ئێمە لە تۆرە کۆمەڵایەتیەکان

هەواڵەکان

شوان عەتوف بەرهەمهێنانی فیلمە درێژەكەی تەواو كرد

خێزان

دەرهێنەر‌و ئەكتەری دیاری سینەمای كوردی شوان عەتوف، بەرهەمهێنانی فیلمە درێژەكەی تەواو كرد‌و لەئێستادا ئامادەكاری دەكرێت بۆ نمایشكردنی لەسینەماكانی كوردستان‌و عێراق.

شوان عەتوف دەرهێنەر‌و ئەكتەری دیاری سینەمای كوردی لەبارەی فیلمەكەوە وتی “فیلمی (پەیكەری دڵ) یەكەمین ئەزموونی بەرهەمهێنانی فیلمی درێژی منە‌و بەرهەمی كۆمپانیای كام پرۆدەكشن‌و میترۆنیۆم پڕۆدەكشنە”.

فیلمەكە لەسیناریۆ‌و دەرهێنانی شوان عەتوف‌و چیرۆكی عەبدولغەفار عەبدوڵا‌و سیناریۆی لوقمان سوخەندەرە‌و شوان عەتوف سیناریۆكەی داڕشتۆتەوە.

عەتوف روونیدەكاتەوە “فیلمەكە یەكەمین فیلمی میوزیكەڵی كوردییە‌و فیلمێكی رۆمانسی كۆمیدییە”.

وتیشی “قۆناغێكی نوێ دەبێت لە مێژووی سینەمای كوردی، بەهێز و تواناوە كارمان بۆ بەرهەمهێنانی ئەم فیلمە كردووە”.

شوان عەتوف ئاماژە بەوە دەكات “بەرهەمهێنانی فیلمەكەی تەواو بووە‌و لەكۆتایی مانگی نیسان‌و سەرەتای مانگی ئایاری ئەمساڵ لەسینەماكانی كوردستان‌و عێراق نمایش دەكرێت‌و پاشان فیلمەكە بۆ فێستیڤاڵە نێوخۆیی‌و نێودەوڵەتییەكان دەنێردرێت”.

راگەیاندنی بەرهەمەكانی دەرهێنەر‌و ئەكتەر شوان عەتوف

ریکلام

هەواڵەکان

ئەو فیلمەی هانی و کچەکەی بەشداری تێدا دەکەن باسی چی دەکات؟ دیمەنێک لە فیلمەکە ببینە!

خێزان

فیلمێکی نوێی سینەمایی لە هەرێمی کوردستان بەرهەم دەهێندرێت کە تێیدا هونەرمەندانی هەر چوار پارچەی کوردستان ڕۆڵی تێدادەبینن و هونەرمەند هانی پاڵەوانی فیلمەکەیە.

دەرهێنەری فیلمەکە ڕایگەیاندووە کە ”فیلمەکە بەناوی (باڵە تەڕەکانی پەپولە) یە کە توڕەج ئەسلانی کاری نوسین و دەرهێنانی بۆ کردووە و هونەرمەندانی هەر چوار پارچەی کوردستان ڕۆڵی تێدا دەبینن و هەر یەکە لە هونەرمەندان (شوان عەتوف و هانی موجتەهیدی) ڕۆڵی سەرەکیان هەیە.

ناوەڕۆکی فیلمەکە باس لە نەهامەتیەکانی نەوت دەکات کە سەرەڕای داهاتە زۆرەکەی بەڵام بۆتە جۆرێک لە بەڵا بۆ هەرێم.

هونەرمەند هانی کە یەکێکە لە ئەکتەرە سەرەکیەکانی فیلمەکە لە بارەی ڕۆڵی خۆی لەو فیلمەدا دەڵێت”رۆڵی خانمێک دەبینم کە ڕۆژهەڵاتییە و دەیەوێت ببێتە گۆرانی بێژ و قورسییەکانی ژیانی ژنان و خانمان لە کوردستان نیشان دەدات بە جۆرێک کە لە وڵاتێکی دەوڵەمەندایە بەڵام ژیانێکی پڕ لە نەهامەیتی هەیە و ناتوانیت خەونەکانی بەدی بهێنێت”

هانی وتوشیەتی”من و کچەکەم نارین بەشدارین لە فیلمی نوێی دەرهێنەر تورەجی ئەسڵانی سوپاسی هەموو ستافی فیلم یەک بە یەکیان ئەکەم  لەگەڵ تورەجی ئەزیز  کە ئەو چانسەی بەمن دا لەم تاقیکردنەوە گەورەیە بەشداربم, لەگەڵمان بن چاوەڕێی سوپرایزە گەورەکە بن”

فیلمی سینەمایی (باڵە تەرەکانی پەپولە) لە بەرهەمهێنانی کۆمپانیای میترۆنیۆم پرۆدەکشن و ماڵی سینەمایە و ئێستا لە قۆناغی وێنەگرتندایە.

 

 

دیمەنێک لە فیلمەکە کە لە کۆنسێرتێکی هونەرمەند هانی تەقینەوە ڕوودەدات

دیمەنێک لە فیلمی (باڵە تەرەکانی پەپولە) کە لە کۆنسێرتێکی هونەرمەند هانی تەقینەوە ڕوودەدات

دیمەنێک لە فیلمی (باڵە تەرەکانی پەپولە) کە لە کۆنسێرتێکی هونەرمەند هانی تەقینەوە ڕوودەدات

Posted by Xelk Xezan on Sunday, January 19, 2020

بەردەوام بە لە خوێندنەوە

هەواڵەکان

ناڵە سوپەر لەسەر ڤیدیۆکانی ئەم دوایەی هاتە دەنگ : کۆمێنتی بریندارکەر مەنووسن

خێزان

خانمە مۆدێل و پێشکەشکار ناڵە سوپەر  لە پاش بەشداریکردنی لە پرۆگرامی دوو بە دوو لە کەناڵی نێت تیڤی ڕونکردنەوەیەکی  ڤیدیۆی لە تۆڕی کۆمەڵایەتی سناپچات بڵاوکردەوە.

 

ناڵە سوپەر لە بارەی پرۆگرامەکەوە دەڵێت”بەشداریکردنم لەو پرۆگرامەدا شتێکی خۆش بووە و بۆ خۆشی بووە، بەداخەوە کاتێک ڤیدیۆیەکت بڵاودەبێتەوە خەڵک لە کۆمێنت هەزار و یەک قسەی ناشرین دەڵێن لەکاتێکدا گەر هەمان ئەو کەسانە ڕووبەڕوو بتبینن هیچکات ناتوانن ئەو قسانە بکەن و بڵێن”

ناڵە دەڵێت”داوا لە خەڵک دەکەم بەر لەوەی بڕیاربدات لە پشتی مۆبایلەکەیەوە کۆمێنتی بریندارکەر بنوسێت، دووجار بیر لەوە بکاتەوە کە ئەو نوسینەی ئەو چ کاریگەریەکی خراپ جێدەهێڵێت، لەکاتێکدا چینەکانی کۆمەڵگە جیاوازن و هەمووی وەک یەک بیر ناکاتەوە، بۆیە وابزانم کاریکی ئاسانە گەر لە جیاتی شەڕ ئاشتی نیشان بدەن”

بەردەوام بە لە خوێندنەوە

هەواڵەکان

پاش دوو ساڵ لە کۆچی دوایی … هەواڵ عوسمان نامەیەک بۆ پشتیوان بەدەویی دەنێرێت

خێزان

پاش دوو ساڵ لە کۆچی دوایی هونەرمەند (پشتیوان بەدەویی)، خانمە هونەرمەند  هەواڵ عوسمان نامەیەکی بۆ دەنێرێت.

هەواڵ عوسمان خانمە هونەرمەند  و هاوسەری هونەرمەند (پشتوان بەدەوی) لە نامەکەیدا دەنووسێت”دوای تۆ تەنیا مامەوە! ئازیزەکەم پشتیوان! تامەزرۆی دیدارتم، حەزەکەم سەرم بنێم بە دڵتەوە و گوێ بۆ ترپەکانی بگرم، وەکو گوڵێک کە لە گوڵشەن و بولبول دوورخرابێتەوە ئاوارە و وێڵم بۆت، هێندەی فرمێسکەکانم و هێندەی جوانیی پێکەنینەکانت بیرت دەکەم، بۆیە ناهەقم مەگرە کە دەڵێم تەنیا و بێکەست کردووم!! دیسانەوە!”

هەر لە نامەکەیدا بۆی نوسیوە”خەو لە چاوانم تۆرا، فرمێسک باری و ئاسمانم گریاند، دەربەدەر و بێڕۆح بووم، مامەوە خۆم و ماڵی چۆڵم و یادی تۆ، هەر ڕۆژێک بەبێ تۆ وەکو ساڵێکی نەهات لێم دەڕوات، ئاخر نازانم بۆچی ڕۆژە ناخۆشەکان هێندە درێژن و شەوگارە تەنیاییەکانم هەمووی دەیجورن؟؟؟ هێندەی دووریت ئازار دەچێژم تاقانەکەم، دەمەوێت هەناسەکانم بیت تاکو ژین لە جەستەمدا بێت ژینی من بیت!! تەنانەت ڕۆژێک نییە بۆت نەگریابم، خەڵکی ساڵی جارێک یادی ئازیزانیان دەکەنەوە بەڵام من هەموو ڕۆژێک یادت دەکەمەوە!! تەنانەت ساتێکم نییە بەبێ یادی تۆ، تۆ تەنها بە جەستە لێم دووریت ئەگینا ئاوێتە و ئاوێزانی ڕۆحمیت، هەمیشە دەستلەملانی گیانمیت و بۆنت لەگەڵ هەناسەکانمایە ئەی بۆنخۆشترین کەسم!! ئێستاش هەر وەک جاران خۆشم دەوێیت جانی جانان!! هەواڵەکەی خۆت.”

 

پشتیوان نوری بەدەوی لە ١٢ – ١٠ – ١٩٧٧ لە شاری سلێمانی لەدایک بووە و لە ساڵی ١٩٩٣ چۆتە پەیمانگای هونەرە جوانەکان لە شاری سلێمانیی و ژیانی هونەری لەوێوە دەستی پێکردووە.

 

پشتیوان بەدەوی بە منداڵی (لای چەپ) – ١٩٨٣

 

پشتیوان بەدەوی  دوو ساڵ لەمەوبەر و لە ساڵی ٢٠١٨  پاش ئەوەی لە سەر کارەکەی لە مۆبیلیاتی Oznil  لە شاری سلێمانی دۆخی تەندروستی تێکدەچێت و هەست بە ئازاری سەر سنگ دەکات،  بۆخۆی دەچێتە نەخۆشخانەی بوژانەوەی دڵ لە شاری سلێمانی، بەڵام دواتر دەردەکەوێت کە سەکتەی دڵ لێی داوە و ، بەهۆی سەکتەکەوە لە تەمەنی ٤٠ ساڵیدا لە هەمان نەخۆشخانە گیان لەدەستدەدات.

پشتیوان بەدەوی بەهۆی بەشداریکردنی لە درامای گەردەلول کە ڕۆڵی (ڕزگار)ی دەبینی ناوبانگێکی زۆری پەیداکرد، پێشتریش لە چەندین شانۆگەری و فیلم و درامادا بەشداری کردووە.

پشتیوان بەدەوی لە ساڵی ١٩٩٥ لەگەڵ خاتوونی هونەرمەند هەواڵ عوسمان (٤٠ ساڵ) ژیانی هاوسەرگیری پێکهێناوە و خاوەنی دوو کچن بەناوەکانی کانی و لانی، باوکی پشتیوان (نوری بەدەوی) کەسایەتیەکی ناسراوی شاری سلێمانییە و لە ساڵی ٢٠١٠ کۆچی دوایی کردووە.

بەردەوام بە لە خوێندنەوە

کوردستان