ئێمە لە تۆرە کۆمەڵایەتیەکان

عێراق

 سائیرون و فەتح تۆمەتبار دەكات
هاوپەیمانییەكەی عەبادی بۆ (خەڵك): بێبەشكراوین لە حكومەتەكەی عەبدولمەهدی

خەڵك- بەشی هەواڵ
پەرلەمانتارێكی هاوپەیمانی نەسر كە لەلایەن حەیدەر عەبادی سەرۆك وەزیرانی پێشووی عیراقەوە سەرۆكایەتی دەكرێت، پێیوایە هاوپەیمانییەكەیان بێبەشكراوە لە پۆستەكانی حكومەتەكەی عادل عەبدولمەهدی و ئاماژە بە گرتنەبەری هەڵوێست دەكات لە چەند ڕۆژی داهاتوو بەرانبەر بەو بێ‌ بەشكردنە، هەردوو هاوپەیمانی سائیرون و فەتحیش بەدەستگرتن بەسەر زۆربەی پۆستەكاندا تۆمەتبار دەكات.

ئەمڕۆ شەممە، نەدا شاكر جەودەت، پەرلەمانتاری هاوپەیمانی نەسر لە لێدوزانێكی تایبەت (خەڵك) ڕایگەیاند:”لە سەرەتاوە شانەی قەیرانمان دروستكرد، بابەتەكە هەر ئەوە نەبوو كە بڕیار نەدەین و بێ‌ دەنگ بین، بەڵكو شاندێكی هاوپەیمانیەكەمان لە سەرەتاوە بە سەۆكایەتی خالید عوبەیدی پێكهێنا و سەردانی عادل عەبدولمەهدیمان كرد، و پرسەكەمان بۆ خستەڕوو، ئەویش لای خۆیەوە ڕەتیكردەوە بابەتەكە پەیوەندی بەوە هەبێت و هەڵوێستی وابوو كە لەگەڵ سائیرون و قەتح حكومەتی پێكهێناوە”.

ئەو پەرلەمانتارەی هاوپەیمانی نەسر، ئاماژەی بە بڕیارێكی یەكلاكرەوەی هاوپەیمانییەكەشیان كرد كە سبەینێ‌ یەك شەممە لەو بارەیەوە لەلایەن حەیدەر عەبادییەوە دەخرێتەڕوو.

بە وتەی نەدا شاكر:”ئەوان لە دوایین هەڵبژاردندا لەسەر ئاستی عیراق، خاوەنی پلەی سێیەم بوون و 44 پەرلەمانتارییان هەیە، بەڵام بەهۆی هەژموونی هەردوو هاوپەیمانی سائیرون و فەتح و دەستگرتنیان بەسەر هەموو پۆستەكاندا، ئەوان لە حكومەتدا هیچ پۆستێكیان پێنەدراوە”.

هاوپەیمانی نەسر كە لە دوای هەڵبژاردنی ئایاری 2018 چەند جیابوونەوەیەكی بەسەردا هات، هیچ پۆستێكی حكومی پێنەبڕاوە، بەڵام بەپێی ئەو زانیارییانەی باس دەكرێن، حەیدەر عەبادی سەرۆكی هاوپەیمانییەكە ڕەنگە پۆستێكی گرنگ وەربگرێت و پێدەچێت ئەو پۆستەش، جێگری سەۆك كۆمار بێت.

عێراق

“پێویستە هەرێم ڕۆژانە 250 هەزار بەرمیل نەوت ڕادەستبكات”

خەڵك – بەشی هەواڵ

 

سەرۆك وەزیرانی عیراق، رایدەگەیێنێت، بەپێی یاسای بودجە پێویستە هەرێمی كوردستان ڕۆژانە 250 هەزار بەرمیل نەوت رادەستبكات.

لە كۆنفرانسی ڕۆژنامەوانی هەفتانەیدا، عادل عەبدولمەهدی، سەرۆك وەزیرانی عیراق، بە ڕۆژنامەوانانی ڕاگەیاند: بۆ چارەسەركردنی پرسە هەڵپەسێردراوەكانی نێوان حكومەتی عیراق و هەرێمی كوردستان كۆبوونەوەی بەردەوام ئەنجام دەدەین.

وتیشی “بەپێی یاسای بودجە، پێویستە هەرێمی كوردستان ڕۆژانە 250 هەزار بەرمیل نەوت رادەستبكات”.

ئەم قسانەی عادل عەبدولمەهدی لە كاتێكدایە، پێشتر، نێچیرڤان بارزانی، سەرۆكی هەرێمی كوردستان لە میانی سەردانی بۆ بەغدا ڕایگەیاندبوو ” ئێمە هیچ كێشەمان لەسەر ئەوە نییە 250 هەزار بەرمیل نەوت ڕۆژانە بدەینە بەغدا، بەڵام پێش ئەوەی ئەو كارە بكەین، دەبێت دابنیشین و كۆبوونەوە بكەین”.

سەرۆكی هەرێم ئەوەشی وتبوو:”مەسەلەكە هەر ئەوە نییە ئێمە 250 هەزار بەرمیل رادەستبكەین، ئەوە پرسێكی یاسایی هەیە، كە لە ئەنجامی بڕینی بەشەبودجەی هەرێمی كوردستان لە ساڵی 2014دا گەلێك قەرز لەسەر هەرێمی كوردستان كەڵەكە بووە، لەمبارەیەوە دەبێت كارێك بكەین، هەم بۆ هەرێمی كوردستان و هەمیش بۆ بەغدا جێگەی رەزامەندی بێت”.

بەردەوام بە لە خوێندنەوە

عێراق

عیراق ئاماری سووتانی دەغڵودانی جوتیاران ڕادەگەیەنێت

خەڵك- بەشی هەواڵ
عیراق ئاماری سوتانی دەغڵودانی جوتیاران لە پارێزگەكانی عیراق لەم ماوەیەی دواییدا ڕادەگەیەنێت و زیانەكان دەخاتەڕوو.

ئەمڕۆ سێ‌ شەممە، بەڕێوەبەرایەتی بەرگری شارستانی عیراق لە بەیاننامەیەكدا ڕایگەیاندووە، ” لە سەرەتای مانگی ئایارەوە، نزیكەی 330 ڕووداوی ئاگركەوتنەوە لە عیراق تۆماركراون، زیاتر لە 54 هەزار و 380 دۆنم دەغڵودانیش سووتاون، زۆرترین ڕووداوی ئاگركەوتنەوەش لە پارێزگاكانی سەڵاحەدین و موسڵ و كەركوك بووە”.

دەشڵێت: “لە سەرەتای مانگی ئایارەوە تا 24 ی حوزەیران، 328 ڕووداوی ئاگركەوتنەوە لە تەواوی عیراق تۆماركراوە، زۆرترین ڕووداوی ئاگركەوتنەوەش لە پارێزگای سەڵاحەدین بووە، كە 102 ڕووداو بوو، دواتر پارێزگای موسڵ، كە 77 ڕووداوی ئاگركەوتنەوە ڕوویداوە، پارێزگای كەركوك-یش بە 69 ڕووداو لە پلەی سێیەمدایە”.

بەپێی بەیاننامەكەی بەرگری شارستانی عیراق، “لە كۆی ڕووداوەكانی ئاگركەوتنەوە، زیاتر لە 54 هەزار و 380 دۆنم دەغڵودانی جوتیاران سووتاون”.

لەم ماوەیەی دواییدا ئاگركەوتنەوە لە دەغڵودانی هاووڵاتیان لە زۆربەی پارێزگاكانی عیراقدا وەك دیاردەیەكی زەق هاتەئارا و بەپێی لێدوانێكی پێشووی ئەندامێكی ئەنجوومەنی پارێزگای كەركوكیش بۆ (خەڵك)، “گومانی زۆر هەیە، دیاردەكە دەستی دەرەكی لە پشتەوەبێت”.

بەردەوام بە لە خوێندنەوە

عێراق

بەوێنە؛ تێرێزا مەی پێشوازی لە بەرهەم ساڵح دەكات

خەڵك- بەشی هەواڵ
تێرێزا مەی، سەرۆك وەزیرانی بەریتانیا لە لەندەن پێشوازی لە بەرهەم ساڵح، سەرۆك كۆماری عیراق دەكات.

بەرهەم ساڵح سەرۆك كۆماری عیراق، ئەمڕۆر سێ‌ شەممە، بەسەردانێك كە سێ‌ ڕۆژ دەخایەنێت، گەیشتە بەریتانیا.

واچاوەڕوان دەكرێت لەو سەردانەدا، سەرۆك كۆماری عیراق لەگەڵ سەرۆك وەزیرانی بەریتانیا و وەزیری دەرەوە و سەرۆكی ئەنجوومەنی لۆرداتی وڵاتەكە كۆببێتەوە، وێڕای چاوپێكەوتنی لەگەڵ گەورە بەرپرسانی تری بەریتانیا.

پێشتر لە ڕاگەیەندراوێكدا، كە وێنەی درابوو بە (خەڵك) نووسینگەی سەرۆكایەتی كۆماری عیراق ئاشكرای كردبوو، كە بەرهەم ساڵح، سەرۆك كۆماری عیراق بە سەردانێكی فەرمی بەرەو بەریتانیا بەڕێكەوتووە.

 

بەردەوام بە لە خوێندنەوە

کوردستان