ئێمە لە تۆرە کۆمەڵایەتیەکان

هەواڵەکان

جوبرائیل فیلمە كوردییەكان دەگەیەنێتە ئیتاڵیا

خێزان

هونەرمەندی سینەماكار‌و دەرهێنەری كورد جوبرائیل ئەبوبەكر دەبێتە نوێنەری رۆژهەڵاتی ناوەڕاستی فێستیڤاڵێكی سینەمایی نێودەوڵەتی‌و لەو رێگەیەوە فیلمە كوردییەكان دەگەیەنێتە وڵاتی ئیتاڵیا.

دەرهێنەر جوبرائیل ئەبوبەكر لەبارەی نوێنەرایەتیكردنی ئەو فێستیڤاڵە، رایگەیاند “بەشێوەیەكی فەرمی لەلایەن فێستیڤاڵی كلات نیسای سینەمایی كە لەوڵاتی ئیتاڵیا ئەنجام دەدرێت، وەك نوێنەری رۆژهەڵاتی ناوەڕاستی فێستیڤاڵەكە دەستنیشان كراووم”.

وتیشی “فیلمەكانی رۆژهەڵاتی ناوەڕاست‌و هەرێمی كوردستان لەرێگەی منەوە دەنێردرێت بۆ ئەو فێستیڤاڵە كە لەبواری سینەمای جیهانیدا خاوەن پێگەیەكی باشە”.

جوبرائیل ئەبوبەكر داوای لەدەرهێنەرانی سینەمایی لە رۆژهەڵاتی ناوەڕاست بەگشتی‌و هەرێمی كوردستان كرد ئەوانەی كە خوازیارن فیلمەكانیان لەو فێستیڤاڵەدا بەشداری بكات، پەیوەندی پێوە بكەن‌و فیلمەكان بنێرن تا هەلی بەشداریكردنیان لەو فێستیڤاڵەدا بۆ بڕەخسێنرێت.

جێی باسە ساڵی پار‌و لە 26ی ئایاری 2018دا فیلمێكی دەرهێنەر جوبرائیل ئەبوبەكر بەناوی (ئەیلان) بەشداری خولی ئەو ساڵەی فێستیڤاڵەكەی كرد‌و لەكۆتایی فێستیڤاڵەكەدا خەڵاتی باشترین فیلمی پێبەخشرا.

فیلمی (ئەیلان) بەسپۆنسەری زانكۆی نۆلج بەرهەمهێنراوە و لەنێو 437 فیلم كە بەنوێنەرایەتی 60 وڵاتی جیهان كە بەشداریی فێستیڤاڵەكەیان كردبوو خەڵاتی باشترین فیلمی پێبەخشرا.

چیرۆكی فیلمەكە باس لە ئەیلان كوردی دەكات كە لەسوریا شەڕ دەستپێدەكات لەگەڵ خێزانەكەی رێگەی تاراوگە دەگرنە بەر و بەرەو توركیا بەڕێدەكەون، بەڵام لەوێ‌ بەر لەوەی بگەن بەكەناری ئارامی شەپۆلەكانی دەریا دەیكاتە قوربانی.

دواهەمین فیلمی سینەمایی دەرهێنەر جوبرائیل ئەبوبەكر فیلمێك بوو بەناوی (بێدەنگی ئاسمان) كە لەكەمتر لە ساڵێكدا لە 54 فێستیڤاڵی سینەمایی جیهانیدا بەشداری كرد‌و چەندین خەڵاتی بەدەستهێنا.

جوبرائیل ئەبوبەكر رەحمان لەدایكبوی ساڵی 1983ی شاری هەولێرە، لەساڵی 2001ەوە دەستیداوەتە كاری سینەمایی و لەنزیكەی 40 كورتە فیلمدا یاریدەدەری وێنەگر بوە و لە 13 فیلمی سینەمایی درێژیشدا یاریدەدەری وێنەگر بوە و لەساڵی 2010ەوە كاری دەرهێنانی سینەمایی دەكات.

هەواڵەکان

گەنجێک بەفرگرێک فڕێدەداتە خوارەوە، بە دەست پێی دەهێننەوە سەرەوە و ٤٥ هەزار یۆرۆ غرامەی دەکەن

خێزان

گەنجێک لە ئیسپانیا  بەفرگرێکی کۆن لە ڕێگایەکی گشتییەوە فڕێدەداتە خوارەوە و گاڵتەش بە سستمی بەکارهێنانەوە (ڕیسایکلین) دەکات لە وڵاتەکەیاندا.

ئەو گەنجە پاش ئەوەی تۆماری ڤیدیۆیی کارەکەیان لە سۆشیالمیدیا بڵاودەکاتەوە، دەنگدانەوەی زۆری دەبێت، هەر بۆیە پۆلیسی ئیسپانیا خۆی و هاوڕێکەی دەستگیر دەکات.

دواتر لە تۆمارێکی دیکەدا کە پۆلیس بڵاوی کردۆتەوە، ئەو دوو گەنجە ناچارکراون کە بە دەست بەفرگرەکە بهێنەوە سەرەوە و بەشێوازی درووست فڕێی بدەن، جگە لەوەش لەسەر کارەکەیان بڕی ٤٥ هەزار یۆرۆ سزا دراون.

بەردەوام بە لە خوێندنەوە

ئۆتۆمبێل و تەکنەلۆژیا

ئەمریکا بۆ ماوەی ٩٠ ڕۆژی دیکە سزاکانی هواوی دوادەخات

خەڵک-

پاش بڕیاری قەدەغەکردنی بازرگانی کردنی کۆمپانیا ئەمریکییەکان لەگەڵ هواوی لەلایەن دۆناڵد تڕامپەوە کاریگەرییەکی زۆر دەرکەوت بەسەر بازاڕکردنی کۆمپانیاکەوە و بەشێکی کۆمپانیاکان سەرقاڵی هەڵوەشاندنەوەی ڕێککەوتنەکانیان بوون لەگەڵ کۆمپانیا چینییەکە.

بەڵام هەر لەو ماوەیەدا و پاش چاوپێکەوتنی سەرۆکانی ئەمریکا و چین دۆناڵد تڕامپ ڕازیبوو بە هەڵوەشاندنەوەی بڕیارەکە و لە ١٩ی ئەم مانگەدا بڕیاری دواخستنە ٩٠ ڕۆژییەکە تەواو دەبێت و سەرچاوەکان باس لە درێژکردنەوە و ڕاگرتنی ئەو بڕیارە دەکەن بۆ ماوەی ٩٠ ڕۆژی دیکە.

ئەمریکا لیستی ٥٠ کۆمپانیای وڵاتەکەی ئامادەکردبوو بۆ ئەوە ئەو کارەکانیان لەگەڵ هواوی ڕابگرن لە گرنگترینیان کواڵکۆم و گووگڵ و ئینتڵ و مایکرۆن و وایفای ئەلایەنس و هتد، لە ئەگەری جێبەجێکردنی ئەو بڕیارەدا کۆمپانیا چینییەکە زیانێکی زۆری پێدەگات و پاشەکشە دەکات لە بازاڕی مۆبایلە زیرەکەکان و کاڵاکانی دیکەدا.

بەردەوام بە لە خوێندنەوە

هەواڵەکان

ئەمەل سەعید کوردە هۆنراوەیەکی کۆنی کەژاڵ ئەحمەد دەکاتەوە بە گۆرانی

خێزان

بڕیارە هونەرمەند ئەمەل سەعید کوردە هۆنراوەیەکی کۆنی کەژاڵ ئەحمەد بکاتەوە بە گۆرانی.

کەژاڵ ئەحمەدی شاعیر ڕایگەیاندووە”لە ساڵی ٢٠٠١ هۆنراوەی (لاوۆ)  م نووسی بۆ هونەرمەند ئەمەل سەعید کوردە، بەڵام دواتر نەتوانرا بکرێت بە کلیپ و کەسانی دیکە وتیانەوە.

کەژاڵ ئەحمەد وتوشیەتی” لە ئێستادا پلانی ئەوەمان هەیە کارەکە تەواو بکەین و هۆنراوەکە بە دەنگی خاتوو ئەمەل بکرێتە گۆرانی و ئاوازەکەش مامۆستا ئەنوەر قەرەداغی دایناوە”

 

بەردەوام بە لە خوێندنەوە

کوردستان