ئێمە لە تۆرە کۆمەڵایەتیەکان

کوردستان

31 ساڵ بەسەر كیمیابارانكردنی تێپەڕ دەبێت
پارێزگاری هەڵەبجە ڕەخنە لە حكومەتی عیراق و هەرێم دەگرێت

خەڵك-بەشی هەواڵ

ئەمڕۆ شەممە 31 ساڵ بەسەر كیمیابارانكردنی هەڵەبجەدا تێپەڕ دەبێت لەلایەن ڕژێمی پێشووی بەعسەوە، كە بەهۆیەوە 5000 شەهید و برینداربوونی هەزاران هاووڵاتی سڤیلی ئەو هەڵەبجە و ناوچەكانی دەوروبەری لێكەوتەوە و هاووڵاتیانی ئەو شارەش تا ئێستا گلەیی لەوە دەكەن كە حكومەتە یەكلەدوایەكەكانی عیراق و هەرێمی كوردستان لە ئاست پێویستدا خزمەتی شارەكەیان نەكردووە.

ئازاد تۆفیق پارێزگاری هەڵەبجە ڕایگەیاند، عیراقی نوێ لەسەر بنچینەی بەرەنگاربوونەوەی چەكی كۆمەڵكوژی دروست بووە و هەڵەبجەش بە نمونەی قوربانی ئەو چەكە كۆمەڵكوژیانەی سەدام حسێن و ڕژێمەكەی دەهێنرێتەوە.

وتیشی”پێویستە حكومەتی هەرێمی كوردستان و حكومەتی ناوەندی و كۆمەڵگەی نێودەوڵەتیش بایەخێكی زیاتر بە هەڵەبجە بدەن”.

ئاماژەی بۆ ئەوەش كرد، پێنج ساڵە هەڵەبجە بووە بە پارێزگا و ئەم پارێزگایەش پێویستی بە پشتیوانی دارایی و لۆژیكی هەیە، بەڵام لە چوار ساڵی ڕابردوودا هەم بودجە و موچە لە دەوڵەتی عیراقی فیدڕاڵ بۆ هەرێمی كوردستان بڕدرا و هەم نرخی نەوت دابەزی هەم شەڕی وێرانكەری داعش ڕووبەڕووی میلەتەكەمان بۆوە، بەڵام خۆشبەختانە ئاسۆی تێپەڕاندنی قەیرانەكان دەركەوتوون و بە هیواین بتوانین ئاوەدانكردنەوەیەكی باش لە هەڵەبجەدا بكەین.

ئاشكراشیكرد، لە بودجەی ساڵی 2019 دا، هەڵەبجە بودجەی سەربەخۆی نییە و ئەمەش كێشەیەكی سەرەكییە و یاداشتێكیشمان داوە بە سەرۆك كۆمار و حكومەتی عیراقی كە چۆن لا لە ئەهوارەكان دەكەنەوە و مافی خۆیانە، چۆن لا لە نەجەف و كەربەلای پیرۆز دەكرێتەوە و ئەمەش مافی ئەو پارێزگایانەیە و بەهەمەمان شێوەش دەبێت لایەكیش لە هەڵەبجە بكەنەوە.

کوردستان

چوونی دژەتیرۆر بۆ باغۆز ئاشكراكرا
لاهور شێخ جەنگی؛ چەند زانیارییەك لەسەر پێشمەرگە دیلەكانی لای داعش ئاشكرادەكات

خەڵك – بەشی هەواڵ
بەرپرسی دەزگای پاراستن و زانیاری هەرێم/ زانیاری ڕایدەگەیەنێت، بەدواداچوونمان كردوە بۆ گەڕان بەدوای پێشمەرگە دیلەكانی دەستی داعش و دەشڵێت: “لە باغۆز سەرەداومان دەربارەی چارەنووسی پێشمەرگە دیلەكانی لای داعش دەست كەوتووە”.

لاهور شێخ جەنگی، بەرپرسی دەزگای پاراستن و زانیاری هەرێم/ زانیاری لە كاتی سەردانی بۆ نەخۆشخانەی بەخشین لە سلێمانی بە میدیاكانی ڕاگەیاند، دژەتیرۆی یەكێتی هەر بۆ شەڕ نەچۆتە باغۆز، بەڵكو هەندێك زانیاری هەبووە لەسەر ئەو كەسانەی، كە سەرپەرشتی دەستگیركردنی پێشمەرگە دیلەكانی دەستی داعش-یان كردووە.

وتیشی، “هەندێك لەو كەسانە دەستگیركراون، بەداواچوون بۆ ئەو پێشمەرگە دیلانەی دەستی داعش دەكرێت، كە لە ڕابردوودا لەشەڕەكاندا بەدیلی دەست تیرۆرستانی داعش كەوتوون”.

ڕاشیگەیاند، لەماوەی ڕابردوودا زۆر بەدواداچوونمان بۆ ئەو پرسە كردووە، لە ئێستادا هەندێك سەرەداومان دەست كەوتووە و بەردەوام دەبین بۆ بە دیاركەوتنی چارەنووسی ئەو پێشمەرگە دیلانە.

بەردەوام بە لە خوێندنەوە

کوردستان

نەوەی نوێ‌ پشكەكانی لە كۆمەڵ وەردەگرێتەوە

خەڵك – ئارام سەردار
دوای نیوەڕۆی ئەمڕۆ دوو شەممە ۱۸ی ئاداری ۲۰۱۹ سەرۆكی فڕاكسیۆنەكان لەگەڵ دەستەی سەرۆكایەتی پەڕلەمان كۆبوونەوە بۆ ئەوەی ڕێككەوتن بكەن لەسەر سەرۆكایەتی لیژنەكان و فراكسیۆنی نەوەی نوێ‌-ش داوای پشكی لە لیژنەكان دەكات.

بەپێی زانیارییەكانی (خەڵك) لە ئێستادا سەرۆكی فڕاكسیۆنەكانی كۆمەڵ و گۆڕان و پارتی و یەكێتی لەگەڵ دەستەی سەرۆكایەتی پەڕلەمان لە كۆبوونەوەدا بۆ ئەوەی ڕێككەوتن بكەن لەسەر سەرۆكایەتی لیژنەكان و فڕاكسیۆنی نەوەی نوێ دوای ئەوەی لەكۆبوونەوەی یەكەم پشكەكانی خۆی دا بە كۆمەڵ، بایكۆتی كۆبوونەوەكانیشی كرد، بەڵام ئێستا گەڕاونەتەوە بۆ كۆبوونەوەكە.

هەر بەپێی زانیارییەكان، فڕاكسیۆنی نەوەی نوێ بۆ داواكردنەوەی پشكەكانی خۆی لەسەرۆكایەتی لیژنەكان گەڕاوەتەوە كۆبوونەوەكە.

(خەڵك) بۆ وەرگرتنی زانیاری زیاتر پەیوەندی بە كاوە محەمەد، جێگری سەرۆكی فڕاكسیۆنی نەوەی نوێ كرد، بەڵام وەڵامی پەیوەندییەكەی نەدایەوە.

دوێنێ‌ یەك شەممە، كازم فاروق، سەرۆكی فراكسیۆنی نەوەی نوێ‌ لە كۆنفرانسێكی ڕۆژنامەوانیدا ڕایگەیاند، بەهۆی ناڕەزایەتی لەسەر دابەشكردنی سەرۆكایەتی لیژنەكان پشكەكانی خۆی داوە بە یەكگرتوو و كۆمەڵ، بەڵام یەكگرتوو ڕازی نەبووە و كۆمەڵ پشكەكانی وەرگرتوون.

سۆران عومەر، ئەندامی پەڕلەمانی كوردستان لە فراكسیۆنی كۆمەڵ لە كۆنفرانسێكی ڕۆژنامەوانیدا ڕایگەیاند، كە پشكەكانی نەوەی نوێ‌-مان وەرگرتووە و هەر كات داوایان كردەوە پێیان دەدەینەوە.

بەردەوام بە لە خوێندنەوە

کوردستان

ئاسایشی سلێمانی “بكوژی شوانێكی عەرەب” دەستگیر دەكات

خەڵك – بەشی هەواڵ
بەڕێوەبەرایەتی ئاسایشی ڕۆژئاوای سلێمانى ڕایدەگەیەنێت، كەسیكیان بەتۆمەتی كوشتنی هاوڵاتییەكی عەرەب و برینداركردنی یەكێكی دیكە لەناوچەی قادر كەرەم دەستگیركردووە، دەشڵێت: “لە ئێستادا تۆمەتبارەكە بە‌پێی مادە‌ی ٤٠٦ لە‌یاسای سزادانی عێراقی بە‌ندە‌ و چاوە‌ڕوانی دادوە‌رن بۆ چە‌سپاندی یاسا بە‌سە‌ر تۆمە‌تباردا”.

بەڕێوەبەرایەتی ئاسایشی ڕۆژئاوای سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، شەوی 16 لەسەر 17ی ئەم مانگە كە‌سێك بە‌ناوی (ھ.ھ.ج.) لە‌ گوندی گۆڵباخ-ی ناوچەی قادركە‌رە‌م تە‌قە لە‌دوو هاوڵاتی بە‌ڕە‌گە‌ز عە‌رە‌ب، كە‌ پیشە‌یان شوانییە‌ دە‌كات و یەكێكیان بریندار دە‌كات و ئە‌وی دیكەیان گیان لە‌دە‌ست دەدات.

ڕاشیگەیاندووە، ئەمڕۆ پاش هەوڵ و ماندوبوونێكی زۆر هێزەكانیان توانیویانە ئەو تۆمەتبارە دەستگیر بكەن، لە‌ئێستادا ناوبراو بە‌پێی مادە‌ی ٤٠٦ لە‌یاسای سزادانی عیراقی بە‌ندە‌ و چاوە‌ڕوانی دادوە‌رن بۆ چە‌سپاندی یاسا بە‌سە‌ر تۆمە‌تباردا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 62
    62 86%
    62 - 86% هەموو دەنگەکان
  • وه‌زارەتی دارایی و ئابووری 10%, 7
    7 10%
    7 - 10% هەموو دەنگەکان
  • وه‌زارەتی بازرگانی و پیشه‌سازی 4%, 3
    3 4%
    3 - 4% هەموو دەنگەکان

کوردستان