ئێمە لە تۆرە کۆمەڵایەتیەکان

ژینگە

بڕی باران بارین لە هەرێمی كوردستان بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە ناوچەی بارزانی سەر بە پارێزگەی هەولێر بە بڕی 20.0 ملم باریوە.

بەپێی زانیارییەكانی كەشناسی زۆرترین بارانی ئەمساڵ لە ناوچەی مێرگەسۆر لە پارێزگای هەولێر بە بڕی 1672.4 ملم باران باریوە.

ژینگە

دوو هاووڵاتی دەستگیر كران
لە دوو ڕووداوی ئاگركەوتنەوە (120) دۆنم پووش و پاوان سووتان

خەڵك- بەشی هەواڵ

بەڕێوەبەرایەتی پۆلیسی دارستان و ژینگەی سلێمانی ڕایدەگەیەنێت، دڵسۆزی و خەمخۆری مەفرەزەكانی پۆلیسی دارستان لەكاتی كوژانەوەی ئاگر لە سنورەكان بەردەوامە لە پێناو پارێزگاریكردن لە سروشت و ژینگەی كوردستان و دەشڵێت: “بەو هۆكارە لە سنوری قەرەداغ و ناحیەی سەنگاو (120) دۆنم پووش و پاوان سووتان”.

هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، ئاگرێكی بەرفراوان لە گوندی (ئالیاوە)ی سەر بە قەرەداغ كەوتەوە و دەستبەجێ مەفرەزەكانی بەشی پۆلیسی دارستان و ژینگەی قەرەداغ گەیشتنە شوێنی ڕووداوەكە و بەهاوكاری ئاگركوژێنەوە و هاووڵاتیانی سنورەكە توانیان ئاگرەكە كۆنتڕۆڵ بكەن.

وەك هێمن كمرخان دەڵێت: “زیانی ئاگرەكە نزیكەی (20) دۆنم پووش و پاوان و سووتانی (3) باخی میوە بووە و هاووڵاتیەك بەتۆمەتی ئاگركەوتنەوەكە دەستگیر كراوە .

ڕاشیگەیاند، لە ڕووداوێكی تری ئاگركەوتنەوەدا لە شاخی سەگرمە لە سنوری گوندەكانی (ڕەبات، داربەڕوو، قەڵاگە) سەر بە شارەدێی سەنگاو، دەستبەجێ مەفرەزەكانی بنكەی پۆلیسی دارستان و ژینگەی سەنگاو گەیشتنە شوێنی ڕووداوەكە و توانیان ئاگرەكە لەماوەیەكی كەمدا كۆنتڕۆڵ بكەن.

ئاشكراشی كرد، زیانی ئاگرەكە سووتانی نزیكەی (100) دۆنم پووش و پاوان و (2000) داری سروشتی بووە و هۆكاری ئاگركەوتنەوەكە تا ئێستا نەزانراوە.

ئاماژەی بەوەشكرد، لە ئەنجامی دەرچوون و كێوماڵكردنی سنوری چالاكیان، مەفرەزەیەكی بەشی پۆلیسی دارستانی چەمچەماڵ توانیان تۆمەتبارێك لە نزیك چەمی (باسەڕە) دەستگیر بكەن، كە باڵندەیەكی كێوی (حاجی لەق لەق)ی ڕاوكردبوو، لەگەڵ دەست بەسەراگرتنی چەكێك لە جۆری (كڵاشینكۆف).

جەختیشی كردەوە، پەڕاوی لێكۆڵینەوەی بۆ كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

ژینگە

لە قەرەداغ نزیكەی (20) دۆنم پوش و پاوان سووتا

خەڵك- بەشی هەواڵ

لە سنوری قەرەداغ نزیكەی (20) دۆنم پوش و پاوان سووتا .

پۆلیسی دارستان و ژینگەی سلێمانی لە ڕاگەیەندراوێكدا نوسیویەتی”ئاگرێكی بەرفراوان لە گوندی (ئالیاوە) سەر بە قەزای قەرەداغ كەوتەوە و زیانی ئاگرەكە نزیكەی (20) دۆنم پوش و پاوان و داری سروشتی لەگەڵ (3) باخی میوەی هەمەجۆر سووتان .”

هەروەها هاتووە” هاووڵاتییەك دەستگیركراوە بە هۆكاری كەوتنەوەی ئاگرەكە و پەراوی لێكۆڵینەوە ڕێكخراوە و ڕادەستی بەڕێز دادوەر كراوە بۆ وەرگرتنی ڕێكاری یاسایی.”

بەردەوام بە لە خوێندنەوە

ژینگە

كەسێك بە تۆمەتی ڕاوكردن دەستگیركرا

خەڵك- بەشی هەواڵ

مەفرەزەیەكی بەشی پۆلیسی دارستانی چەمچەماڵ توانیان تۆمەتبارێك لە نزیك چەمی ( باسەڕە ) دەستگیر بكەن كە باڵندەیەكی كێوی ( حاجی لەق لەق ) ی راوكردبوو، لەگەڵ دەست بەسەراگرتنی چەكێك لە جۆری ( كڵاشینكۆڤ ).

پۆلیسی دارستان و ژینگەی سلێمانی لە ڕاگەیەندراوێكدا ئاماژەی بەوەكردووە، پەڕاوی لێكۆڵینەوەی بۆ كراوەتەوەو ڕادەستی بەڕێز دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

کوردستان