ئێمە لە تۆرە کۆمەڵایەتیەکان

تۆڕی میدیایی خەڵك خولی فێربوونی (هەواڵسازی، بێژەری و پێشكەشكاری، پەیامنێری) دەكاتەوە

تۆڕی میدیایی خەڵك ئاگاداری سەرجەم فێرخوازان و خوازیارانی كاری میدیایی دەكاتەوە، كە هەڵدەستێت بە كردنەوەی خولی فێربوونی  (هەواڵسازی، بێژەری و پێشكەشكاری، پەیامنێری).
ئەم خولە بۆ یەكەمجارە لە هەرێمی كوردستاندا دەكرێتەوە، كە شێوازی فێركردنی فێرخوازان 80%ی پراكتیكییە و ڕاستەوخۆ لەگەڵ كارمەندان لە ژووری هەواڵ و ستۆدیۆكانی تۆڕی میدیایی خەڵكدا مەشق و راهێنان دەكەن و بەرهەمەكانیشیان دوای ئامادەكردنیان، بە ناوی خۆیانەوە بڵاودەكرێنەوە.
خولەكان ماوەی مانگێك دەخایەنن و ڕاستەوخۆ لە ژێر چاودێری و سەرپەرشتی بەرپرسی بەشەكانی تۆڕی میدیایی خەڵك سازدەكرێن و فێرخوازان وەك كارمەند مامەڵەی كاركردنیان لەگەڵدا دەكرێت لەبەشە جیاوازەكانی سایت و ڕادیۆ و تۆڕە كۆمەڵایەتیەكانی تۆڕی میدیایی خەڵك.
فێرخوازان بە شێوازێكی ئەكادیمی و كاری میدیایی سەردەمیانە فێردەكرێن دوور لە هیچ كاریگەرییەكی حزبی و سیاسی و بەرژەوەندی كەسی.
فێرخواز لە كۆتایدا بڕوانامەی بەشداریكردنی پێدەبەخشرێت.
مەرجەكانی بەشداریكردن:
1- پێویستە بڕوانامەی خوێندن لە ناوەندی زیاتربێت.
2 –  پابەندبوون بە كاتی دیاریكراو بۆ خولەكان.
3- پابەندبوون بە سیستم و رێنماییە ئیدارییەكانی تۆڕی مێدیایی خەڵك لە ماوەی كاركردندا وەك كارمەندێكی دیكە.
4- پێویستە خوازیار بەلایەنی كەمەوە زانیارییەكی سەرەتایی دەربارەی ڕاگەیاندن یان حەزێكی بۆ كاری میدیایی هەبێت.
5- ئەوانەی زمانێكی بێگانە یان زیاتر دەزانن چانسی بەشداریكردنیان باشترە.
6- ئەوانەی بڕوانامەی بواری میدیاییان هەیە چانسی بەشداریكردنیان باشترە.
7- پێویستە بەشدار بوو شارەزایی لە بەكارهێنانی پرۆگرامە جیاجیاكانی كۆمپیوتەر و ئینتەرنێتدا هەبێت.
8- فێرخواز پێویستە توانای نوسین و خوێندنەوە و تایپكردنی بە زمانی كوردی هەبێت.
 9-فێرخواز بڕەپارەیەكی رەمزی كەم دەدات لەبەرامبەر بەشداریكردنیدا.
فێرخوازان دەتوانن بۆ بە مەبەستی بەشداریكردن سڤییەكانیان كە بە زمانی كوردی نوسرابن بۆ ئیمێلی [email protected] بنێرن.
بۆ زانیاری زۆرتر دەتوانن پەیوەندی بكەن بە ژمارە تەلەفۆنی:
07714343939 یان 07740911339
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان