ئێمە لە تۆرە کۆمەڵایەتیەکان

وەرزشەکانی تر

فێدره‌ری ئه‌فسانه‌ گه‌ڕایه‌وه‌ لوتکه‌ی ڕیزبه‌ندی و هالیب له‌پێگه‌که‌ی خۆیدا مایه‌وه‌

خه‌ڵک سپۆرت

به‌ده‌ستهێنانی نازناوی پاڵه‌وانێتی شتوتگارت له‌لایه‌ن ڕۆجێ فێدره‌ری ئه‌فسانه‌ی سویسریه‌وه‌ کاریگه‌ری ئاگرینی له‌سه‌ر ڕیزبه‌ندی یاریزانه‌ پیشوه‌ره‌کانی تێنسی سه‌رزه‌وی دروست کرد.

به‌پێی نوێترین ڕیزبه‌ندی که‌ له‌لایه‌ن یه‌کێتی نێوده‌وڵه‌تی تێنسی سه‌رزه‌وی-یه‌وه‌ بڵاوکراوه‌ته‌وه‌، ڕۆجێ فێدره‌ر توانیویه‌تی به‌جیاوازی ١٥٠ خاڵ پێش رافائێل نادالی ئیسپانی بکه‌وێت و لوتکه‌ به‌ده‌ست بهێنێته‌وه‌، بێگومان ئه‌م گه‌ڕانه‌وه‌یه‌ش دوای ئه‌وه‌ هات که‌ له‌ فاینه‌ڵی “جامی مێرسیدس” سه‌رکه‌وتنی به‌سه‌ر میلوس ڕاونیچی که‌نه‌دی به‌ده‌ست هێنا.

ڕیزبه‌ندی کوڕانی تێنسی سه‌رزه‌وی:

  • ڕۆجێ فێدره‌ر
  • رافائێل نادال
  • ئه‌لیکسانده‌ر زڤیرێڤ
  • خوان مارتن دیل پۆترۆ
  • گریگۆر دیمیترۆڤ
  • مارین سیلیچ
  • دۆمینیک تیم
  • کیڤن ئاندێرسۆن
  • ده‌یڤید گوڤین
  • جۆن ئیسنه‌ر

له‌سه‌ر ئاستی کچان، سیمۆنا هالیب دوای به‌ده‌ستهێنانی نازناوی “ڕۆلاند گارۆس” توانی له‌لوتکه‌ی ڕیزبه‌ندیدا خۆی جێگیر بکات، هه‌روه‌ها سلوانی ستیڤنزی ئه‌مریکی به‌ به‌ده‌ستهێنانی پله‌ی دووه‌می هه‌مان پاڵه‌وانێتی توانی شه‌ش پێگه‌ بازبدات و پێگه‌ی چواره‌م بگرێته‌وه‌، مادیسۆن کیزی ئه‌مریکی به‌هه‌مان شێوه‌ سێ پێگه‌ بازیداوه‌ و هاتۆته‌ پله‌ی ده‌یه‌مه‌وه‌.

ڕیزبه‌ندی کچان به‌م شێوه‌یه‌یه‌:

  • سیمۆنا هالیب
  • کارۆلیڤا ڤۆزنیاکی
  • گاربین موگۆرزا
  • سلوان ستیڤنز
  • ئیلینا سڤیتۆلینا
  • مارۆلینا گارسیا
  • کارۆلینا پلیسکۆڤا
  • پترا کڤیتۆڤا
  • ڤینۆس ویلیامز
  • مادیسۆن کیز
ریکلام

جیهانی

پاڵه‌وانی ئیتاڵیا و جیهان: گرنگ نییه‌ به‌لامه‌وه‌ کریستیانۆ هاوسه‌ری هه‌یه‌ یان منداڵ، کێشه‌م نییه‌ و ئاماده‌م

خه‌ڵک سپۆرت

فیدریکا پیلیگرینی مه‌له‌وانی ناوداری ئیتاڵیا و جیهان، هانده‌رێکی سه‌رسه‌ختی یانه‌ی یوڤانتۆسه‌ و به‌ئاشکرا خۆشه‌ویستی خۆی بۆ کریستیانۆ ڕۆناڵدۆی پورتوگالی ده‌رده‌بڕێت.

فیدریکا چه‌ندین ساڵه‌ له‌ڕێگه‌ی تۆڕه‌ کۆمه‌ڵایه‌تیه‌کان و سکرینی ته‌له‌ڤیزیۆنه‌ وه‌رزشیه‌کانه‌وه‌‌ ئه‌وه‌ی ئاشکرا کردووه‌، که‌ هانده‌ری سه‌رسه‌ختی “خانمه‌ پیره‌که‌یه‌”، له‌ئێستاشدا دوای په‌یوه‌ندیکردنی کریستیانۆ ڕۆناڵدۆی پورتوگالی به‌و یانه‌یه‌وه‌ زیاتر یانه‌ زه‌به‌لاحه‌که‌ی تۆرینۆی له‌لا خۆشه‌ویست بووه‌.

له‌م باره‌یه‌وه‌ به‌ “موندۆ دیپۆرتیڤۆ”ی ئیسپانی ڕاگه‌یاندووه‌ :” ئه‌گه‌ر کریستیانۆ ڕۆناڵدۆ بۆ خوانێکی ئێواره‌ بانگهێشتم بکات، ڕاسته‌وخۆ قایل ده‌بم، له‌ڕاستیدا گرنگ نییه‌ به‌لامه‌وه‌ هاوسه‌ری هه‌یه‌، هاوسه‌رگیری کردووه‌ یان خاوه‌ن منداڵه‌، من کێشه‌م نییه‌”.

هه‌روه‌ها ده‌ڵێت :” پێموابێت له‌داهاتودا زیاتر سه‌ردانی یاریگای یوڤانتۆس ئارینا ده‌که‌م بۆ ئه‌وه‌ی کریستیانۆ ببینم‌ چۆن یاریی ده‌کات، زۆر حه‌زیش ده‌که‌م ڕوواو ڕوو چاوم پێی بکه‌وێت”.

لێدوانه‌کانی فریدریکا له‌نێو ماڵپه‌ڕه‌ بیانیه‌کاندا سه‌دایه‌کی به‌هێزی داوه‌ته‌وه‌، چونکه‌ به‌ ئاشکرا ده‌ریده‌خات که‌ گوێ به‌ جۆرجینا ڕۆدریگێزی خۆشه‌ویستی یاریزانه‌که‌ و ته‌نانه‌ت خۆشه‌ویسته‌که‌ی خۆشی نادات و به‌ ئاشکرا به‌یانی ده‌کات که‌ به‌ په‌یوه‌ندی سۆزداری له‌گه‌ڵ ئه‌ستێره‌که‌ی بیانکۆنێری ڕازییه‌.

پاڵه‌وانه‌‌ ئیتاڵیه‌که‌ له‌مێژوویدا توانیویه‌تی میدالیای ئاڵتونی ئۆڵمپیاد و جامی جیهانی و ئه‌وروپا به‌ده‌ست بهێنێت، مه‌له‌وانی ٢٠٠ مه‌تری سه‌ربه‌سته‌ و خاوه‌نی چه‌ندین نازناوی جیهانیه‌.

بەردەوام بە لە خوێندنەوە

وەرزشەکانی تر

(وێنه‌) پاڵه‌وانی جیهان به‌ حه‌وت جه‌وله‌ و ڕاست و چه‌پێک کۆتایی به‌ ورچه‌که‌ی ڕوسیا هێنا !

خه‌ڵک سپۆرت

ئانتۆنی جۆشوای بۆکسێنه‌ری به‌ریتانی پاڵه‌وانی جیهان بۆ کێشی سه‌رو قورس، به‌ بردنه‌وه‌ی له‌ ئه‌لیکسانده‌ر پۆڤتکینی ڕوسی توانی پاریزگاری له‌ پشتوێنه‌کانی بکات.

به‌ره‌به‌یانی ئه‌مڕۆ له‌ یاریگای “ویمبڵی” ئانتۆنی جۆشوا له‌ دابه‌زینێکی ئاگریندا ڕووبه‌ڕوی پۆڤتکینی ڕوسی بۆوه‌، له‌سه‌ره‌تاوه‌ ورچه‌ سپییه‌که‌ی روسیا هێرشی توندی کرده‌ سه‌ر پاڵه‌وان و خوێنی لوتی پژاند، به‌ڵام له‌گه‌ڵ تێپه‌ڕبونی کات “ئه‌ی جه‌ی” توانی کۆنترۆڵی ڕووبه‌ڕوبونه‌وه‌که‌ بکات.

له‌ جه‌وله‌ی حه‌وتدا، جۆشوا لێدانێکی ڕاست و به‌دوایدا چه‌پی ئاڕاسته‌ی ڕکابه‌ره‌که‌ی کرد و کوتای به‌زه‌ویدا، به‌ڵام ڕکابه‌ر هه‌ستایه‌وه‌ سه‌رپێیه‌کانی و دووپاتیکرده‌وه‌، که‌ به‌رده‌وام ده‌بێت، له‌گه‌ڵ لێدانی زه‌نگی ده‌ستپێکردنه‌وه‌دا جۆشوا هیچ مه‌ودایه‌کی پێنه‌دا و ده‌یان لێدانی ئاڕاسته‌کرد، لێره‌دا به‌ئاشکرا ده‌رکه‌وت پۆڤتکین هۆشی به‌خۆی نییه‌ و هه‌سته‌کانی له‌ده‌ستداوه‌، به‌وهۆیه‌وه‌ ناوبژیوان یارییه‌که‌ی ڕاگرت و سه‌رکه‌وتنی پاڵه‌وانی جیهانی ڕاگه‌یاند.

 

بەردەوام بە لە خوێندنەوە

وەرزشەکانی تر

(به‌وێنه‌) ئه‌لڤارێز سه‌رکه‌وتنی به‌سه‌ر گۆلۆڤکین به‌ده‌ست هێنا و پشتوێنه‌کانی پاڵه‌وانی جیهانی چنییه‌وه‌

خه‌ڵک سپۆرت

کانێلۆ ئه‌لڤارێزی بۆکسێنه‌ری مه‌کسیکی توانی کۆنترۆڵی ڕووبه‌ڕوبونه‌وه‌ی نێوانی له‌گه‌ڵ جینادی گۆلۆڤکینی کازاخستانی بکات و پشتوێنی پاڵه‌وانی جیهان به‌ده‌ست بهێنێت.

ڕووبه‌ڕوبونه‌وه‌ی نێوان دوو بۆکسێنه‌ره‌ جیهانیه‌که‌ بۆ کێشی مامناوه‌ند له‌سه‌ر پشتوێنی پاڵه‌وانی جیهان بوو، له‌سه‌ره‌تاوه‌ هه‌ردوو ناوبراو چه‌ندین لێدانیان ئاڕاسته‌ی یه‌کتری کرد، به‌ڵام له‌گه‌ڵ تێپه‌ڕبونی کات و به‌تایبه‌ت له‌ جه‌وله‌ی چواره‌مه‌وه‌ ئه‌لڤارێز توانی ڕکابه‌ره‌ کازاخستانیه‌که‌ی بکوتێت به‌زه‌ویدا و له‌سه‌ر ئاستی خاڵ و لێدانی هونه‌ری پێشی بکه‌وێت.

له‌کۆتا جه‌وله‌کاندا گۆلۆڤکین هه‌وڵیدا بگه‌ڕێته‌وه‌، به‌ڵام وا دیاربوو ئه‌لڤارێزی مه‌کسیکی ئاماده‌باشی زیاتری کردووه‌ و دووباره‌ کۆنترۆڵی ڕووبه‌ڕوبونه‌وه‌که‌ی کرده‌وه‌ به‌تایبه‌ت له‌کۆتا ساته‌کاندا توانی چه‌ندین لێدانی یه‌کلاکه‌ره‌وه‌ ئاڕاسته‌ بکات.

یارییه‌که‌ به‌ لێدانی کوشنده‌ (که‌ی ئۆ) کۆتایی نه‌هات، به‌ڵکو ناوبژیوانان ڕووبه‌ڕوبونه‌وه‌که‌یان به‌ئه‌نجامی (١١٤ – ١١٤)، (١١٥ – ١١٣)، (١١٥ – ١١٣) له‌به‌رژه‌وه‌ندی بۆکسێنه‌ره‌ مه‌کسیکیه‌که‌ یه‌کلایی کرده‌وه‌، به‌وشێوه‌یه‌ش هه‌رسێ نازناوی ئه‌نجومه‌نی جیهانی و ڕابیته‌ و ڕێکخراوی نێوده‌وڵه‌تی بۆکسێنی وه‌ک پاڵه‌وانی جیهان به‌ده‌ستهێنا.

بەردەوام بە لە خوێندنەوە
ریکلام
ریکلام
ریکلام

کوردستان

دوایین