سەردێر

نێیمار و دیگالۆ بەشەڕ هاتن

خەڵک – وەرزش

نێیمار داسیلڤا هێرشبەری یانەی پاریس سان جێرمان لەگەڵ تیاگۆ دیگالۆی بەرگریکاری پورتوگالی و یاریزانی یانەی لیلی فەرەنسی پێکدا هەڵپژان و دەمەقاڵێ لە نێوانیاندا دروست بوو.

دوای ئەوەی ناوبژیوان، بە چەند خولەکێک بەر لە کۆتایی یاری نێوان لیل و پاریس، کارتی سووری بەڕووی هەردوو یاریزان نێیمار و دیگالۆدا بەرز کردەوە، هەردوو یاریزان لە ڕێڕەوی چوون بەرەو ژووری خۆگۆڕینەکانیان بووە دەمەقاڵەیان و پەلاماری یەکدیان دا.

دەمەقاڵێی نێوان ئەم دوو یاریزانە لە کاتێکدا بوو، کە لە گەڕی 31ی خولی فەرەنسیدا هەردوو یانە لە یاریگای باخچەی شازادەکان ڕووبەڕووبوونەوە و سان جێرمان بە ئەنجامی گۆڵێک بەرامبەر بە سفر دۆڕا، بەر لە کۆتایی یارییەکە، یاریزانە پرتوگالییەکە سەرپێچییەکی بەرامبەر ئەستێرە بەرازیلییەکە ئەنجامدا و نێیماریش بە پاڵ پێوەنان وەڵامی دایەوە.

یاریزانە بەرازیلییەکە هەر بەوە نەوەستا، بەڵکو بەردەوام بوو لە دەربڕینی ڕق و تووڕەیی و لە ڕاڕەوی چوون بەرەو ژووری خۆگۆڕین نزیک بوون لەوەی دەستەو یەخە لەگەڵ یەک بجەنگن، بەڵام ئەندامانی هەردوو تیم کەوتنە نێوانیان.

ئەمە 11 یەمین کارتی سوورە لەژیانی پیشەیی نێیماری بەڕازیلی و چوارەم  لەگەڵ یانەی پاریس سان جێرمان کە بە روویدا بەرز کرابێتەوە.

بەدۆڕاندنی ئەم یارییەی خولی فەرەنسی، یانە پاریسییەکە پێشەنگی بۆ لیل بە 66 خاڵ بەجێدەهێڵێت، خۆشی بە 63 خاڵ هاتە دوای یانە براوەکە.

بەئەنجامی ئەم یارییە، یانەی پاریس سان جێرمان لەم وەرزەدا، هەشتەم دۆڕانی تۆمار کرد، لە کاتێکدا 20 یاری بردووەتەوە لە 3 یاریشدا یەکسان بووە.