عێراق ماڵئاوایی لە پاڵەوانێتی ڕۆژئاوای ئاسیا کرد - تۆڕی میدیایی خەڵک

سەردێر

خەڵک- دەزگای لوتکە بۆ کاروباری ئاوارە و پەنابەران رەتیدەکاتەوە ٦٠ کۆچبەری کورد لە دورگەی کیثرای وڵاتی یۆنان بێسەروشوێن بووبن و دەڵێت:"تەواوی کۆچبەرەکان لەلایەن پۆلیسی کەناراوەکانەوە دەستگیر کراون". دەزگای لوتکە بۆ کاروباری ئاوارە و پەنابەران بڵاویکردووەتەوە، دوای بڵاوبوونەوەی هەواڵی گیرخواردنی زیاتر لە ٦۰ کۆچبەر لە دورگەی کیثرای وڵاتی یۆنان کە لە ٨/١٣ بەڕێکەوتون لە وڵاتی تورکیاوە بەمەبەستی گەیشتن بە ئەوروپا، بە هۆی تێکچونی بزوێنەری یەختەکەیان لە ٨/١٧ ناچار بوون لە دورگەی کیثرا بوەستن و لەلایەن پۆلیسی کەناراوەکانی دورگەی کیثرا دەستگیردەکرێن و دواتریش لێکۆڵینەوەیان لەگەڵدا دەکرێت. دەزگاکە ئاماژەی بەوەشکردووە، لەهەمان کاتدا هەواڵی بێسەرو شوێن بوونی چەند کۆچبەرێک لەهەمان یەخت بڵاوبووەوە، بەڵام بە پێی بە دواداچونەکانی نوێنەرانی دەزگای لوتکە لە وڵاتی یۆنان هیچ کەسێک بێسەر و شوێن نەبووە و تەواوی کۆچبەرەکان لەلایەن پۆلیسی کەناراوەکانەوە دەستگیر کراون. دەزگای لوتکە ئاماژەی بەوەکردووە، بەپێی وتەی وەزیری پەنابەران لە یۆنان ئەو کۆچبەرانەی کە لە دوو رۆژی رابردودا گەیشتونەتە دورگەی کیثیرا لە یۆنان دەگوازرێنەوە بۆ کەمپی داخراوی ئەمیگدەلێزا کە ١٥كم لە شاری ئەثینای پایتەختەوە دوورە، دوای تۆمارکردنی ناوەکانیان و داواکردنی مافی پەنابەری بۆ ماوەی نزیکەی ٤٠ رۆژ لەوێ دەمێننەوەو پاشان دەگوازرێنەوە بۆ کەمپی ئاسایی. دەزگای لوتکە ڕاشیگەیاند:"لەگەڵ ئەوەی کە بڕیارێکی نێودەوڵەتی هەیە بۆ دیپۆرتکردنەوە، بەڵام هەموو هەوڵێکمان دەخەینە گەر بۆ دیپۆرت نەکردنەوەی ئەو کۆچبەرانە و تەواوی کەسوکاری ئەو کۆچبەرانە ئاگاداردەکەینەوە کە بەهۆی لێکۆڵینەوە لەگەڵیاندا ناتوانن ئامێرەکانی پەیوەندیکردن بەکاربهێنن دوای تەواوبوونی لێکۆڵینەوکان دەگوازرێنەوە کەمپی ئاسایی".
خەڵک- ئێوارەی ئەمڕی هەینی لە رووداوێکی هاتووچۆدا لە رێگای نێوان نەغەدە - پیرانشار چوار کەس گیانیان لەدەستدا کە سێ کەسییان هاوڵاتی هەرێمی کوردستانن و خەڵکی قەزای ئاکرێن کەسەکەی دیکەش شۆفێر تاکسی بووە. ئەو سێ هاووڵاتییە خەڵکی سنوری قەزای ئاکرێن کە بە مەستی گەشت سەردانی رۆژهەڵاتی کوردستانیایان کردبوو لە کاتی گەڕانەوەیان بۆ کوردستان لە روواوێکی هاتووچۆدا گیانیان لەدەستداوە سێ کەسی دیکەش لە رووداوەکەدا برینداربوون کە بۆ وەرگرتنی چارەسەر رەوانەی نەخۆشخانە کراون. بەگوێرەی زانیارییەکان، ئەو سێ کەسە ئامۆزای یەکترن و دانیشتوی گوندی کێلەن لە دەڤەری ئاکرێ و ماوەی ١٠ رۆژە بەمەبەستی گەشتکردن چوونەتە وڵاتی ئێران لە کاتی گەڕانەوەیان بۆ هەرێمی کوردستان گیانیان لەدەستداوە.
خەڵک- ئەندامێکی پێشووی ڕەوتی سەدر ڕایگەیاند، هەژماری وەزیرەکەی سەدر لەلایەن چوار کەسەوە بەڕێوەدەبرێت کە دوانیان لە نەجەف و دوانیان لە بەغدادن. بەها ئەعرەجی، ئەندامی جیابووەوە لە رەوتی سەدر و جێگری پێشووتری سەرۆک وەزیران لە فراکسیۆنی سەدر لە بارەی هەژمارو لێدوانەکانی وەزیرەکەی سەدر راگەیاند:" ساڵح محەمەد عێراقی کە بە وەزیرەکەی سەدر ناسراوە و لە رێگەی تۆڕە کۆمەڵایەتییەکانەوە لێدوان و پەیامەکانی رەوتی سەدر بڵاودەکاتەوە، ناوێکی خوازراوە و چوار کەس کە دووانیان لە نەجەف و دووانەکی دیکەیان لە بەغدا بە ناوی ئەوەوە لە تۆڕە کۆمەڵایەتییەکان بانگەشە و پەیامی رێبەری رەوتەکەیان بڵاودەکەنەوە". ساڵح محەمەد عێراقی، کەبە "وەزیرەکەی سەدر" ناسراوە، زۆرینەی بەیاننامە و پەیامەکانی موقتەدا سەدرلە رێگەی هەژمارەکەی ئەوەوە بڵاودەبێتەوە، بەڵام تاوەکو ئێستا دەرنەکەوتووە و هیچ وێنەیەکی بڵاوکراوەشی نییە.
خەڵک- وەزارەتی کارەبا رایگەیاند، دوای بڕانی کارەبای قەزای کفری بەهۆی روودانی شۆرتێکەوە تیمه‌كانی كاره‌بای گه‌رمیان توانیان شۆرته‌كه‌ چاره‌سه‌ربكه‌ن و کارەبا بگەڕێننەوە ئەو ناوچانەی کارەبایان نەبوو. وەزارەتی کارەبای عکومەتی هەرێمی کوردستان بڵاویکردووەتەوە، دوای ئه‌وه‌ی ئه‌مڕۆ به‌هۆی ڕوودانی شۆرتێكه‌وه‌ و ته‌قینی دووكێبڵی (33kv)له‌وێستگه‌ی (132kv)كفری به‌شێك له‌قه‌زای كفری و ناحیه‌كانی سه‌رقه‌ڵاو ناحیه‌ی نه‌وجول و گونده‌كانیان كاره‌بای نیشتیمانیان بڕا تیمه‌كانی كاره‌بای گه‌رمیان توانیان شۆرته‌كه‌ چاره‌سه‌ربكه‌ن و كاره‌بای نیشتیمانی بۆئه‌وجێگایانه‌ بگه‌ڕێننه‌وه‌. وەزارەتەکە دەشڵێت:"قه‌ره‌بووی ئه‌و ماوه‌یە بۆ ئەو ناوچانە ده‌كرێته‌وه‌ كه‌ كاره‌بای نیشتیمانیان نه‌بووه".
خەڵک- وەزارەتی تەندروستی حکومەتی هەرێمی کوردستان رایگەیاند، تووشبویەکی کۆرۆنا لە دهۆک گیانی لەدەستدا. وەزارەتی تەندروستی ئاماری ٢٤ کاتژمێری رابردووی بڵاوکردووەتەوە و دەڵێت، دوو هەزار و ٣٧٠ پشکنین ئەنجامدراوە لەو رێژەیەش ٥٥ کەس تووشی ڤایرۆسەکە بوون، ٢٣٠ تووشبووش چاکبوونەتەوە و یەک تووشبووش لە پارێزگای دهۆک گیانی لەدەستداوە.
خەڵک- وەزارەتی تەندروستی حکومەتی هەرێمی کوردستان رایگەیاند، لە ٢٤ کاتژمێری رابردوودا ٥٥ کەسی دیکە توشی کۆرۆنا بوون و یە کەسیش گیانی لەدەستداوە. وەزارەتی تەندروستی حکومەتی هەرێم بڵاویکردووەتەوە، دوو هەزار و ٣٧٠ پشکنین ئەنجامدراوە لەو رێژەیەش ٥٥ کەس تووشی کۆرۆنا بوون، ٢٣٠ کەسی دی
خەڵک- بەزیاتر لە ملیارێک دینار چەند پڕۆژەیەکی خزمەتگوزاری لە شاری هەولێر جێبەجێدەکرێت. پارێزگای هەولێر بڵاویکردووەتەوە، بەزیاتر لە(ملیارێک و 289 ملیۆن دینار) ژمارەیەک پڕۆژەی خزمەتگوزاری لەسەر داهاتی 15٪ ی سەرۆکایەتی شارەوانی هەولێر جێبەجێ دەکرێت. پارێزگای هەولێر پڕۆژەکانی بڵاوکردووەتەوە کە ئەمانەی لای خوارەوەن:- 1-پڕۆژەی قیرتاوکردنی چەند شەقامێک لە گەڕەکی ڕۆشەنبیری پشت گۆڕستان/ قۆناغی دووەم. 2-قیڕتاوکردنی چەند شەقامێک لە گەڕەکی ڕۆشەنبیری پشت گۆڕستان/ قۆناغی سێیەم. 3- قیڕتاوکردنی چەند شەقامێک لە گەڕەکی ڕۆشەنبیری تەنیشت مارکێتی شیلانە. 4-دروستکردنی شەقامەکانی گەڕەکی سەربەخۆیی کەرتی (9000) قۆناغی دووەم سێبەردان. 5- قاشتەکردنی شەقامی دووسایدی هانا ستی لە شەقامی کۆیە تاوەکو بەنزینخانەی هامان. پارێزگای هەولێر دەشلێت:" ئێستاش دەرخستەی چەندین پڕۆژەی دیکە ئامادە کراوە، دوای وەرگرتنی ڕەزامەندی کاریان لەسەر دەکرێت".
خەڵک- بەڕێوەبەرایەتی پاسپۆرتی سلێمانی ئاگاداری هاووڵاتیان دەکاتەوە لە سبەینێ شەممەوە تاوەکو شەممەی داهاتوو دوای کاتژمێر ١٠:٣٠ سەردانیان بکەن بەمەبەستی پڕکردنەوەی فۆڕمی ئەلیکترۆنی پاسپۆرت، چونکە هێڵی ئینتەرنێت نییە. بەڕێوەبەرایەتی پاسپۆرتی سلێمانی لە راگەیەندراوێکدا هاووڵاتییان ئاگاداردەکاتەوە کە بەهۆی دەستپێکردنی خولی دووەمی تاقیکردنەوەکانی پۆلی دوازدەی ئامادەی، ڕۆژی شەممە 20 ـ 8 ــ 2022، لەکاتژمێر 7.30ی سەرلەبەیانییەوە تا کاتژمێر 10.30 هێڵی ئینتەرنێت لە هەرێمی کوردستان ڕادەگیرێت، بەمەبەستی ئەنجامدانی تاقیکردنەوەکانی خولی دووەمی پۆلی دوازدەی ئامادەیی، کە تا 27 مانگ دەخایەنێت، جگە لە 26ی مانگ کە ڕۆژی هەینی دەکات، ئەو حەوت ڕۆژەی تر هێڵی ئینتەرنێت ڕادەگیرێت، بۆیە ھەر ھاووڵاتیەک کاری لای سکاڵانووسەکانی ھەیە بەمەبەستی پڕکردنەوەی فۆڕمی ئەلیکترۆنی پاسپۆرت تا دوای کاتژمێر (10.30) ھێڵی ئینتەرنێتیان نابێت، بۆ ئاگاداریتان. بەهۆی دەستپێکردنی تاقیکردنەوەکانی خولی دوومی پۆلی ١٢ی ئامادەیی لە سبەینێوە شەممە تا رۆژی شەممەی داهاتوو هیڵێ ئینتەرنێت رۆژانە بۆ ماوەی سێ کاتژمێر دەبڕێت.
هەڵکەوت عەبدوڵڵا بەڕێز باڤڵ جەلال تاڵەبانی سەرۆکی یەکێتیی نیشتمانیی کوردستان سڵاو و ڕێزی بێپایانمان قبووڵ بکەن... ئەگەرچی بەڕێزتان سەرقاڵی گەلێک پرسی گرنگن هەرێمی کوردستان، بەڵام پشتئەستوور بە دەربڕینەکانتان لە دیداری یەکێتی و پێش دیدارەکەش، سەبارەت بە پاراستنی مافەکانی خەڵکی پارێزگای سلێمانی و جێگیرکردنی دادپەروەری و بەرەنگاربوونەوەی قۆرخکاری، ڕێگەم بە خۆم دا ئەم نامەیە ئاڕاستەی بەڕێزتان بکەم تا ئەو دەربڕینانەت دەربارەی پرسێکی گرنگی وەک هاتووچۆ بخەیتە گەڕ، کە ڕووداوەکانی هاتووچۆ لە هەرێمی کوردستان بە هۆکاری یەکەمی مردن تیایدا دادەنرێت. هیوادارم بەڕێزت هەڵوەستەی لەئاستدا بکەیت و فریای پارێزگاکەمان بکەویت و سنوور بۆ قۆرخکارییەک لە بوارەکەدا دابنێیت. هەوڵدەدەم بە وردی پرسەکە بخەمەڕوو و دواتریش بە چەند خاڵێک چەند چارەسەرێک وەک داواکاری پێشنیاربکەم: ١- لە پارێزگای سلێمانی لە ساڵی ٢٠٠٤وە ژمارەیەکی زۆر ڕاهێنەر بە سیستەمی نوێی مۆڵەتپێدان دروستبوون و لە ماوەی دوو ساڵێکدا و پێش لێبڕین و دەستکاریکردنی سیستەمەکە کاریگەریی زۆری هەبوو لەسەر کەمکردنەوەی ڕووداوەکانی هاتووچۆ و دروستبوونی شۆفێر بە ستاندارتی جیهانی. لە ئیدارەی هەولێرەوە لەوساکەوە لەبری گوێگرتن بۆ داواکارییەکانی خولێخۆشبوو لیوا عومەر بۆ دروستکردنی سیستەمی مۆڵەتپێدانی کوردستان، لە ڕێگەی کۆنفرانسی هاتووچۆ و کۆنفرانسی ئیدارەی سلێمانی و سەردانیکردنی هەولێرەوە، دژایەتی سیستەمەکە کراوە. پاش یەکگرتنەوەی هەردوو ئیدارەکە هەمیشە لە هەولێرەوە دژایەتی ئەو سیستەمی مۆڵەتپیدانە کراوە و هەوڵدراوە لەبەین ببرێت، وەک هەنگاوی دروستکردنی کۆمپانیای زهرة النیل و دژایەتیکردنی سیستەمەکەی سلێمانی لە ڕێگەی ڕێنمایی و فەرمانی نادادپەروەری جۆربەجۆرەوە، دواهەمینیشیان زەمینەخۆشکردن بوو بۆ دامەزراندنی ناوەندی تۆتاڵ و کۆتاییهێنان بە سیستەمەکەی سلێمانی. ٢- ئامانج لە ڕاگرتنی کارکردن بە سیستەمەکەی پارێزگای سلێمانی (کە لە هەڵەبجە و ئیدارەکانیش کاری پێ دەکرا) زەمینەخۆشکردن بوو بۆ کەوتنەگەڕی کارەکانی ناوەندی تۆتاڵ، کە گومان بە شێوازی دامەزراندن و ئاستی زانستی دەکرێت و کارێکە خەمی بازرگانی لەپشتەوەیە و قۆرخکارییەکە لە بوارەکەدا. ئەگەر مەبەست دامەزراندنی سیستەمێکی یەکگرتووی مۆڵەتپێدا بوو لای دەستڕۆیشتوانی هاتووچۆی هەرێم، دەبوایە ڕاگەیاندی ئاشکرا بۆ هەنگاوەکە بکرێت و ڕێگەبدرێت هەموو ڕاهێنەرەکان دەرفەتی بەشداریکردنیان هەبێت و کتێب و پێشنیاری خۆیان بخەنە ناو پێشبڕکێیەکی دادپەروەرانەوە، نەک کۆمپانیای تۆتاڵ بە زۆری زۆرداری بسەپێنرێت بەسەر هەرێمی کوردستان و لەپێناو بەرژەوەندیی تایبەتدا بخرێتە گەڕ و زوڵم لە ڕاهێنەرانی تر بکرێت. لە کاتێکدا زۆر ڕاهێنەری بەتواناتر و لێهاتووتر لە خاوەنی ئەو ناوەندە لە پارێزگای سلێمانی هەبوو، کە دەیانتوانی زەمینەی چاکتر بۆ شێوازی مۆڵەتپێدانی هاوچەرخانە بڕەخسێنن. ٣- پێگەیاندن و ئەبدەیتکردنەوەی ڕاهێنەرانی شۆفێری لە بنچینەدا کاری بەڕێوەبەرایەتی هاتووچۆ خۆیەتی و دەبێت ئەو لە ڕێگەی دامەزراندنی ئەکادیمیایەکی تایبەتەوە، بە سوودوەرگرتن لە شارەزایان لەسەر ئاستی نێودەوڵەتی، بنیاتی بنێ و قازانج و خێرەکەشی بۆ خزمەتکردنی هاتووچۆ و گەشەپیدانی بەکاربهێنرێت، نەک بەڕێوەبەرایەتی هاتووچۆ ببێتە بەڵێندەری پارەپەیداکردن بۆ ناوەندێکی کەرتی تایبەتی و سوودگەیاندنی دارایی بە هەندێک دەستڕۆیشتوو. ئەگەر تەنیا بڕوانینە ئەو هەنگاوەی ئێستا لە سلێمانی بەڕێوەیە و بیکەینە بناغە بۆ دەرخستنی سوودی ئەو کارە بۆ کۆمپانیای تۆتاڵ و ئەوانەی لە پشتیەوەن و نەخستنەگەڕی بۆ خزمەتی هاتووچۆ، دەردەکەوێت کارەساتەکە لە چ ئاستێکدایە. بەپێی ئەو زانیارییانەی پێمان گەیشتووە لە سلێمانی ٦٠٠ ڕاهێنەری مۆڵەتی تایبەت و ٢٤٠ ڕاهێنەری مۆڵەتی گشتی بەڕێوەیە، هەر ڕاهێنەرێک بە ٧٥٠هەزار بەشدار دەبێت. ئەو پارەیە هەژماربکەن و لەگەڵ پارەکەی هەولێر و دهۆک و هەڵەبجە و ئیدارە سەربەخۆکان کۆی بکەنەوە، دەزانن چ پارەیەکی زەبەلاحە دەچێتە گیرفانی ئەو ناوەندە و هاوکارانیەوە. ٤- ئەگەر بەڕێوەبەرایەتی هاتووچۆ لە هەرێم توانای زانستیان نییە بۆ بەڕێوەبردنی خولی ڕاهێنەران، بە درێژایی شەش ساڵی پێشوو…
خەڵک- زانکۆی دهۆک کاتی دەستپێکردنی دەوامی راگەیاند و دەڵێت، سەرەتای مانگی داهاتوو دەوام لە زانکۆکەیان دەستپێدەکات. لە راگەیەندراوێکدا زانکۆی دهۆک بڵاویکردووەتەوە، بۆ ساڵی نوێی خوێندن، دەوامی مامۆستایان رۆژی پێنجشەممە، (1-9-2022) دەستپێدەکات، هەروەها دەوامی خوێندکار لە رۆژی یەکشەممە، (4-9-2022) دەستپێده‌کات. بڕیارە زانکۆی دهۆکیش هاوشێوەی سلێمانی و هەولێر بۆ ساڵی نوێی خوێندن رای قوتابیان و مامۆستایان لەبارەی پەیرەوکردنی سیستمی یەکپۆشی وەربگرن.

عێراق ماڵئاوایی لە پاڵەوانێتی ڕۆژئاوای ئاسیا کرد

سه‌ره‌نجام یارییه‌كه‌ بەگۆڵێکی بێوەڵام بۆ لوبنان كۆتایهات

هەواڵ بڵاوکراوەتەوە: 28/06/2022

خه‌ڵك

هەڵبژاردەی تازه‌پێگه‌یشتوانى عێراق له‌ قۆناغی پێش کۆتایی پاڵەوانیەتی ڕۆژئاوای ئاسیای بەرامبەر لوبنانی بەگۆڵێکی بێوەڵام تووشى شكست هات .

عێراق له‌ یارییه‌كه‌ ئاستی پێویستی پێشکەش نەکرد لە گێمی یەکەم بۆ تۆمارکردنی گۆڵ لە خولەکی (٤) یاریزان محمد یاسین کە سودی لە دواکەوتنی بەرگریکارەکان وەرگرت تاكه‌ گۆڵى لوبنانى نووسیه‌وه‌ .

گێمی دووەم عێراق هەوڵی گەڕانەوەی دا به‌ڵام بێسوود بوو سه‌ره‌نجام یارییه‌كه‌ بەگۆڵێکی بێوەڵام بۆ لوبنان كۆتایهات و گه‌شتى عێراق له‌ پاڵه‌وانێتییه‌كه‌ كۆتایهات .