ئێمە لە تۆرە کۆمەڵایەتیەکان

کوردستان

لە ئەمریكا سوننەتێكی پێغەمبەر لەسەر شێرپەنجە سەلمێنرا
وەزیرێكی پێشووی حكومەتی هەرێم موعجیزەیەكی قورئان باسدەكات

خەڵك- بەشی هەواڵ
وەزیری پێشووی كشتوكاڵی حكومەتی هەرێمی كوردستان باس لە موعجیزەیەكی ناو قورئانی پیرۆز دەربارەی ڕۆژوو گرتن دەكات و دەشڵێت: “توێژینەوەیەكی ئەمریكی بەڕۆژووبوونی وەك چارەسەری شێرپەنجە سەلماندووە، كە سوننەتی پێغەمبەرە”.

عەبدولستار مەجید، وەزیری پێشووی كشتوكاڵی هەرێم لە هەژماری خۆی لە فەیسبووك نووسیویەتی، “توێژینەوەیەكی زانستی ئەمریكی دەریخستووە، كاتێك مرۆڤ بۆ ماوەی ٨ تا ١٦ كاتژمێر خۆی لە خواردن و خواردنەوە دەگرێتەوە، لەشی مرۆۆڤ هەڵدەستێ بە پڕۆسەی پاككردنەوەی خۆی و نەهێشتنی سەرجەمی خانە شێرپەنجەییەكان و خانەكانی پیری یان زەهایمەر و پارێزگاری لە گەنجێتی و دژایەتی نەخۆشییەكانی شەكرە و فشاری دڵ دەكات”.

ڕوونیشی كردۆتەوە، “ئەمەش لە ڕێگەی دروستكردنی جۆرە پرۆتینێكەوە، كە لە دەوری خانە مردووە شێرپەنجەییەكان كۆدەبێتەوە و دەیگۆڕی بۆ شێوەیەك، كە لەش سودیان لێوەربگرێت هاوشێوەی ئەو پڕۆسەیەی، كە لە دووبارە سود لێوەرگرتنەوەی خاشاكدا هەیە و بە ڕیسایكلین ناسراوە” .

وەك عەبدولستار مەجید ئاماژەی پێ‌ كردووە، توێژینەوەكە ئامۆژگاری هاووڵاتیانی ئەمریكا دەكات، كە هەفتەی دوو بۆ سێ ڕۆژ خۆیان برسی و تینوو بكەن بۆ ماوەی ٨ بۆ ١٦ كاتژمێر.

دەشڵێت: “پاك و بێگەردی بۆ خوای گەورە، ئەوەتا پێغەمبەری پێشەوامان درود و سەڵامی خوای لەسەربێت خۆی هەموو دوو شەممە و پێنج شەممەیەك بە ڕۆژوو بووە و ئەوەش بۆ ئومەتەكەی بۆتە سوننەتێكی گەورە و پیرۆز و پاداشتی زۆر گەورەی بۆ دانراوە”.

عەبدولستار مەجید جەختیشی كردۆتەوە، تا دونیا بەرەو پێشتر بچێ و زانست زیاتر گەشە بكا و پەی بە نهێنیەكان زیاتر ببات، زیاتر ڕاستی و دروستی ئەم ئاینە پاكەمان بۆ دەردەكەوێ و لە هەر توێژینەوەیەكیشدا هەزاران بەڵگە لەسەر پێغەمبەرایەتی موحەمەد (د.خ) دەردەكەوێت .

کوردستان

سكرتێر و جێگر و بڕیاردەری ئەنجوومەنی سەركردایەتی یەكێتی هەڵبژێردران

خەڵك- بەشی هەواڵ

كۆبوونەوەی ئەنجوومەنی سەركردایەتی یەكێتیی نیشتمانیی كوردستان ئەنجامدرا و سكرتێر و جێگر و بڕیاردەری ئەنجوومەنەكە هەڵبژێردران.

پەیامنێری (خەڵك) لە سلێمانی ڕایگەیاند، كە دوانیوەڕۆی ئەمڕۆ كۆبوونەوەی ئەنجوومەنی سەركردایەتی یەكێتی لە سلێمانی بە سەرۆكایەتی هاوسەرۆكایەنی حزبەكە (بافڵ تاڵەبانی و لاهور شێخ جەنگی) ئەنجام درا.

ڕاشیگەیاند، كە لە كۆبوونەوەكەدا بە زۆرینەی دەنگ هەریەكە لە فەرید ئەسەسەرد بۆ سكرتێری ئەنجوومەن و مستەفا چاڵاوی بە جێگری سكرتێر و تابان عەبدوڵڵا بە بڕیاردەری ئەنجوومەنەكە هەڵبژێردران.

بەردەوام بە لە خوێندنەوە

کوردستان

بەرپرسێكی نەوەی نوێ‌ لەڕووداوی هاتووچۆدا گیانی لەدەستدا

خەڵك – بەشی هەواڵ
ئەندامێكی ئەنجوومەنی بەڕێوەبردنی جوڵانەوەی نەوی نوێ بەیانی ئەمڕۆ بە ڕووداوێكی هاوتووچۆ لە نزیك نەخۆشخانەی شار لە سلێمانی گیانی لەدەستدا.

پڕۆفیسۆر د. محەمەد ڕەئوف، مامۆستای زانكۆ و ئەندامی ئەنجوومەنی بەڕێوەبردنی جوڵانەوەی نەوی نوێ بەیانی ئەمڕۆ شەممە 29-2-2020 لەكاتی پەڕینەوەی لە شەقامی بازنەیی مەلیك مەحمود لە نزیك نەخۆشخانەی شار لە سلێمانی تووشی ڕووداوی هاتووچۆ بووە.

بەپێی زانیارییەكان، لە پاش گەیاندنی بە نەخۆشخانەی فریاكەوتنی سلێمانی و مانەوەی بۆ ماوەی چەند كاتژمێرێك، گیانی لەدەستداوە.

پڕۆفیسۆر د. محەمەد ڕەئوف، مامۆستای زانكۆ لەماوەی ڕابردوودا بە زانیارییە ئابوورییەكانی هاوكارێكی گرنگ و بەردەوامی (تۆڕی میدیایی خەڵك) بووە.

بەردەوام بە لە خوێندنەوە

کوردستان

وەزیری تەندروستی بۆ (خەڵك): نزیكەی دوو هەزار كەس بەهۆی كۆرۆناوە كەرەنتینە كراون

سلێمانی – نزار جەزا
وەزیری تەندروستی ڕایدەگەیەنێت، تا ئێستا هەزار و 850 كەس لە 21 شوێنی هەرێمی كوردستاندا خراونەتە ژێر چاودێری تەندروستییەوە.

د. سامان بەرزنجی، وەزیری تەندروستی حكومەتی هەرێمی كوردستان بە (خەڵك)ی ڕاگەیاند، تا ئێستا هەزار و 850 كەس بۆ دڵنیابوون لە تەندروستییان لە 21 شوێندا خراونەتەوە ژێر چاودێرییەوە.

ئەوەشی خستەڕوو، كە لەو ژمارەیە 838 كەس لە هەولێر، 400 لە سلێمانی، 413 لە دهۆك، 150 لە گەرمیان، 43 لە هەڵەبجە و لە كۆیەش 6 كەس خراونەتە ژێر چاودێری تەندروستییەوە.

وەزیری تەندروستی ئاماژەی بەئەوەشدا، كە دوێنێ لە هەموو هەرێمی كوردستاندا تەنیا 37 نمونەی پشكنین لە كەسانی گومانلێكراو وەرگیراوە، لەو ژمارەیەش ئەنجامی 35 كەسیان دەركەوتووە، كە هەڵگری كۆرۆنا نەبوون و دووانەكەی دیكەش هێشتا ئەنجامەكانیان دەرنەچووە.

بەردەوام بە لە خوێندنەوە

کوردستان