ئێمە لە تۆرە کۆمەڵایەتیەکان

عێراق

عادل عەبدولمەهدی یەكەم سەردانی بۆ  سعودیە ئەنجام دەدات 

خەڵك – بەشی هەواڵ
دوای بوونی بە سەرۆكوەزیرانی عیراق عادل عەبدولمەهدی بەمەبەستی بەهێزكردنی پەیوەندییەكان و واژۆكردنی ژمارەیەك ڕێككەوتن لە بوارەكانی بازرگانی و وەبەرهێنان بەم نزیكانە سەردانی سعودیە دەكات.

نوسینگەی ڕۆژنامەوانی سەرۆك وەزیرانی عیراق لە ڕاگەیەندراوێكدا ڕایگەیاندووە، عادل عەبدولمەهدی، سەرۆكوەزیرانی عیراق ئەمڕۆ پێنجشەممە 14ی ئازار لەگەڵ ماجد قەسەبی وەزیری وەبەرهێنان و بازرگانی سعودیە و شاندی یاوەری كۆبوەوە.

ڕاشیگەیاندووە، لە كۆبونەوەكەدا تاوتوێی پەیوەندییە دوو قۆڵییەكانی هەردوو وڵات و گرنگی رێككەوتنی هاوبەش لە پێناو بەرژەوەندی هەردوولا و گەشەپێدان و سەقامگیری و ئاسایشی عیراق كراوە.

ئاماژە بۆ ئەوەشكراوە، وەزیری وەبەرهێنان و بازرگانی سعودیە ئامادەیی وڵاتەكەی دەربڕیوە بۆ ئەوەی رۆڵی لە سەرلەنوێ ئاوەدانكردنەوە عیراق و پشتگیریكردنی لە بوارەكانی ئابووری، نەوت و كارەبا هەبێت.

ئاشكراشیكردوە، سەرۆك وەزیرانی عیراق بڕیارە بەمەبەستی بەهێزكردنی پەیوەندییەكان و واژۆكردنی ژمارەیەك ڕێككەوتنە لە بوارەكانی بازرگانی و وەبەرهێنان بەم نزیكانە سەردانی وڵاتی سعودیە بكات .

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان