ئێمە لە تۆرە کۆمەڵایەتیەکان

ئابوری

مووچەیەكی دیكە دابەش دەكرێت
پارتی هاتنی مووچەی 3 مانگ لەبەغداوە ئاشكرادەكات

خەڵك- بەشی هەواڵ
وەزارەتی دارایی عیراق مووچەی مانگی ئادار و جیاوازی مووچەی مانگی یەك و دوو بۆ فەرمانبەرانی هەرێم ڕەوانە دەكات و پەڕلەمانتارێكی پارتی-ش ڕایدەگەیەنێت، كە عیراق ئەو پارەیەی خستۆتە سەر حسابی بانكی هەرێم و سەرچاوەیەكی دارایی-ش دەڵێت: “مووچەیەكی دیكە دابەش دەكرێت”.

ماڵپەڕی فەرمی پارتی دیموكراتی كوردستان لەزاری دانا شەهید جەزا، پەڕلەمانتاری ئەو حزبە لە پەڕلەمانی عیراق بڵاویكردۆتەوە، حكومەتی ناوەند بە نووسراوی ژمارە 5270، كە ڕێكەوتی 10ى 3ی 2019ی لەسەرە، بڕی 724 ملیار و 819 ملیۆن دیناری خستۆتە سەر حسابی بانكی هەرێم.

وتوشیەتی، “ئەو پارەیەی بەغدا ناردوویەتی، بڕی 454 ملیار و 319 ملیۆن دیناری بۆ مووچەی مانگی سێی فەرمانبەرانە و باقییەكەی دیكەشی، جیاوازییەكانی مووچەی مانگی یەك و دووی 2019یە”.

سەبارەت بە ناردنی موچەی هێزەكانی پێشمەرگەش، پەڕلەمانتارەكەی پارتی ئاماژەی بەوەداوە، كە تەنیا لەسەر ئەوە ماوە وەزارەتی پێشمەرگە ئاماری هێزەكانی ڕەوانەی وەزارەتی بەرگری بكات.

لای خۆشەوە، سەرچاوەیەك لە وەزارەتی دارایی و ئابووری هەرێم بۆ (خەڵك) ئاشكرای كردووە، كە تەنها نووسراوەكە گەیشتۆتە وەزارەتی دارایی و دوو ڕۆژی دەوێت تاوەكو مووچەكە دەگاتە سەر حسابی وەزارەتی دارایی.

وتیشی، “هەر كات پارەكە گەیشت، لەگەڵ پارەی سامانە سروشتییەكان مووچەیەكی دیكەی پێ دابەش دەكرێت، ئەویش دوای كۆتایی هاتنی دابەشكردنی مووچەی مانگی 12”.

لە ڕۆژی هەینی حكومەتی عیراق پارەی مووچەی بۆ فەرمانبەرانی هەرێم نارد و حكومەتی هەرێم بڕیاریدا بە هەڵوەشاندنەوەی پاشەكەوتی مووچە و دەست بە دابەشكردنی مووچە كرا و ڕۆژی یەك شەممە 17-3-2019 كۆتایی پێ‌ دێت و لەگەڵ ئەوەشدا بەپێی نووسراوێكی وەزارەتی دارایی پێدەچێت سبەینێ‌ پێنج شەممە بڕی 724 ملیار و 819 ملیۆن دیناری دیكە بۆ مووچەی فەرمانبەران بگاتە هەرێم.

ئابوری

عیراق بڕی خستنەبازاڕی دۆلار زیاد دەكات

 

خەڵك- بەشی هەواڵ
بانكی ناوەندی عیراق لەڕێگەی زیادكردنی ئاشكراوە بڕێكی زیاتر دراوی ئەمریكی (دۆلار)ی خستە بازاڕەكان، ئەمەش كاریگەری لەسەر دابەزینی نرخی ئەو دراوە هەیە لە بازاڕەكانی ناوخۆ.
.
بەپێی بەیاننامەیەكی بانكی ناوەندی عیراق، كە ئەمڕۆ دوو شەممە بڵاوكرایەوە، بە زیادكردنی ئاشكرا بڕی زیاتر لە 184 ملیۆن دۆلار بە بانك و كۆمپانیاكانی حەواڵە فرۆشراوە، ئەمەش بەراورد بەو بڕەی، كە ڕۆژی پێنج‌ شەممەی ڕابردوو فرۆشرابوو، كە 137 ملیۆن دۆلار بوو، بەرزبوونەوەی بەرچاوی بەخۆوەبینی.

بانكی ناوەندی دەڵێت: “بڕی ئەو پارەیەی بۆ پتەوكردنی ڕەسیدی بانكەكانی دەرەوە فرۆشراوە گەیشتۆتە 159.77 ملیۆن دۆلار، بڕی 24.27 ملیۆن دۆلاریش بەشێوەی كاش فرۆشراوە”.

هەر لە بەیاننامەكەی بانكی ناوەندیدا هاتووە، “یەك دۆلار بە 1190 دینار فرۆشراوە و لەو زیادكردنەشدا 30 بانك و یەك كۆمپانیای حەواڵەی دارایی بەشدارییان كردووە”.

ڕۆژانە بەهۆی زیادبوونی خستنەڕووی دۆلار لە بازاڕەكاندا، بەهای دۆلاری ئەمریكی دادەبەزێت، خاوەن نووسینگەیەكی ئاڵوگۆڕی دراویش لە سلێمانی بە (خەڵك)ی ڕاگەیاند، “ئەمڕۆ 100 دۆلار بە 120 هەزار 200 دینار مامەڵەی پێوەكراوە”.

بە بۆچوونی شارەزایانی بواری دراو، “ئەگەر بڕی خستنەڕووی دۆلار بەشێوەیەكی زیاتر لە بازاڕەكاندا بەردەوام بێت نرخەكەی لە بازاڕەكانی ناوخۆدا زیاتر دادەبەزێت، بەپێچەوانەشەوە گەر بڕی خستنەڕووی دۆلار لە بازاڕەكاندا كەمببێتەوە، نرخەكەی ڕوو لە بەرزبوونەوە دەكات”.

بەردەوام بە لە خوێندنەوە

ئابوری

نرخی گۆشت بەرزبۆتەوە
ئێران پرسی بەقاچاخبردنی ئاژەڵ ڕادەستی سوپا دەكات

خەڵك- بەشی هەواڵ
سەرۆكی پەڕلەمانی ئێران ڕایدەگەیەنێت، پرسی بازرگانی بە ئاژەڵ و بەقاچاخبردنی بۆ دەرەوەی وڵات، كە لەم ماوەیەی دواییدا زیاتر زەقبۆتەوە، لەلایەن ئەنجوومەنی باڵای ئاسایشی نیشتمانییەوە ڕادەستی سوپا دەكرێت.

ئەم لێدوانەی عەلی لاریجانی، سەرۆكی پەڕلەمانی ئێران، هاوكاتە لەگەڵ بەرزبوونەوەی گۆشت و بەروبوومە پەلەوەرییەكان لە ئێران، كە لەئێستادا بەهۆی سزاكانی ئەمریكاوە ڕووبەڕووی داڕمانی ئابوری و كۆمەڵایەتی بۆتەوە.

بە وتەی لایجانی، “پرسەكە بەتەواوەتی ڕادەستی سوپا كراوە، بە هەماهەنگی لەگەڵ پۆلیس بۆ بنبڕكردنی بازرگانی بە ئاژەڵ و ڕێگرتن لە بەرزبوونەوەی نرخی گۆشت لە بازاڕەكانی ناوخۆ”.

سەرۆكی پەڕلەمانی ئێران، بە پەرلەمانتارانی وڵاتەكەی ڕاگەیاندووە، “ئەو گومانانەی دەتانكرد لەبارەی بازرگانی و بەقاچاخبردنی ئاژەڵ بۆ دەرەوەی وڵات ڕاست دەرچوو، بۆیە ڕێوشوێنی یەكلاكەرەوە لەو بارەیەوە دەگیرێتەبەر”.

پێشتر ماڵپەڕی (بیك ئیران)، ئاماژەی بە بەرزبوونەوەی نرخی كیلۆیەك گۆشت لە 490 هەزار تمەن بەراورد بە ساڵی ڕابردوو، بۆ ملیۆنێك تمەن لە كۆتایی ساڵدا، كردبوو.

بەپێی ماڵپەڕەكە، “دوو هۆكار هەیە بۆ گرانبوونی نرخی گۆشت، یەكەمیان پەیوەندی بە بەقاچاخبردنی گۆشت بە دەرەوەی وڵات، بە تایبەت بۆ وڵاتانی دەورووبەر، ئەوەی سوودیش لە بەرزبوونەوەی بەهاكەی دەبینێت قاچاخچییە، هۆكاریی دووەمیش، بەرزبوونەوەی نرخی گۆشت بەهۆی بەرزبوونەوەی نرخی ئاڵفەوەیە، كە وەك خۆراك دەدرێتە ئاژەڵ”.

بەردەوام بە لە خوێندنەوە

ئابوری

وەزیری دارایی: فەرمانبەرانی گرێبەست دادەمەزرێن
وەرگرتنەوەی پێشینەكانی خانووبەرە و هاوسەرگیری دەستپێدەكاتەوە

خەڵك – بەشی هەواڵ
وەزیری دارایی و ئابووری حكومەتی هەرێم ڕایدەگەیەنێت، بەم نزیكانە حكومەت دەست دەكات بە وەرگرتنەوەی پێشینەكانی خانووبەرە و هاوسەرگیری لە فەرمانبەران و هاووڵاتیان، دەشڵێت: “لە ئێستادا ناتوانین پێشینەكانی هاوسەرگیری و خانووبەرە بەهاوڵاتیان بدەینەوە”.

ڕێباز حەملان، وەزیری دارایی و ئابووری حكومەتی هەرێم لە لێدوانێكی بۆ كەناڵی ئاسمانی (سپێدە) ڕایگەیاندووە، بەهۆی ئەوەی ئەو پارەیەی لە بەغدا دێـت بۆ هەرێم تەنیا بەشی مووچە دەكات لە ئێستادا ناتوانین پێشینەكانی هاوسەرگیری و خانووبەرە بەهاووڵاتیان بدەینەوە.

وەزیری دارایی ڕاشیگەیاندووە، بەم نزیكانە حكومەت دەست دەكات بە وەرگرتنەوەی پێشینەكانی خانووبەرە و هاوسەرگیری لە فەرمانبەران و هاووڵاتیان.

لە بارەی دامەزراندنیشەوە ئاشكراشی كردووە، فەرمانبەرانی گرێبەست لە هەرێمی كوردستان ژمارەیان 31 هەزار كامەندە، كە وەك كارمەندی هەمیشەیی لە دامەزراوەكانی حكومەتدا خزمەت دەكەن، بۆیە ئەگەر دامەزراندن دەستپێبكاتەوە ئەولەویەت بۆ گرێبەستەكان دەبێت بۆ ئەوەی دابمەزرێن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 62
    62 86%
    62 - 86% هەموو دەنگەکان
  • وه‌زارەتی دارایی و ئابووری 10%, 7
    7 10%
    7 - 10% هەموو دەنگەکان
  • وه‌زارەتی بازرگانی و پیشه‌سازی 4%, 3
    3 4%
    3 - 4% هەموو دەنگەکان

کوردستان