سەردێر

ئۆلۆمپیی عێراق به‌ كۆمه‌ڵێك كێشه‌وه‌ ده‌چێته‌ پاڵه‌وانێتى ئاسیا

لەوانە پاسپۆرت و کارتی باری کەسی

خه‌ڵك

هەڵبژاردەی ئۆڵۆمپی عێراق، لە گەشتی داهاتووی بۆ ئۆزبەکستان بۆ بەشداریکردن لە یارییه‌كانى جامی ئاسیا، کە سەرەتای مانگی داهاتوو دەست پێدەکات، رووبەڕووی ئاستەنگی زۆر دەبێتەوە، لەبەر رۆشنایی ئەو کێشە كارگێڕییانه‌ى کە ئامادەکارییەکانی گرتەوە.

كێشه‌كان سەرەتا بە دواکەوتنی تەواوکردنی کاغەزەکانی یه‌كێك له‌ ریزانانه‌ پیشەگەره‌كانى لە ئەوروپا دەستی پێکرد، هەرچەندە باوکی هاتە بەغدا و دەستی بە ڕێکارەکانی دەرکردنی بەڵگەنامە فەرمییەکە و هاوپێچەکانی کرد، لەوانە پاسپۆرت و کارتی باری کەسی.

بەڵام سەرپەرشتیاری هەڵبژاردەی ئۆڵۆمپی، غانم عوره‌یبى، ئامادەنەبوونی مارتن حەدادی پیشەگەری لە کۆتاییه‌كانى جامی ئاسیا راگەیاند، بەهۆی دواکەوتنی ناردنی ناوەکەی لە لیستى یاریزانانى پاڵەوانێتییەکە، هەڵبژاردەی عێراق لە گروپێکدا یاری دەکات کە شانبەشانی ئەو، ئوسترالیا و ئوردن و کوێت لەخۆدەگرێت.

قەیرانی نه‌ناردنى یاریزانان
کێشەکان بۆ ئۆڵۆمپیادی عێراق بەردەوام بوون، کاتێک زیاتر لە یانەیەک ڕێگری لە یاریزانەکانی کرد لە پەیوەندیکردن بەو مەشقانەی کە لە یاریگای شه‌عب دەستیپێکردبوو، لە کەشێکی ناسروشتیدا دوای زریانێکی “خۆڵبارین” کە کاتەکانی یەکەی مەشقەکانی کەمکردەوە کە نیوەی یاریزانەکان ئامادەی بوون ، و نیوەکەی تر بە هۆکاری جیاواز ئاماده‌نه‌بوون

دووخستنه‌وه‌ى یاریزانێكى كورد
کێشەکان بەردەوام بوون، یاریزانی کورد ئەحمەد سەرتیپ لەهەڵبژاردەی ئۆڵۆمپی ئامادەکار بۆ جامی ئاسیای خوار 23 ساڵ دوورخرایەوە ، بەهۆکاری دیسپلینی پاش ئەوەی ڕەتیکردەوە ژمارە (10) بداتە حەسەن عبدالکریم

راهێنه‌ر تا ئه‌م ساته‌ ئاماده‌ نییه‌
لەناو ئەم “کێشانە”دا، میرۆسلاڤ سۆکۆپی ڕاهێنەری چیکی لە یەکەم یەکەی مەشقەکاندا بەشداری نەکرد ، پێدەچێت بڕیاری وەستاندنی گەشتەکان بۆ فڕۆکەخانەی بەغدا و گەڕانەوە بەهۆی زریانی خۆڵبارین هۆکارێک بێت بۆ ئامادەنەبوونی چیک لە مەشقەکان، بەجۆرێک یاریدەدەرەکانی عەباس عوبێد و سەعد حافز ئەرکەکەیان تەواو کرد و دەستیان بە مەشقی جەستەیی و تاکتیکی کرد لە یاریگای نێودەوڵەتی شەعب.