ئێمە لە تۆرە کۆمەڵایەتیەکان

کوردستان

مستەفا مەولوودی: نەورۆز ڕەمزی خەبات و تێكۆشانە

خەڵك- بەشی هەواڵ

سكرتێری گشتی حزبی دیموكراتی كوردستان ڕایگەیاند “نەورۆز، جێژنی نەتەوایەتیی خەڵكی كوردستانە. كوردان لە زۆر كۆنەوە هەموو ساڵێ بەرەوپیری ئەو ڕۆژەوە چوون، كردوویانە بە جێژن، شادییان تێدا كردووە و ڕێوڕەسمی تایبەتیان بەو بۆنەیەوە بەڕێوە بردووە”.

مستەفا مەولوودی سكرتێری گشتی حزبی دیموكراتی كوردستانی ئێران لە پەیامێك بە بۆنەی هاتنی نەورۆزەوە دەڵێت “خەڵكی ئێمە كۆمەڵێك مانا و نێوەرۆكی گرینگیان لە هاتنی نەورۆزدا دیوە، كە كردوویانەتە ڕەمزی خەبات و تێكۆشان بۆ سەركەوتن بەسەر كەندوكۆسپەكانی ژیاندا و بۆ نوێكردنەوەی هێز و ورە لە پێناوی گەیشتن بە ئامانجەكانیان و بنیادنانی ژیانێكی ئازاد و سەربەرزانە، ئیلهامیان لێ ‌وەرگرتوون”.

ئاماژە بەوەش دەكات “نەورۆز جێژنی سەركەوتنی بەهار بەسەر زستان، فەرحانی بەسەر تەنگانە، گەرما بەسەر سەرما، ڕووناكی بەسەر تاریكی و، خۆشی بەسەر ناخۆشی دایە. هەر ئەو تایبەتمەندییانەشن كە بۆ باب‌ و باپیرانی ئێمە بوونە هۆی ئەوە كە نەورۆز بكەنە سەرمەشق و سیمبۆل بۆ لەبیربردنەوەی ناكامییەكان، گەشبوونەوەی هومێد و هیوا، نوێكردنەوەی هێز و تێهەڵچوونەوە و خەبات بۆ بەگژداچوونەوەی ستەمكاران و داگیركەران و شێلگیربوون لە سەر گەیشتن بە ئازادی و مافی ڕەوای خۆیان”.

دەشڵێت “ئێمەش هەر ئەو پەیامە لە نەورۆزدا دەبینین، ئەو ئیلهامەی لێ‌ وەردەگرین، بە ورە و هیوایەكی تازەوە، وەرزێكی نوێ لە خەبات و تێكۆشان دەست‌ پێدەكەین، بە باوەڕی پتەو بە سەركەوتنەوە تێكۆشانمان درێژە دەدەین و ئاڵای خەباتی ڕزگاریخوازانەمان تا سەركەوتنی یەكجاری، شەكاوە ڕادەگرین”.

ریکلام

کوردستان

نزئكەی 50 كەس لە گرتووخانەی گەرمیان تووشی كۆرۆنا بوون

خەڵك – بەشی هەواڵ
نزیكەی 50 كەس لە گرتووخانەی گەرمیان تووشی ڤایرۆسی كۆرۆنا بوون و باری تەندروستییان جێگیرە.

ئەمڕۆ پێنج شەممە د.سیروان محه‌مه‌د به‌رێوەبه‌ری گشتی ته‌ندروستی گه‌رمیان ڕایگەیاند، ‌48 کەس لە گرتووخانەی گەرمیاندا تووشی ڤایرۆسی كۆرۆنا بوون.

لە نێو گرتووخانەکەدا جێگایەك بۆ تووشبووەكان جیاكراوەنەوە كە تەندروستییان جێگیرە و تیمی تەندروستیش چاودێریان دەكات.

بەردەوام بە لە خوێندنەوە

کوردستان

وەزارەتى خوێندنی باڵا و توێژینەوەی زانستى چەند بڕیارێکی نوێی دەرکرد

خەڵک – بەشی هەواڵ

وەزارەتى خوێندنى باڵاو توێژینەوەى حکومەتى هەرێمى کوردستان چەند بڕیارێکی تایبەت بەو خوێندکارانە دەرکرد، کە لە دەرەوەى وڵات، بەکالۆریۆس و ماستەرو دکتۆرا دەخوێنن و بەهۆى بڵاوبونەوەى پەتاى کۆرۆنا و ڕێکارەکانى تەندروستى و ڕاگەیاندنى قەدەغەى هاتوچۆ، گەڕاونەتەوە هەرێمى کوردستان یاخود هێشتا لە دەرەوەى وڵاتن.

 

وەزارەتى خوێندنى باڵاو توێژینەوەى حکومەتى هەرێمى کوردستان لە فەرمانێکى وەزاریدا بە ژمارە (٥٨٥٤) لە ڕێکەوتى (٢٠٢٠/٧/٧) بە ئیمزاى د. ئارام محمد قادر وەزیرى خوێندنى باڵا و توێژینەوەى زانستى تایبەت بەو خوێندکار/ قوتابیانەى لە دەرەوەى وڵات، بەکالۆریۆس و ماستەرو دکتۆرا دەخوێنن و بەهۆى بڵاوبونەوەى پەتاى کۆرۆنا و ڕێکارەکانى تەندروستى و ڕاگەیاندنى قەدەغەى هاتوچۆ، گەڕاونەتەوە هەرێمى کوردستان یاخود هێشتا لە دەرەوەى وڵاتن چەند بڕیارێکى گرنگى دەرکرد.

 

بەردەوام بە لە خوێندنەوە

کوردستان

جوتیارە نمونەییەکە لە(خەڵک)ەوە پلانێک بۆ ساغکردنەوەى بەرهەمی کشتوکاڵیی ناوخۆ دەخاتەڕوو

خەڵک – نزار جەزا

جوتیارێکی نمونەیی باس لەزۆربوونی بەرهەمە کشتوکاڵییەکان دەکات، بۆیە لەناوخۆی هەرێمی کوردستان پارە ناکەن، لەبەرئەوە بەپێویستی دەزانێت، کە حکومەتی هەرێم لەدەرەوەی هەرێم بازاڕیان بۆ بدۆزێتەوە و لەناوخۆشدا سەرمایەدارەکان کارگەی بۆ دروستبکەن، چونکە هەرێمی کورستان خۆڕسکانە خەرێکە خۆی کەرتی کشتوکاڵ دەبوژێنێتەوەو.

 

ئازاد محەمەد، کە بە جوتیارە نمونەییەکە ناسراوە بە(خەڵک)ی ڕاگەیاند، بەشێوەیەکی گشتی بەرهەمە کشتوکاڵییەکان پارە ناکەن، نرخیان زۆر کەمە، بۆ نمونە کیلۆیەک بامیە پێشتر بە چوار هەزار دینار بوو بەڵام ئێستا بەهەزار دینارە، دوێنێ ٢٠ دۆنم زەوی کە شوتی تێدا چاندووە، بە ٤٥٠ هەزار دینار بەشوانێک فرۆشتووە بۆئەوەی حەیوانی تێ بکات، لەکاتێکدا هەشت ملیۆن دیناری تێچووبوو.

 

ئەوەشی خستەڕوو، ئێستا خەڵکانێکی زۆر لەکوڕ و کچی گەنج و تازە دەرچووکانی زانکۆ و پەیمانگاکان و جوتیاران و خەڵکانی دیکەش ڕوویانکردۆتە کشتوکاڵکردن، بۆیە بەرهەمێکی زۆری کشتوکاڵ دەگاتە بەرهەم و ئەم بەرهەمانەش کە زۆر بوو نرخیان دادەبەزێت.

 

باسی لەئەوەشکرد، ئەم دۆخەى ئێستا زۆر باشە و خۆڕسکانە کەرتی کشتوکاڵ خەریکە دەبێتە کەرتێکی گرنگ و دەتوانرێت جێگەى کەرتی نەوت بگرێتەوە، بەڵام دەبێت حکومەت بازاڕی بۆ بدۆزێتەوە، چونکە ئەگەر حکومەت خەمی جددی لێ نەخوات، بەرهەمە کشتوکاڵییەکان لەناوخۆدا خەساردەبن و جوتیارانیش کە هەر زەرەر بکەن، جارێکی تر بیر لەکشتوکاڵ ناکەنەوە.

 

ئاماژەى بەئەوەشدا، لەحاڵەتێکدا کە نەوت نەمێنێت یان وەک ئێستا نرخەکەی دابەزیبێت و وڵات لەقەیرانی داراییدابێت، ئەگەر سنوور لەکوردستان داخرا، بەناچاری دەبێت هانا بۆ کشتوکاڵی ناوخۆ ببەن، بۆیە پێویستە زووتر کەرتی کشتوکاڵ گرنگی پێ بدرێت و بازاڕێک بۆ ساغبوونەوەى بدۆزرێتەوە.

 

ناوبراو وتیشی: لەجیاتی ئەوەی سەرمایەدارەکان خەرکی دروستکردنی بینابن، با بێن کۆمەڵێک کارگە دروستبکەن، دواتریش حکومەت و سەرمایەدارەکان ناچاردەبن کە بازاڕی لەدەرەوەی وڵات بۆ بدۆزنەوە.

 

دەشڵێت: حکومەتى هەرێم دەبێت پلان دابنێت و هەر وڵاتێک بەرهەمی لێ وەرنەگرێت، با حکومەتى هەرێمیش بەرهەمی لێ نەکڕێت، واتە بۆچی هەرێم کاڵاوشمەک لە وڵاتان بکڕێت و ئەوان لەهەرێمی نەکڕن.

 

ناوبراو لەبارەى چۆنیەتی ساغکردنەوەی خەیار و تەماتەى ناوخۆ ئاماژەى بەئەوەدا، ئەگەر دەسەڵاتی هەبووایە ڕیگری لە هاتنەناوەوەی دۆشاو و خەیارشۆر دەکرد، لەبەرئەوەی بەهەزاران دوکان و مارکێت هەیە، کە ڕۆژانە دۆشاوی تەماتە و خەیارشۆر دەفرۆشن، بۆیە دەکرێت  لەجیاتی دۆشاوی تەماتە و خەیارشۆری وڵاتان، بەرهەمی ناوخۆیی بفرۆشرێت، ئەمەش بەدروستکردنی ژمارەیەک کارگەی لەقتونان دەکرێت.

 

ئەوەشی خستەڕوو، بەدروستکردنی ئەم کارگانە، بەرهەمی خۆماڵی دەنێردرێتە دەرەوە و بەرهەمی خۆماڵی ساغ دەبێتەوە و هەلی کاریش بۆ گەنجان دەڕەخسێت، هەروەها کەرتی کشتوکاڵ دەبوژێتەوە و ژێرخانی ئابووریش گەشە دەکات.

بەردەوام بە لە خوێندنەوە

کوردستان