ئێمە لە تۆرە کۆمەڵایەتیەکان

کوردستان

لە ساڵڕۆژی كیمیابارانكردنی هەڵەبجە چەند چالاكییەك لە هەولێر بەڕێوەدەچێت

خەڵك-ئارام سەردار

ئەمڕۆ شەممە ۱٦ی ئاداری ۲۰۱۹ لەشاری هەولێر لە ساڵڕۆژی كیمیابارانكردنی شاری هەڵەبجە چەند چالاكییەك بەڕێوەدەچێت.
پارێزگای هەولێر لە ڕاگەیەنراوێكدا كە وێنەیەكی بۆ (خەڵك) نێردراوە ئاماژە بۆ ئەوە دەكات، ئەمڕۆ شەممە ١٦ ی ئاداری ۲۰۱۹ لە ساڵڕۆژی ٣١ ساڵەی تاوانی كیمیابارانی شاری هەڵەبجە و لەمیانەی چالاكییەكانی ١١مین فیستیڤاڵی ئازادی و نەورۆز چەند چالاكییەك بەڕێوەدەچێت.
بەپێی ڕاگەیەنراوەكە، بڕیارە لە كاتژمێر ۱۰ی سەر لەبەیانی ئەمڕۆ لەپاركی شار بەرامبەر قەڵا نمایشێكی شانۆی سەر شەقام تایبەت بەو یادە لەلایەن هونەرمەندانی شاری هەولێر پێشكەش دەكرێت، دواتر لە كاتژمێر ١١ بۆماوەی ٥ خولەك بۆ ڕێزگرتن لە قوربانیانی تاوانی كیمیابارانكردنی هەڵەبجە هەموو جموجۆڵێك دەوەستێت و بێدەنگی باڵ بەسەر هەموو شارو دێهات و كوردستان دەكێشێ.

ئەوەشخراوەتەڕوو، لە كاتژمێر ۱۱:۳۰ خولەك لەپاڕكی شانەدەر لەلایەن گرووپی خۆبەخشان دووەمین فیستیڤاڵی خوێندنەوە بەڕێوەدەچێت و كۆمەڵێك چاڵاكی ڕۆشنبیری و كلتوری ئەنجام دەدرێت، هەروەها بۆ زیاتر هاندانی خوێندنەوە شەش هەزار كتێب بەناونیشانی جیاجیا لەسەرجەم بوارەكاندا بەخۆڕایی دابەش دەكرێت

کوردستان

پۆلیسێك بەهۆی قەرزدارییەوە خۆی كوشت

خەڵك-ئارام سەردار

وتەبێژی پۆلیسی هەولێر ئاشكرای دەكات، شەوی ڕابردوو كارمەندێكی پۆلیس كۆتایی بەژیانی خۆی هێناوە.

هۆگر عەزیز وتەبێژی پۆلیسی هەولێر بە(خەڵك)ی ڕاگەیاند، شەوی ڕابردوو بەداخەوە كارمەندێكی پۆلیس بەناوی (ڕ. م) كۆتایی بەژیانی خۆی هێنا.

دەشڵێت “ناوبراو كارمەند بووە لە بەشی ڕێكاری سەربازی، بەپێی لێكۆڵینەوە سەرەتاییەكان و وتەی كەسوكارەكەی، هۆكاری خۆكوشتنەكەی بەهۆی قەرزدارییەوە بووە”.

بەردەوام بە لە خوێندنەوە

کوردستان

هەپەگە كوژرانی شەش سەرباز و گەریلای ڕاگەیاند

خەڵك –بەشی هەواڵ

هێزەكانی پاراستنی گەل هەپەگە باڵی سەربازی پارتی كرێكارانی كوردستان لە ڕاگەیەندراوێكدا ئاشكرایكرد بەهۆی بۆردومانی فڕۆكە شەڕكەرەكانی توركیاوە لە ڕۆژی 8ی تەمووز لە دەشتی خانێی ناوچەی چەلێی جوڵەمێرگ سێ گەریلا كوژراون.

لە ڕاگەیەندراوێكی دیكەشدا هەپەگە دەڵێت “هێزەكانمان لە دژی سەربازانی سوپای توركیا چالاكییەكیان ئەنجام دا لە ‌نزیك گردی شەهید ساریا لە ڕۆژی ١٤ی تەمووز”.

ئاشكراشیكرد لە ئەنجامدا سێ سەرباز كوژران و چەندین سەربازیش بریندار بوون.

بەردەوام بە لە خوێندنەوە

کوردستان

چوار هاووڵاتی كورد لە سێدارە دران

خەڵك –بەشی هەواڵ

حوكمی سێدارەی چوار هاووڵاتیی كورد لە بەندیخانەی ناوەندیی شاری ورمێ جێبەجێ كرا.

بەپێی ڕاپۆرتی گەیشتوو بە ڕێكخراوی مافی مرۆڤی هەنگاو، بەرەبەیانی ئەمڕِۆ سێشەممە حوكمی سێدارەی چوار هاووڵاتیی كورد لە بەندیخانەی ناوەندیی شاری ورمێ جێبەجێ كرا.

ناسنامەی ئەو چوار كەسە بریتییە لە “هێمن بەناوەند خەڵكی پیراشار، مەحموود خالیدی، جەعفەر محەمەدی و محەمەد عارف نەجەفیان”.

ئەو چوار هاووڵاتییە بە تۆمەتی كوشتنی ئەنقەست پێشتر دەستبەسەر و لەلایەن دەزگای داودوەریی حكوومەتی ئێرانەوە حوكمی بەندكرانیان بە سەردا سەپاوە.

بەردەوام بە لە خوێندنەوە

کوردستان