ئێمە لە تۆرە کۆمەڵایەتیەکان

عێراق

گۆڕە بەكۆمەڵەكان هەڵدەدرێنەوە
حەشدی شەعبی ڕێوشوێنە ئەمنییەكانی لە شنگال توند دەكات

خەڵك- بەشی هەواڵ
هێزەكانی حەشدی شەعبی، ڕێوشوێنە ئەمنییەكانیان بۆ پارێزگاریی لە بەڕێوەچوونی مەراسیمی هەڵدانەوەی ئەو گۆڕە بەكۆمەڵانە توند كەنەوە كە ڕوفاتی ئێزدییەكانیان تێدایە لە قەزای شنگال.

بەپێی بەیاننامەیەك كە ئەمڕۆ هەینی لە ماڵپەڕی حەشدی شەعبی بڵاوكراوەتەوە”فەرماندەی ئۆپەراسیۆنەكانی حەشد لە نەینەوا و لیواكانی (29 و 33)، دەستییان كردووە بە بڵاوبوونەوە، بۆ پارێزگاریكردن لەو ڕێگەیەی لێوەی وەفدەكان دێنە گوندی كۆجۆ لە قەزای شنگال، لەپێناو ئامادەبوون لە مەراسیمی هەڵدانەوەی گۆڕە بەكۆمەڵەكانی ئێزدیان”.

هەر لە بەیاننامەكەدا هاتووە”ئەو پلانەی لەلایەن حەشدی شەعبییەوە دانراوە و لێوەی ڕێوشوێنە ئەمنییەكان لە شنگال توندكراون، بۆ پارێزگاریكردنە لەو رێگەیەی لێوەی سەردانكەران دێنە نێو گوندی كۆجۆ”.

لە مانگەكانی حوزەیران و تەمموز و ئابی 2014، چەكدارانی ڕێكخراوی داعش دەستییان گرت بەسەر شاری موسڵ سەنتەری پارێزگای نەینەوا و ناوچەكانی تری دەشتایی نەینەوا، لە پاش كۆنترۆڵكردنی قەزای شنگالیش لەلایەن چەكدارانی ڕێكخراوەكە، زۆرێك لە پیاوان و منداڵانی ئێزدی دانیشتووی ناوچەكە، بەدەستی چەكدارانی داعش كوژران و تەرمەكانیان خرانە نێو گۆڕە بەكۆمەڵەكانەوە، كچان و ژنانی ئێزدیش لەلایەن رێكخراوەكەوە وەك سەبایا دەستبەسەركران و دواتر لە بازاڕەكانی موسڵ و ڕەقەی سوریا، وەك كۆیلە كڕین و فرۆشتیان پێوەدەكرا.

عێراق

عیراق دەربارەی كارتی نیشتیمانی هۆشداری دەدات

خەڵك- بەشی هەواڵ
بەڕێوەبەرایەتی گشتی ڕەگەزنامەی عیراق دەربارەی پابەند نەبوون بە بەكارهێنانی كارتی نیشتیمانی لە مامەڵە فەرمییەكان هۆشداری دەدات و ڕایدەگەیەنێت، كە ئەو كارتە بە فەرمانی سەرۆكایەتی ئەنجوومەنی وەزیران دەركراوە.

عەمید سەرمەد حەسەن كازم، بەڕێوەبەری بەشی وردبینی ناوەندی لە بەڕێوەبەرایەتی گشتی ڕەگەزنامەی عیراق لە كۆنفرانسێكی ڕۆژنامەوانیدا ئاماژەی بەوەكرد، كە هۆی ئەوەی هەندێك لە فەرمانگەكان پشت نابەستن بە بەكارهێنانی كارتی نیشتیمانی بۆ ڕایی كردنی مامەڵەی هاووڵاتیان ئەوەیە، كە بنكەی زانیارییەكانی كارتی نیشتیمانی تەواو نەبووە.

جەختیشی كردەوە، كە دەبێت هەمووان پابەند بن بە كارتی نیشتیمانییەوە، چونكە بە فەرمانی سەرۆكایەتی ئەنجوومەنی وەزیران دەركراوە.

عەمید سەرمەد ڕاشیگەیاند، كە لێپرسینەوە لە هەر لایەنێك دەكەن، كە پابەند نابێت بە كارتی نیشتیمانی یەكگرتوو دوای تەواوكردنی سەرجەم زانیارییەكان.

هەندێك لە فەرمانگەكانی دەوڵەت لە ئێستادا پشت نابەستن بە كارتی نیشتیمانیی یەكگرتووی عیراق لە ڕایی كردنی مامەڵەی هاووڵاتیان و تەنها كار بە ڕەگەزنامە و پێناسی باری شارستانی دەكەن، كە ئەوانەش دوای وەرگرتنی كارتی نیشتیمانی نامێنن و لە هاووڵاتیان وەردەگیرێنەوە.

بەردەوام بە لە خوێندنەوە

عێراق

میسڕ توشبوانی عیراقی بە ڤایرۆسی جگەر چارەسەر دەكات

خەڵك- بەشی هەواڵ
باڵێوزخانەی عیراق لە قاهیرە، خۆشحاڵی خۆی بەرانبەر بە دەستپێشخەرییەكی عەبدولفەتاح سیسی، سەرۆكی میسڕ دەردەبڕێت بۆ نەهێشتنی نەخۆشی (ڤایرۆسی C )ی هەوكردنی جگەر، بۆ ڕەوەندە عەرەبییەكان بە گشتی و ڕەوەندی عیراقی بەشێوەیەكی تایبەت.

باڵێوزخانەی عیراق لە قاهیرە، لە بەیاننامەیەكدا لەو بارەیەوە ڕایگەیاندووە، “دەستپێشخەرییەكەی سەرۆك سیسی بۆ نەهێشتنی (ڤایرۆسی C) بۆ ملیۆنێك ئەفریقی و دەستپێمردنی هەڵمەتێكی نوێ‌ لەپێناو نەهێشتنی (ڤایرۆسی C ) بۆ ڕەوەندی عەرەبییەكان، ئاماژەیە بە ڕۆڵی گەورەی كۆماری میسڕ لە چاودێریكردنی برایانی، لەڕێی ئاسانكاری بۆیان و چارەسەكردنی ئەو كێشە و گیروگرفتانەی ڕووبەڕوویان دەبێتەوە”.

خۆشحاڵی خۆشی بەرانبەر بە دەستپێخەرییەكەی سەرۆكی میسڕ بۆ چارەسەكردنی توشبوانی عیراقی بە (ڤایرۆسی C ) دەربڕیبوو.

بەردەوام بە لە خوێندنەوە

عێراق

پاڵاوگەی بێجی دوای 5 ساڵ دەخرێتەوەگەڕ

خەڵك- بەشی هەواڵ
وەزارەتی نەوتی عیراق ڕایدەگەیەنێت، پاڵاوگەی بێجی دەستدەكاتەوە بە بەرهەمهێنانی مادەی بەنزین و ڕۆژانە ملیۆنێك و 300 هەزار لیتر بەرهەم دەهێنێت، ئاماژە بەو هەوڵانەش دەكات، كە دەخرێنەگەڕ بۆ زیادكردنی توانای پاڵاوتن تا ڕۆژانە بگاتە 70 هەزار بەرمیل.

حامید زەوبەعی، بریكاری وەزارەتی نەوت بۆ كاروباری پاڵاوگەكان لە لێدوانێكی ڕۆژنامەوانیدا ڕایگەیاندووە، “وەزارەتی نەوت پێداگرە لەسەر بەرزكردنەوەی توانای بەرهەمهێنانی پالاوگەكان لە هەموو ناوچەكانی وڵات، بەجۆرێك پێداویستییەكانی ناوخۆ پڕبكاتەوە و یەكەی نوێش بۆ باشكردنی جۆری بەنزین و سوتەمەنییەكانی تر زیادبكرێت و كاری زیاتركردنی توانای پاڵاوتن و جێبەجێكردنی ژمارەی پڕۆژە ستراتیژییەكان بكات”.

بە وتەی زەوبەعی، “توانای پاڵاوتنی پاڵاوگەی بێجی، لەئێستادا بە 45 هەزار بەرمیل لە ڕۆژێكدا مەزەندە دەكرێت، فەرمانبەرانی تەكنیكی و ئەندازیاری لە پاڵاوگەكە كار بۆ زیاتركردنی توانای پاڵاوتنی پاڵاوگەكە دەكەن”، پێشبینیشی كردووە “توانای پاڵاوتنی ڕۆژانە بگاتە 70 هەزار بەرمیل، كە ڕێخۆشكەر دەبێت بۆ بەرهەمهێنانی نزیكەی ملیۆنێك و 300 هەزار لیتر بەنزین لە ڕۆژێكدا، ئەمەش دەبێتە مایەی كەمكردنەوەیەكی زۆر لەبڕی هاودەكردنی ئەو مادەیە لە دەرەوەی وڵات”.

ئەو بەرپرسەی وەزارەتی نەوتی عیراق دەڵێت: “پڕۆسەكانی نۆژەنكردنەوەی پاڵاوگەی بێجی، لەڕێی فەرمانبەرانی تەكنیكی عیراقییەوە بووە، لە چەند رۆژی داهاتووشدا بەگەڕخستنەوەی پاڵاوگەی (سەڵاحەدین 1)یش بەئەنجام دەگات و دواتر دەست دەكرێت بە نۆژەنكردنەوەی پاڵاوگەی (سەڵاحەدین 2)، تا بە تەواوەتی پاڵاوگەكە نۆژەن دەكرێتەوە و توانای بەرهەمهێنانی پێشووی دەگەڕێتەوە بۆ 140 هەزار بەرمیل لەڕۆژێكدا، ئەمەش لەكاتێكدا كە چەكدارانی تیرۆریستی داعش كاریان بۆ تەواو خاپوركردنی پاڵاوگەكە كردبوو، بەڵام لەڕێی كارمەندانی وەزارەتی نەوتەوە، توانرا لەماوەیەكی پێوانەییدا خرایەوەگەڕ”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 62
    62 86%
    62 - 86% هەموو دەنگەکان
  • وه‌زارەتی دارایی و ئابووری 10%, 7
    7 10%
    7 - 10% هەموو دەنگەکان
  • وه‌زارەتی بازرگانی و پیشه‌سازی 4%, 3
    3 4%
    3 - 4% هەموو دەنگەکان

کوردستان