ئێمە لە تۆرە کۆمەڵایەتیەکان

کوردستان

هەڵسوڕاوێكی گۆڕان پشكەكانیان لە كابینەی داهاتوو ئاشكرا دەكات

خەڵك-بەشی هەواڵ

هەڵسوڕاوێكی باڵای بزووتنەوەی گۆڕان پشكی حزبەكە لە حكومەتی داهاتووی هەرێم ئاشكرادەكات.

كاروان هاشم ئەندامی جڤاتی نیشتمانیی بزووتنەوەی گۆڕان بە ئانادۆڵی ڕاگەیاند، لە دوایین كۆبوونەوەمان لەگەڵ پارتی كە واژووكردنی ڕێكەوتننامەكە بوو، گەیشتینە ڕێككەوتن لەسەر بەرنامەی سیاسی كابینەی داهاتوو، پشكەكانی گۆڕان، دانیشتنی پەرلەمان و هەمواركردنەوەی یاسای سەرۆكایەتی هەرێم لەناو پەرلەمان و دواتر ڕاسپاردنی سەرۆكوەزیران.

وتیشی”پشكەكانی بزووتنەوەی گۆڕان بریتین لە جێگری سەرۆكی هەرێم، یاریدەدەری سەرۆكوەزیران بۆ كاروباری چاكسازی، وەزارەتەكانی دارایی و چەند وەزارەت و دەستەیەكی دیكە”.

ئەمەش لەكاتێكدایە تا ئێستا یەكێتی بەشداری دانیشتنەكانی پەڕلەمانی كوردستانی نەكردووە، بە بیانووی ئەوەی تا ئێستا لەگەڵ پارتی لەسەر پشكەكانی لە كابینەی داهاتووی هەرێمی كوردستان یەكلانەكردووەتەوە.

کوردستان

لافاو، ڕێڕەوی هاتوچۆی پێنجوێن-سلێمانی گۆڕی

خەڵك-بەشی هەواڵ

قائیمقامی پێنجوێن ڕایدەگەیەنێت، لافاوی ئەمجارە پردێكی ناوچەكەی بردووە و كاركردن لە پردە سەرەكییەكەش بەردەوامە.

زانا ڕەحمان قائیمقامی پێنجوێن بە (خەڵك)ی ڕاگەیاند، بەهۆی ئەو شەپۆلە بەرفراوانەوە تا ڕادەیەكی زۆر پێنجوێن لە ڕووی گیانی و مادییەوە سەلامەت بووە.
وتیشی”لافاو پردی چەمی چەقانی لەگەڵ خۆی بردووە كە قەزای پێنجوێن و سەیدسادق و سلێمانی بەیەكەوە دەبەستێتەوە، و ئێستا ئاستەنگی هاتوچۆ لەو ڕێگایەوە بۆ شۆفێران دروست بووە، لە ئێستاشدا ڕێگایەكی دیكە بۆ هاتوچۆ بەكاردەهێنرێت”.

سەبارەت بە دروستكردنی پردێكی هەمیشەییەیی بۆ بەستنەوەی پێنجوێن بە پارێزگەی سلێمانییەوە ناوبراو ڕایگەیاند، پردە هەمیشەییەكە خەریكی كاركردنن تێیدا هەرچەندە بەهۆی قەیرانی داراییەوە ڕاوەستابوو، بەڵام ئەمساڵ كاركردن تێیدا بەردەوامە و بەهۆی وەرزی باران بارینەوە دەستیان لێهەڵگرت و ئومێد دەكەین دوای ئەم وەرزە تەواو بكرێت و بێ كێشە بێت.

ئاشكراشیكرد، هیچ خانوویەك لە قەزاكە ئاو نەچوەتە ناویەوە و هەموو هاووڵاتیان سەلامەتن.

بەردەوام بە لە خوێندنەوە

کوردستان

تەڤگەری ئازادی: دەبێت پۆستی سەرۆكی هەرێم تەشریفاتی بێـت

خەڵك- بەشی هەواڵ

تەڤگەری ئازادیی كۆمەڵگای كوردستان ڕایگەیاند “داوا دەكەین كە سیستەمی سیاسی هەرێم سیستەمێكی پەرلەمانی بێت. واتە بە فۆڕمی پێشووتر هەموار نەكرێتەوە و هەڵبژێردراوی وەك سەرۆكی هەرێم تەنها مافی یەك خوول سەرۆكایەتی هەبێت‌و لە هیچ باروودۆخێك گۆڕانكاری لەم بنەمایە نەكرێت”.

تەڤگەری ئازادی لە ڕاگەیەندراوێكدا ڕاشیگەیاند “ئەو دەسەڵاتە ڕەهایەی كە لە دەست سەرۆكایەتی هەرێم هەبوو، بوو بەمایەی زۆرێك لەو نەهامەتیانەی كە بەسەر گەلەكەمان هات ئەنجام دانی ڕیفراندۆم، كشانەوەی پێشمەرگە لەشنگال‌و ناوچە كێشە لەسەرەكان”.

ئاماژە بەوەش دەكات “پێمان وایە كە دەبێت سەرۆكی هەرێم لە پەرلەمانەوە هەڵبژێردرێت چونكە پەرلەمان ئیرادەی گەلە و دەبێت بڕیار بگەڕێتەوە بۆ گەل، سەرۆكی هەرێم دەسەڵاتەكانی دیاری كراو بێت و پۆستێكی تەشریفاتی بێت بۆ پڕۆتۆكۆل و بۆنە نیشتیمانی و سیاسی و كۆمەڵایەتییەكان”.

بەردەوام بە لە خوێندنەوە

کوردستان

سزای زیندانیكردن بۆ یازدە سیاسەتمەداری باكوری كوردستان دەرچوو

خەڵك- بەشی هەواڵ

دەسەڵاتدارانی توركیا سزای زیندانیكردنیان بۆ یازدە سیاسەتمەداری كوردی باكوری كوردستان دەركرد لە شاری وان.

ڕۆژی چوار شەممەی ڕابردوو 25 سیاسەتمەدار دەستگیركران، یازدە لەوان بڕیاری زیندانیكردنیان بۆ دەرچوو.

ئەو سیاسەتمەدارانە بریتین لە “چەتین ئۆیار، فەیسەڵ پارلاك، بازی ئاسلان، هاكان دەمیر، ئیبراهیم ئیرماك، مەدینە توفان، مەسعود ئەرزەنگین، عەبدولستار گیونەش، رەمەزان دومان، گیورسەل یاماش و محەمەد سۆنمەز”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان