ئێمە لە تۆرە کۆمەڵایەتیەکان
ریکلام

ئابوری

بانكی رافیدەین راگەیەندراوێكی نوێی لەسەر پێدانی پێشینە بڵاوكردەوە

خەڵك- بەشی هەواڵ

بانكی رافیدەین لە راگەیەندراوێكدا ئاشكرای كرد، كە لە بەغداد و چەند پارێزگایەكی دیكەی عێراق لقی تایبەتیان بۆ پێدانی پێشینەی 5 ملیۆن و 10 ملیۆنی كردۆتەوە و فەرمانبەرانی حكومەت دەتوانن داوای بكەن.

راگەیاندنی بانكی رافیدەین لە راگەیەندراوێكدا ئاماژەی بەوەكردووە، فەرمانبەرانی حكومەت لەرێگەی “ئەلكترۆنی”ەوە دەتوانن داواكاری پێشكەش بكەن بۆ وەرگرتنی پارەكە، بە جێبەجێ كردنی ئەو مەرجانەی كە پێشتر بڵاوكراونەتەوە.

هەر لە راگەیەندراوەكەدا ئەوەیش رونیكراوەتەوە، كە تەنها لەرێگەی ئەلكترۆنییەوە پێشینە دەدرێت و بە هیچ شێوەیەكی تر رێكاری ناگیرێتەبەر بۆ پێدانی پێشینە.

ئابوری

نرخی دراوەكان لە بازاڕەكانی هەرێمی كوردستان

خەڵك-بەشی هەواڵ

بەهێز عەبدولحەمید خاوەنی نوسینگەی سروشتی چنگیان لە شاری سلێمانی بە (خەڵك)ی ڕاگەیاند، بۆ ئەمڕۆ پێنج شەممە نرخی دۆلار بە 121 هەزار و 150 دینار مامەڵەی پێوە كراوە.

نرخی دراوەكان لە بازاڕەكانی هەرێمی كوردستان بەمشێوەیەیە..
100دۆلار 121 هەزار و 150 دینار.
100 یۆرۆ 140 هەزار و 750 دینار.
100 پاوەن 157 هەزار دینار.
100 هەزار تمەن 9 هەزار دینار.
100 لیرە 19 هەزار و 500 دینار.

بەردەوام بە لە خوێندنەوە

ئابوری

نرخی نەوت گەیشتە نزیكە 80 دۆلار

خەڵك- بەشی هەواڵ
سەرەڕای زیادبوونی بڕی ئەمباركراوی نەوت، بەڵام بەهۆی مەترسییەكانی لەسەر ئەوەی بەرهەمهێنەرانی نەوت نەتوانن بڕی پێویست نەوت بەرهەم بهێنن و ئەو كورتهێنانەی نەوت پڕبكەنەوە، كە بەهۆی سزاكانی ئەمریكاوە بەسەر ئێران لە بڕی بەرهەم دروست دەبێت، نرخی نەوت بەرزبووەوە.

ئاژژانسی (ڕۆیتەرز) بڵاویكردەوە، دوانیوەڕۆی ئەمڕۆ جارێكی دیكە نرخی نەوتی برێنت 16 سەنت بەرزبۆتەوە و نرخی بەرمیلێك بۆتە 79 دۆلار و 19 سەنت، هەرچەندە لە ڕۆژانی ڕابردوودا بەڕێژەی 1.3% بەرزبووەوە.

هاوكات نرخی نەوتی خاوی ئەمریكی بە بڕی 20 سەنت و بە ڕێژەی 0.29% بەرزبۆتەوە و بۆتە 70 دۆلار و 5 سەنت، دوای ئەوەی لە چەند ڕۆژی ڕابردوودا بە ڕێژەی 1.4% بەهاكەی بەرزبووەوە.

ڕۆژی سێ‌ شەممەی ڕابردوو بەپێی ڕاپۆرتی ڕاگەیاندنەكان، سعودیە وەك یەكێك لە گەورە هەناردەكارانی نەوت هەستی بە گەشانەوەیەكی زۆر كردووە بەهۆی بەرزبوونەوەی نرخی نەوت بۆ 80 دۆلار.

5ی ئەیلول ئاژانسەكە بڵاویكردەوە، سعودیە دەیەوێت نرخی نەوت لەنێوان 70 بۆ 80 دۆلار بمێنێتەوە بۆ پارێزگاری لە هاوسەنگی نرخەكان تا ئەو كاتەی هەڵبژاردنی كۆنگرێسی ئەمریكا دەكرێت.

بەردەوام بە لە خوێندنەوە

ئابوری

خەڵك؛ خشتەی دووەمی مووچەی فەرمانبەران بڵاودەكاتەوە

خەڵك – بەشی هەواڵ
سەرچاوەیەكی باڵا لە وەزارەتی دارایی و ئابووری حكومەتی هەرێم ڕایدەگەیەنێت، لە ڕۆژی یەك شەممەوە دەست بە دابەشكردنی مووچەی فەرمانبەرانی هەرێم دەكرێت، دەشڵێت: “ڕۆژی پێنج شەممەی داهاتوو كۆتایی بەدابەشكردنی مووچەی مانگی حوزەیران دێت”.

لە دوای گەیشتنی بڕی 317 ملیار دینارەكەی حكومەتی ناوەندی بۆ وەزارەتی دارایی تاكۆتایی هەفتەی داهاتوو مووچەی سەرجەم مووچەخۆرانی هەرێم دابەشدەكرێت بە پێی زانیارییەكانی (خەڵك)یش ڕۆژی دوو شەممە 24ی ئەیلول مووچەی سەرجەم وەزارەت و دەستە و سەرۆكایەتییەكانی هەرێم دەدرێت.

سەرچاوەیەكی باڵا لە وەزارەتی دارایی و ئابووری حكومەتی هەرێم بە (خەڵك)ی ڕاگەیاند، وەزارەتی دارایی پێشوەختە هیچ لیستێكی مووچە بڵاوناكاتەوە، بەڵام لە ڕێگەی گەنجینەكانەوە وەزارەتەكان ئاگادار دەكرێنەوە، كە چ ڕۆژێك مووچەكەیان دابەشدەكرێت.

وتیشی، “حكومەت بابەندە بە پێدانی مووچەی فەرمانبەرانی وەزارەتەكان هەموو 30 ڕۆژ جارێك و بڵاونەكردنەوەی خشتەی مووچەی پێشوەختە بۆ ئەوە دەگەڕێتەوە، كە هەواڵی مووچە نەكرێت هەواڵی بەپەلە”.

ئاشكراشی كرد، هەفتەی داهاتوو كۆتایی بەدابەشكردنی مووچەی فەرمانبەران دێت بەجۆرێك ڕۆژی یەك شەممە 23ی ئەیلول (وەزارەتی ناوخۆ، ئەنجومەنی ئاسایشی هەرێم و دەزگای ئاسایش، لەگەڵ هێزەكانی زێرەڤانی و هێزی بەرگری و فریاكەوتن ڕەگەزنامە مووچەیان پێ‌ دەدرێت.

وتیشی، “ڕۆژی دوو شەممە 24ی ئەیلول بڕیارە مووچەی سەرجەم ئەو وەزارەتانە دابەشبكرێـت، كە مووچەیان وەرنەگرتووە، ڕۆژی سێ شەممە 25ی ئەیلول مووچەی خانشینی پێشمەرگە و ڕۆژی چوار شەممە مووچەی خانەشینی شارستانی خەرج دەكرێت”.

سەرەڕای بڕیاری وەزارەتی دارایی بۆ پێدانی مووچە بە 30 ڕۆژ جارێك، بەڵام پێدانی مووچەی بەشێكی وەزارەتەكان دەبێتە 35 ڕۆژ و زیاتر.

پێشتر فەرمانبەرێكی شارەوانی بۆ (خەڵك) ڕایگەیاندبوو، كە مانگی ڕابردوو لە 16 مانگ مووچەمان وەرگرت و ئەم مانگە دابەشكردنی مووچەی وەزارەتەكەمان دەگاتە دوای 23ی مانگ و بەوەش زیاتر لە 30 ڕۆژ دەكات.

بەردەوام بە لە خوێندنەوە
ریکلام

کوردستان

دوایین