ئێمە لە تۆرە کۆمەڵایەتیەکان

عێراق

هەزار منداڵ لە عیراق جیهان نیگەران دەكەن

خەڵك- بەشی هەواڵ
ڕۆژنامەیەكی بەریتانی، باس لە دەستبەسەركردنی نزیكەی 1000 منداڵی چەكدارانی ڕێكخراوی داعش دەكات لە عیراق، كە بەپێی ڕۆژنامەكە، چارەنوسیان بۆتە مایەی نیگەرانی بۆ وڵاتانی جیهان.

ڕۆژنامەی (گاردیان)ی بەریتانی، لە ڕاپۆرتێكی ڕۆژنامەوانی كە لەلایەن مارتین شۆلۆڤەوە ئامادەكراوە لەژێر ناوی “هۆشدارییەكان سەبارەت بە چارەنوسی هەزاران منداڵی (داعش) لە ئۆردوگان و لە بارێكی خراپدا”بڵاوكردۆتەوە، و تێیدا نوسەر ئاماژە بەو نیگەرانییانە دەكات كە بەرانبەر بەو منداڵانە دروستبووە.

شۆلۆڤ دەڵێت”نزیكەی هەزار منداڵ كە باوكیان داعشبوون، یان پەیوەندییان بە ڕێكخراوەكەوە هەبووە، لە عیراق دەستبەسەرن، زۆرێك لەوانە وابەستەن بە دایكیان كە لەلایەن دادگاكانی عیراقەوە بەشێوەیەكی خێرا و بەبێ‌ گەڕانەوە بۆ بەڵگەكان، حوكمی لەسێدارەدانیان بەسەردا دراوە”.

هەر لە ڕاپۆرتەكەدا هاتووە”نزیكەی سێ‌ هەزار منداڵ لە نێو خێزانەكانی داعشدا لە ئۆردوگاكانی باكووری خۆرهەڵاتی سوریا لەدایكبوون، ئەمەش بەپێی ڕێكخراوی نەتەوە یەكگرتووەكان بۆ منداڵان (یۆنسێف)”، ئاماژەی بە تەمەنی زۆرینەی ئەو منداڵانەش كردووە كە لەنێوان “شەش ساڵاندان و لە بارێكی نابەباردا ژیان بەسەردەبەن”

نوسەری ڕاپۆرتەكە پێیوایە”چارەنوسی ئەو منداڵانە لە سوریا و عیراق، بۆتە كێشەیەكی نیگەرانبەخش بۆ ئەو وڵاتانەی هاوڵاتییەكانیان سەفەرییان كردبوو بۆ چوونە نێو ڕیزەكانی داعش”.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان