سەردێر

ئەمڕۆ شێرەكانی ڕافیدەین ڕووبەڕووی هۆنگ كۆنگ دەبنەوە

خەڵك-
جەماوەری عیراق ئەمڕۆ هەینی چاودەبڕێتە یاریگای مەحرەق لە مەنامەی پایتەختی بەحرێن كە میوانداریی یاریی هەڵبژاردەی نیشتمانی عیراق دەكات لەبەرانبەر هۆنگ كۆنگ لە چوارچێوەی خولی هەشتەمی یارییەكانی خولی دووەمی گروپی سێی پالاوتنەكانی مۆندیالی قەتەی 2022 و پاڵەوانێتی جامی ئاسیا لە چین لە 2023.

هەڵبژاردەی عیراق لەم یارییەدا لە ڕیزبەندی یەكەمی گروپی سێیە بە 14 خاڵ و دوو خاڵ لەپێش دووەمی گروپەكەوەیە كە ئێرانە، هەڵبژاردەی بەحرێنیش بە 12 خاڵ لە پلەی سێیەمدایە، هەڵبژاردەی هۆنگ كۆنگ لە پلەی چوارەمدایە و 5 خالًی هەیە، هەڵبژاردەی كەمبۆدیاش لە ڕیزبەندی كۆتاییە و تەنیا یەك خاڵی هەیە.

شێرەكانی ڕافیدەین هەوڵدەدەن لەبەرانبەر هۆنگ كۆنگ براوەبن و سێ‌ خاڵی یارییەكە بۆخۆیان بپچڕن، تا كاروانی گەیشتن بە خولی داهاتوو مسۆگەر بكەن، و هیچ خاڵێك لەدەست نەدەن، بە تایبەت كە هەڵبژاردەی ئێران تەنیا دوو خاڵ لە دواوەیە.

پێشتر لە یاریی ڕۆیشتن، هەڵبژاردەی عیراق لە یاریگای بەسرە توانی بە دوو گۆڵی بێ‌ بەرانبەر لە هەڵبژاردەی هۆنگ كۆنگ بباتە و بڕیاریشە یارییەكەی ئەمڕۆ هەینی لە كاتژمێر 7:30 بەڕێوەبچێت.