ئێمە لە تۆرە کۆمەڵایەتیەکان

عێراق

عیراق بۆ هەر خێزانێك پارچەك زەوی تەرخان دەكات

خەڵك – بەشی هەواڵ
ئەندامێكی كوردی پەرلەمانی عیراق ڕایدەگەیەنێت ، پرۆژە یاسایەكی گرنگ لە پەرلەمانی عیراق هەیە ، كە هەموو خێزانێكی عیراقی پارچە زەویەكی پێ بدرێـت و لەسەری تاپۆ بكرێت بۆ ئەوەی بیكاتە شوێنی نیشتەجێ بوون، دەشڵێت،” هەموو شارەوانیەكان ئاگاداركراون، كە سنوری زەوییەكانیان زیاد بكەن، بڕیارەكەش لەمساڵەوە جێ بەجێ‌ دەكرێت”.

غالب محەمەد ، ئەندامی كوردی پەرلەمانی عیراق لە پشكی گۆڕان بە (خەڵك) ی ڕاگەیاند، پرۆژە یاسایەكی گرنگ خراوەتە بەر باسكردن، كە هەموو خێزانێكی عیراقی پارچەیەك زەوی پێ بدرێت لەسەریان تاپۆ بكرێت، بۆ ئەوەی بیكەنە خانوو، بەڵام هێشتا ماوە لەسەر ئەوەی ئاخۆ ڕووبەری پێویست لە سەرجەم پارێزگاكان هەیە، بۆیە هەموو پارێزگاكانی عیراق ئاگاداركراونەتەوە، كە ڕاپۆرتی خۆیان بخەنەڕوو .

وتیشی ،”داوا كراوە لەسەر شارەوانی پارێزگا و شارۆچكە و ناحیەكان سنورەكانیان فراوان بكەن و زەوی پێویست تەرخان بكەن لە گەڵ ئەژماركردنی زەوییەكان بۆ ئەوەی بەم نزیكانە دەست بە جێ بەجێ‌ كردنی پرۆژەكە بكرێت”.

ڕاشیگەیاند، ئەم بڕیارە تەنها ئەو 15 پارێزگایە دەگرێتەوە، كە دەكەونە ژێر فەرمانی حكومەتی ناوەندی عیراق، هیچ كام لە شارەكانی هەرێم ناگرێتەوە، چونكە هەر بڕیارێكی لەو شێوەیە دەربچێت هەر چوار شارەكەی هەرێم ناگرێتەوە .

ئاشكراشكراشیكرد، بڕیارە ئەمساڵ ڕەشنوسی پرۆژەكە كە ( ناوی تەرخانكردنی پارچە زەوییە بۆ خێزانە عێراقییەكان) بچێتە بواری جێ بەجێ‌ كردنەوە .

بە پێی زانیارییەكان ، بەپێی رەشنوسی پرۆژەكە هەموو خێزانێكی عێراقی پارچە زەوییەكی نیشتەجێبوونی بۆ دابیندەكرێت لە ناوەندی پارێزگاكان ٢٠٠ مەتر زەوی و لە قەزاكان ٢٥٠ مەتر زەوی و لە ناحیەكانیش بۆ هەر خیزانێك ٣٠٠ مەتر تەرخانكراوە، بەپێی پرۆژە یاساكە رێگە نادرێت مامەڵە بەو زەوییانەوە بكرێت و خاوەندارێتییان بگوازرێتەوە تا ٢٠ ساڵ، هەروەها سندوقی نیشتەجێكردنیش پابەندكراوە قەرز بدات بە خاوەنی زەوییەكان تا بیكەن بەخانوو.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان