ئێمە لە تۆرە کۆمەڵایەتیەکان
ریکلام

جیهان

رۆژنامەیەكی بەریتانی: ترەمپ بەردەوامە لە خستنەوەی ئاگر لە رۆژهەڵاتی نێوەڕاستدا

رۆژنامەكانی بریتانیا باسیان لە دۆسێی گواستنەوەی باڵیۆزخانەی ئیسرائیل بۆ قودس كردووە لەگەڵ ئەو شەپۆلی بەرفراوانی ناڕەزایەتییانەی لێی كەوتووەتەوە.

خەڵك- بەشی هەواڵ

رۆژنامەكانی بریتانیا باسیان لە دۆسێی گواستنەوەی باڵیۆزخانەی ئیسرائیل بۆ قودس كردووە لەگەڵ ئەو شەپۆلی بەرفراوانی ناڕەزایەتییانەی لێی كەوتووەتەوە.

رۆژنامەی گاردیان لە گوتارێكدا لە نووسینی راشیل شابی ئاماژەی بەوەكردووە، ترەمپ لە قودس ئاگرێكی كردووەتەوە كە نەخشەی كوژاندنەوەی نییە، ئەنجامە سەرەتاییەكانیشی بریتین لە كوژرانی دەیان فەلەستنی لە كاتژمێرەكانی رابردوودا.

دوێنێ وڵاتە یەكگرتووەكانی ئەمریكا باڵیۆزخانەی خۆی لە ئیسرائیل لە تەلئەبیبەوە گواستەوە بۆ قودس و شارەكەی وەك پایاتەختی ئیسرائیل ناساند هاوكات لەگەڵ 70 هەمین ساڵوەگەڕی دامەزراندنی دەوڵەتی ئیسرائیلدا.

لای خۆیەوە بە هەزاران فەلەستینی لە غەزە خۆپیشاندانیان دژی ئیسرائیل  دەستپێكرد و بە گولەی هێزەكانی ئیسرائیل نزیكەی 50 فەلەستینی كوژران و نزیكەی 600 كەسی دیكەش برینداربوون.

جیهان

ئێران رێكخراوێك بە ئەنجامدانی هێرشەكەی ئەهواز تۆمەتبار دەكات

خەڵك- بەشی هەواڵ
سوپای پاسدارانی ئێران، (رێكخراوی ئەحوازی) بە ئەنجامدانی هێرشەكەی سەرلەبەیانی ئەمڕۆی ئەهواز تۆمەتبار دەكات كە نمایشێكی سەربازی لە باشووری خۆرئاوای وڵاتەكە كردە ئامانج و تێیدا 12 كەس كوژران و 60 كەسی تر برینداربوون.

رەمەزان شەریف، وتەبێژی سوپای پاسدارانی ئێران رایگەیاند”رێكخراوی ئەحوازی لە پشت ئەو هێرشەوە بوو كە كرایە سەر نمایشێكی سەربازی بە بۆنەی ساڵیادی جەنگی ئێران- عیراق (1980-1988)”.

شەریف بە ئاژانسی دەنگوباسی (ئیسنا)ی ئێرانی راگەیاندووە”رێكخراوی ئەحوازی لەلایەن سعودیەوە پشتیوانی دەكرێت و دەستی لە هێرشەكەی ئەمڕۆدا هەیە”.

(بەرەی دیموكراتی میللی ئەحوازی) كە بە (ئەحوازی) ناودەبرێت، وەها ناسراوە كە رێكخراوێكە داوای جیابوونەوەی ناوچەكانی باشووری ئێران و دامەزراندنی ئیدارەیەكی عەرەبی سەربەخۆ دەكات لەو ناوچانە.

لە هێرشەكەدا 12 كەس كوژران كە زۆربەیان پاسدار بوون و نزیكەی 60 كەسی تر برینداربوون، بەپێی میدیاكانی ئێرانیش، هێرشبەرەكان جلوبەرگی سەربازییان لەبەركردبوو، دواتر بەشێوەیەكی كوێرانە دەستدڕێژی گولـلەیان بەنێو ئەو سەربازانەدا كرد كە بەشدارییان لە نمایشە سەربازییەكەدا كردبوو، هێرشەكەش وەك میدياكان باسی دەكەن، نزیكەی 10 خولەكی خایەندووە.

ئاژانسی (ئیسنا)ی ئێرانی باسی لە كوژرانی 4 لە هێرشبەرەكان كردبوو، بەبێ‌ ئەوەی ژمارەی تەواوەتییان بخاتەڕوو.

بەردەوام بە لە خوێندنەوە

جیهان

بەڤیدیۆ..ساتەوەختی تەقەكردن لە نمایشە سەربازییەكەی سوپای ئێران

خەڵك-بەشی هەواڵ

میدیاكانی ئێران بڵاویان كردەوە، بەرەبەیانی ئەمڕۆ چوار چەكداری نەناسراو هێرشیان كردوەتەسەر نمایشێكی سەربازی سوپای ئێران و بەپێی زانیارییەكان، تا ئێستا 12 كەس كوژراون و زیاتر لە 60 كەس بریندار بوون.

ئاژانسی ئیلنای ئێرانی چەند تۆمارێكی ڤیدیۆیی ساتەوەختی تەقەكرنی هێرشبەرەكان بڵاودەكاتەوە.
پێشتر بریكاری سیاسی پارێزگاری خوزستان ئاشكرایكرد، 11 كوژراو بوونیان هەیە و ژمارەیان لە زیادبووندایە.

بەردەوام بە لە خوێندنەوە

جیهان

یەكەم لێدوانی فەرمی ئێران لەپاش هێرشی سەر نمایشە سەربازییەكەى ئەهواز

خەڵك- بەشی هەواڵ

دوای ئەو هێرشەی كرایە سەر نمایشێكی سەربازی لە ئەهوازی خۆرئاوای ئێران كە تێیدا 11 كەس كوژران و 30 كەسی تر برینداربوون، محەمەد جەواد زەریف وەزیری دەرەوەی ئێران رایگەیاند”بەخێوكەرانی ئیقلیمی تیرۆریستان و ئاغا ئەمریكاییەكانیان، دەستییان لە هێرشە تیرۆریستییەكەدا هەبووە”.

زەریف لە تویتێكیدا لەسەر تۆڕی كۆمەڵایەتی (تویتەر) رایگەیاندووە”بەسەربازكردنی تیرۆریستان و پڕچەككردنیان و كۆمەمەككردنیان لەڕێی سیستمە بیانییەكان، هێرشیان كردە سەر ئەهواز، لەنێوان قوربانییەكاندا منداڵ هەیە و ئێران، بەخێوكەرانی ئیقلیمی تیرۆریستان و ئاغا ئەمریكاییەكانیان، بە بەپرس دادەنێت لەو هێرشەدا”.

بە وتەی زەریف”ئێران بۆ بەرگری لە ژیانی ئێرانییەكان، بەشێوەیەكی توند و خێرا وەڵام دەداتەوە”.

سەرلەبەیانی ئەمڕۆ لانی كەم 11 پاسداری ئێرانی لە هێرشێكی چەكداریدا كوژران كە كرایە سەر نمایشێكی سەربازی لە شاری ئەهوازی باشووری خۆرئاوای وڵاتەكە.

سەرلەبەیانی ئەمڕۆ تەلەفیزیۆنی فەرمی ئێران رایگەیاند، ژمارەیەك كوژراو و بریندار هەیە لە هێرشێكدا كە نمایشێكی سەربازی لە باشووری خۆرئاوای وڵات كردە ئامانج.

بەپێی تەلەفیزیۆنی ئێرانی، تەقەكردنە سەرەتا لەلایەن چەكدارەكانەوە دەستیپێكرد كە لە پشت یەكێك لە مەدرەجەكانەوە وەستابوون لەكاتی نمایشەكەدا و بەو هۆیەوە ژمارەیەك كوژران و دەیانی تریش بریندار بوون.

ئاژانسی فارسی ئێرانی رایگەیاندبوو، تەقەكردنەكان سەربازە بەشداربووەكانی نمایشە سەربازییەكەیان كردبووە ئامانج كە بە بۆنەی یاردی دەستپێكردنی جەنگی ئێران عیراق لە هەشتاكانی سەدەی رابردوو، سازكرابوو.

ئاژانسی (روسیا الیوم)یش لای خۆیەوە بڵاویكردبۆوە، حەسەن رۆحانی سەرۆكی ئێران، لەدوای بيستنى هەواڵی هێرشە چەكدارییەكەی سەر نمایشی سەربازی ئەهواز، نمایشێكی سەربازی لە تاران بەجێهێشتووە.

بەردەوام بە لە خوێندنەوە
ریکلام

کوردستان

دوایین