سەردێر

مانچێستەر سیتی بەردەوامە لەسەر بردنەوە

بەو سەرکەوتنەی بەسەر یانەی وۆلڤەرهامپتۆن، یانەی مانچێستەر سیتی کۆی خاڵەکانی بەرزبووەوە بۆ ٦٥ خاڵ.

خەڵک – وەرزش

یانەی مانچێستەر سیتی بە تۆمارکردنی چوار گۆڵ بەرامبەر یەک گۆڵ لە یاریگای خۆیدا بەسەر یانەی وۆلڤەرهامپتۆن-دا سەرکەوت.

لە هەفتەی ٢٦هەمینی خولی یانە نایابەکانی ئینگلتەرا بۆ تۆپی پێ (پرێمیەر لیگ)دا، یانەی مانچێستەر سیتی لە یاریگای ئیتیحاد میوانداری یانەی وۆلڤەرهامپتۆن-ی کرد، لە خولەکی ١٥دا یاریزانی وۆلڤەرهامپتۆن، لیندەر دیندۆنکەر بەهەڵە گۆڵێکی لە بەرژەوەندی سیتی لە یانەکەی خۆی تۆمار کرد، نیوەی یەکەمی یاریەکەش بەو ئەنجامە تەواوبوو.

یانەی میوان وۆلڤەرهامپتۆن لە خولەکی ٦١دا لە رێگەی کۆنۆر کۆدی-ەوە گۆڵێکی تۆمار کرد و ئەنجامەکەی یەکسان کردەوە.

دواتر مانچێستەر سیتی لە خولەکەکانی ٨٠، ٩٠ و ٩٢دا لە رێگەی گابرێل جیسس و ریاز مەحزەر-ەوە گۆڵەکانیان ی تۆمار کرد و یارییەکەی چوار بە یەک گۆڵ بردەوە.

مانچێستەر سیتی ئەوە ١٥ هەمین جارە لەسەر یەک لە پرێمیەر لیگدا سەرکەوتن تۆمار دەکات، بەم جۆرەش خاڵەکانی بەرزبووەوە بۆ ٦٥ خاڵ..



هەلبژاردە

گرنگترینەکان