ئێمە لە تۆرە کۆمەڵایەتیەکان

عێراق

باس لە كاندیدێكی سەربەخۆ دەكات
سائیرون: فەیاز تاكە كاندیدی وەزارەتی ناوخۆ نییە

خەڵك- بەشی هەواڵ
هاوپەیمانی سائیرون كە لەلایەن موقتەدا سەدر ڕابەری ڕەوتی سەدرەوە سەرپەرشتی دەكرێت پێیوایە، فالح فەیاز تاكە كاندید نەما بۆ وەرگرتنی پۆستی وەراتی ناوخۆ، جەختیش لەسەر سووربوونی هاوپەیمانییەكەی بۆ دوورخستنەوەی فەیاز دەكاتەوە “هەرچەندە هەندێك لایەن پێداگرن لەسەر كاندیدكردنی”.

ڕامی سەكینی، پەرلەمانتاری هاوپەیمانی سائیرون لە لێدوانێكی ڕۆژنامەوانیدا ڕایگەیاندووە”پێشتر كە ناوی فالح فەیاز پێشنیار دەكرا، وەك تاكە كاندید بوو بۆ وەرگرتنی پۆستی وەزارەتی ناوخۆ، بەڵام لەئێستادا پارسەنگی سیاسی گۆڕاوە و ژمارەیەك كاندید بۆ وەرگرتنی ئەو پۆستە پێشكەشكراون”.

بە وتەی سەكینی”فەیاز ئەو كارتە بەهێزەی جاران نەما، چونكە لەئێستادا ژمارەیەك كاندیدی لێوەشاوە و كارامە و بەهێز هەن بۆ بوون بە وەزیری ناوخۆ لە بری فەیاز”.

ئەو پەرلەمانتارەی هاوپەیمانی سائیرون دەڵێت”سائیرون سوورە لەسەر گۆڕینی فەیاز، هەرچەندە هەندێك لایەنی سیاسی پێداگرن لەسەری، فەیاز كاندیدی حزبە نەك كاندیدێكی سەربەخۆ، بۆیە ئێمە كەسێتییەكی پیشەوەر و سەربەخۆ دەهێنین، تا بەشێوەیەكی تەواو سەربەخۆ، مامەڵە لەگەڵ دۆسێی ناوخۆدا بدات”.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان