ئێمە لە تۆرە کۆمەڵایەتیەکان

عێراق

بێژەری كەناڵێكی بەناوبانگی ئەمریكا سوكایەتی بە گەلی عیراق دەكات

خەڵك- بەشی هەواڵ
بێژەرێكی كەناڵی (فۆكس نیوز)ی ئەمریكايی لە یەكێك لە بەرنامەكانیدا سوكایەتی بە عیراق و عیراقییەكان دەكات.

دامەزراوەی ‘Media Matters’ی ئەمریكايی چەند دیمەنێكی ڤیدیۆیی بڵاوكردۆتەوە كە تێیدا (تاكەر كارڵسۆن) بێژەری كەناڵی (فۆكس نیوز) دەردەكەوێت و بە گوزارشتێكی نەشیاو قسە لەسەر توێژە جیاجیاكانی كۆمەڵگەی عیراقی دەكات.

مێژووی ئەو تۆمارانە بۆ ساڵی 2008 دەگەڕێنەوە كە تێیاندا، عیراق بە شوێنێكی بۆگەن و پر لە مەیمونی سەرەتایی و نیمچە نەخوێندەوار وەسف دەكات، بۆیە بە وتەی ئەو، “وڵاتێكی وەها شیاوی ئەوە نەبوو لەلایەن ئەمریكاوە داگیر بكرێت”.

هەر لەو تۆمارانەدا هاتووە”هیچ سۆزێكم بۆ عیراقییەكان نییە، چونكە ئەوان لەكاتی چوونە سەرئاو، كلێنكس بەكارناهێنن، و خواردن بە شوكڵاتەوە دەخۆن، بۆیە دەبێت بێدەنگبن و گوێڕایەڵبن، تەنیا بە یەك شێوە عیراق ڕزگار دەكرێت، ئەویش ئەوەیە كە دەبێت عیراقییەكان وەك مرۆڤ هەڵسوكەوت بكەن”.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان