوام بە لە خوێندنەوە

کوردستان

هاتووچۆی گەرمیان؛ سێ ئۆتۆمبێل بەیەكیاندادا قوربانی لێكەوتەوە

خەڵك – بەشی هەواڵ

بەڕێوەبەرایەتی هاتووچۆی گەرمیان ڕایدەگەیەنێت، لەسەر ڕێگای كەلار بۆ خانەقین ڕووداوێكی پێكدادان ڕوویدا بەهۆیەوە شۆفێرێك بریندار بوو، ڕووداوەكە لە نزیك دێ ی سەوز بڵاخ بووە لە نێوان سێ ئۆتۆمبێل یەكێك لە شۆفێرەكان برینداربووە.

بەڕێوەبەرایەتی هاتوچۆی گەرمیان لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، بەهۆی ڕووداوێكی هاتووچۆوە لە نێوان سێ ئۆتۆمبێل لەجۆرەكانی مسبۆشی لانسەر و مان بارهەڵگر و پیكاب تویوتا شۆفێری ئۆتۆمبێلی مسیبۆشی لانسەرەكە بریندار بوو.

ئاماژەبۆ ئەوەشكراوە، بەمەبەستی وەرگرتنی چارەسەر ڕەوانەی نەخۆشخانە كراوە، زیانی مادی زۆریش بەر هەسێ ئۆتۆمبێلەكە كەوتووە، مەفرەزەكانی هاتووچۆش لەسەر ڕووداوەكەن لێكۆڵینەوەیان لە چۆنیەتی ڕوودانی ڕووداوەكە دەستپێكردووە.

بەردەوام بە لە خوێندنەوە

کوردستان

فڕۆكەكانی توركیا ناوچەیەك لە پارێزگەی دهۆك بۆردومان دەكەن

خەڵك- بەشی هەواڵ
فڕۆكە جەنگییەكانی توركیا، لوتكەی (بیسمەتی) لە زنجیرە چیای (گارا) كە دەڕوانێت بەسەر قەزای ئامێدی لە باكووری پارێزگەی دهۆك، بۆردومان دەكەن.

بەگوێرەی زانیارییەكان، نیوەڕۆی ئەمڕۆ هەینی، فڕۆكە جەنگییەكانی توركیا لوتكەی بیسمەتیان لە زنجیرە چیای گارا لە نزیك قەزای ئامێدی لە دهۆك بۆردومان كردووە و دەنگی دوو تەقینەوەی گەورەش بیستراوە كە دواتر بەرزبوونەوەی دووكەڵێكی زۆری لە لوتكەی چیاكە بەدواداهاتووە كە دەڕوانێت بەسەر هەردوو گوندی (كیزی و بلێتی).

سوپای توركیا لە ساڵی 2020وە، بە بیانووی بوونی گەریلاكانی پارتی كرێكارانی كوردستان (پەكەكە)، ئۆپەراسیۆنە سەربازییەكانی لەنێو خاكی هەرێمی كوردستاندا چڕكردۆتەوە، بەو هۆیەشەوە تائێستا چەندان هاووڵاتی بونەتە قوربانی و زیانی زۆيش بە ڕووبەرێكی فراوانی سروشتی و كشتوكاڵی گەیشتووە.

بەردەوام بە لە خوێندنەوە

کوردستان