ئێمە لە تۆرە کۆمەڵایەتیەکان

عێراق

داوای لێكۆڵینەوە دەكات
هاوپەیمانییەكەی عەبادی: گومانمان هەیە لە ڕووداوی گیانلەستدانی سەرۆكی دەستەی نەزاهە

خەڵك- بەشی هەواڵ
هاوپەیمانی نەسر كە لەلایەن حەیدەر عەبادی سەرۆك وەزیرانی پێشووەوە سەركردایەتی دەكرێت، گومانی خۆی دەخاتەڕوو بەرانبەر بە ڕووداوی گیانلەدەستدانی دادوەر عیزەت تۆفیق سەرۆكی دەستەی نەزاهە،  داوای لێكۆڵینەوەیەكی ئەمنی و پیشەوەریيش دەكات لە ڕووداوەكەدا.

ئەمڕۆ هەینی، عەلی سنەید، سەركردە لە هاوپەیمانی نەسر، لە لێدوانێكی ڕۆژنامەوانیدا ڕایگەیاندووە”پێویستە حكومەتی عیراق و دەزگا ئەمنییەكان، لێكۆڵینەوەیەكی ئەمنی فراوان و پیشەوەری سەبارەت بەو ڕووداوە هاتووچۆیە ئەنجام بدەن كە تێیدا سەرۆكی دەستەی نەزاهە لە دهۆك گیانی لەدەستدا”.

بە وتەی سنەید”بەدوورنازانرێت ڕووداوەكە ڕێكخراوبێت بۆ كوشتن و گیانلەدەستدانی سەرۆكی دەستەی نەزاهە لەپێناو ڕێگرتن لە ئاشكراكردنی دۆسێكانی گەندەڵی”، بەدووریشی نازانێت گەندەڵكاران دەستییان لە ڕووداوەكەدا هەبوبێت بۆ كوشتنی دادوەر عیزەت تۆفیق و بەپێویستی دەزانێت ئەوە لەڕێی لێكۆڵینەوە ئەمنییە پیشەوەرییەكانەوە ئاشكرا بكرێت.

دەستەی نەزاهە لە تەمموزی 2018 فەرمانێكی فەرمی دەركرد و لێوەی عیزەت تۆفیق جەعفەری بە سەرۆكی دەستەی نەزاهە دەستنیشان كرد.

بەرلەوەش، لە ساڵی 2009 عیزەت تۆفیق جێگری سەرۆكی دەستەی نەزاهە بووە، و لە ساڵی 2011شدا بە ڕاپەڕاندنی ئەركەكانی سەرۆكی دەستەكە بە وەكالەت ڕسپێردراوە.

دادوەر عیزەت تۆفیق جەعفەر، لە دایكبووی ساڵی 1970 بوو، هاوسەرگريی كردووە و شەش منداڵی هەیە.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان