ئێمە لە تۆرە کۆمەڵایەتیەکان

ژیاندۆستی

چیرۆکی ئەو پڕۆفیسۆرەی لمەکەی کردە ناو تۆپی گۆڵفەکانەوە

خێزان
پڕۆفیسۆرێك بەخۆی و هۆكارەكانی فێركردنەوە لەبەردەم خوێندكارەكانیدا ڕاوەستاو بەبێ ئەوەی هیچ بڵێت، قوتویەكی شووشەی بەتاڵ و گەورەی دەرهێناو دەستیكرد بە پڕكردنی بە(تۆپی گۆڵف) پاشان ڕووی كردە خوێندكارەكان و وتی: ئایا ئەم شووشەیەی كە بەدەستمەوەیە پڕە یاخود بەتاڵە؟
خوێندكارەكان هەر هەموویان كۆكبوون لەسەر ئەوەی كە شوشەكە پڕە.
پڕۆفیسۆر بڕێك چەوی ڕۆكردە ناو شووشەكەوە، ئینجا ڕایوەشاند تا بەتەواوی چەوەكە جێگەی خۆی لە بۆشاییەكانی دەوروپشتی تۆپەكاندا كردەوە.
پاشان پرسیاری لێكردنەوە كە ئایا ئێستا شووشەكە پڕە؟ خوێندكارەكان سەرلەنوێ كۆكبوون لەسەر ئەوەی كە پڕە.
پاشان پڕۆفیسۆرەكە سنووقێكی بچووكی پڕ لە لمی كردە شووشەكەوە. بێگومان لمەكە بۆشاییەكانی ناو شووشەكەی پڕكردەوە. پڕۆفیسۆر جارێكی دیكە پرسیاری لەبارەی شووشەكە كردەوە.
هەموویان بەیەك دەنگ بە بەڵێ وەڵامیان دایەوە.
پڕۆفیسۆرەكە ئەمجارەیان كوپێك قاوەی هێنا و ڕشتی بەسەر چەو و لم و تۆپی ناو شووشەكەدا، لەو كاتەدا خوێندكارەكان دایانە قاقای پێكەنین، جا كە هەمووان هێور بوونەوە، پڕۆفیسۆرەكە دەستی بە قسەكردن كرد و وتی: ئێستاش دەمەوێت مەبەستی ئەم كارەتان بۆ ڕوونبكەمەوە.
ئەم شووشەیە وەك ژیانی هەر یەكەتان وایە، تۆپەكانی گۆڵفیش كارە گرنگ و لەپێشینەكانی ژیانتن.
ئەركی سەرشانتە بەر لە هەرشتێكی دیكە بایەخی تەواو بدەیت بە كارە گرنگ و لەپێشترەكانی وەك: ژیان و ئارامیت و، یادی خوا و پەرستشەكان، پابەندییت بە بەها بەرز و باڵاكان و بنەما و ئاكار و ڕەوشتە جوانەكانەوە، بە بەختەوەری بژیت لەگەڵ خێزان و باوك و دایك و خوشك و برا و منداڵەكانت.
دیارییەك پێشكەش بە هاوسەر و هاوخەمی ژیانت بكەیت و خۆشەویستی خۆتی بۆ دەرببڕیت، بەردەوامیش سەردانی هاوڕێكەت بكەیت و هەواڵی بپرسیت. كەمێك لە كاتی خۆت تەرخان بكەیت بۆ پشكنینە ساڵانەییەكانی تەندروستیت، ئەمانەن تۆپە گۆڵفەكانی ژیانت.
هەمیشە و هەردەم و بەر لەهەر شتێكی تریش بایەخ بە تۆپەكانی گۆڵف بدە چونكە شایستەی گرنگیپێدانن بەجۆرێك گەر بێتو هەموو شتێك لەدەست بدەیت و تەنیا ئەم شتانەت بۆ بمێنێتەوە، ئەوا ژیانت پڕ لە خۆشی و شادی دەبێت. سەبارەت بە چەوەكانیش شتە گرنگەكانی ژیانت دەگرێتەوە: وەك كار و پیشە و، خانوو و، ئۆتۆمبێل و، …هتد

سەبارەت بە لمەكەش شتەكانی تر دەگرێتە
وە یان با بڵێین كاروبارە ساكار و لاوەكییەكان دەگرێتەوە، خۆ ئەگەر سەرەتا لمت ڕۆكردایەتە ناو شووشەكەوە، ئەوا جێیەك بۆ چەوەكان یان تۆپەكانی گۆڵف نەدەمایەوە.
جا ئەگەر كاتی خۆت بە شتە هیچ و پووچەكانەوە كوشت، ئەوا كار و ئەركە گرنگەكانت لەكیس دەچێت.
كاتێك كە پڕۆفیسۆر لە قسەكانی بووەوە یەكێك لە خوێندكارەكانی دەستی بەرزكردەوەو گوتی: مامۆستا! خۆ بیرت چوو پێمان بڵێیت مەبەستت لە قاوەكە چی بوو؟ پڕۆفیسۆرەكە بە زەردەخەنەیەكەوە گوتی: من قاوەكەم تەنها بۆ ئەوە بەكارهێنا تا بۆتانی ڕوونبكەمەوە كە ئەگەرچی ژیانیشت تێر و تەسەل و پڕ بێت بەڵام هێشتا هەر ڕووبەر و بۆشاییەكی تیا دەمێنێ بۆ كوپێك قاوە.

 

ریکلام

ژیاندۆستی

چەند پرسیارێک کە گرنگە پێش هاوسەرگیری لە خۆشەویستەکەتی بکەیت، بۆ ئەوەی لە ناخەوە بیناسیت!

خێزان

ئەمەی خوارەوە چەند پرسیارێکە کە   گرنگە پێش هاوسەرگیری لە خۆشەویستەکەتی بکەیت، بۆ ئەوەی لە ناخەوە بیناسیت:

 

– پەیوەندیت لەگەڵ خێزانەکەت چۆنە؟

وەڵامی ئەم پرسیارە ئەوەت بۆ دەردەخات کە ئەو کەسە تاچەند کەسێکی وابەستەیە بە پەیوەندیەوە و بنەمای خێزانی لا گرنگە و کەسێکی بەسۆزە.

 

– زیاتر شانازی بە چیەوە دەکەیت؟

ئەم پرسیارە گرنگیەکەی لەوەدایە بۆت دەردەکەوێت کە لای بەرامبەرەکەت چی گرنگە و ئامانج و مەبەستی لە ژیاندا چییە.

 

– خراپترین یادگاری ژیانت چییە؟

هەموومان بە ئاسانی یادگاریە خۆشەکان باسدەکەین، بەڵام بە دەگمەن یادگاریە خراپەکان باس دەکەین، کاتێک بابەتە ناخۆش و خەفەتاویەکانت بۆ باسدەکات، بە ئاسانی دەتوانیت دەرگای دڵی بکەیتەوە.

 

– گەر بتەوێت یەک شت لە خۆتدا بگۆڕیت ئەو شتە چی دەبێت؟

وەڵامی ئەم پرسیارە ئەوەت بۆ ئاشکرا دەکات کە ئایا بەرامبەرەکەت کەموکورتیەکانی خۆی دەبینێت یاخود نا؟ پاشان دەیەوێت بیانگۆڕێت یان نا؟

 

– گرنگترین ئەو ٥ شتە چییە کە زۆر سوپاسگوزایت کە  لەژیاندا هەتە؟

وەڵامی ئەم پرسیارەش ئەولەویەتی شتەکانت لە ژیانی بەرامبەرەکەت بۆ دەردەخات.

 

بەردەوام بە لە خوێندنەوە

ژیاندۆستی

لە ناخی مرۆڤەکاندا چی شاردراوەتەوە؟ هونەرمەندێکی ئەندەنۆسی ئاشکرای دەکات

خێزان

میمی ئێن هونەرمەندێکی بەتوانای ئەندەنۆسییە لە پڕۆژەی سەندا چەندین کاری ناوازەی ئەنجام داوە و بووەتە جێی سەرسوڕمانی خەڵکی، ئەمانەی خوارەوە ناوازەترین کارەکانی ئەم کەسەن.

سەردەمی گەشەسەندنی گەنجی، ئەو کاتەی کەسەکان سەدان پرسیاریان هەیە.

کەسێکی بەهێز

پیرۆزتان بێت!!

یارمەتی دانی یەکدی بۆ دروستکردن و پێکەوەبەستنی دڵەکان.

کاتێک کەسەکان کێشەی زۆریان هەیە بەڵام ئەوانی تر هەست بە گەورەیی کێشەکە ناکەن.

گۆشە گيرى

قەيرانى ناسنامەی کەسەکان.

پێویستە کارەکان بە خێرایی ئەنجام بدرێن.

ئەنجامدانی کاری گروپ.

دڵەڕاوکێی کۆمەڵایەتی.

کاتێک چواردەورت قەرەباڵەغە بەو شتەی خۆت کەیفت پێی دێت.

تەنها گاڵتەمان کرد.

کاتێک کەسێک هەڵەیەکی بچووک دەکات.

خوشك و برا

وابەستەبوون بە یەکدییەوە.

یادگارییەکان

بەخشینی ڕۆح بەکەسانی دیکە.

ئیکۆ!

هەموان دەڵێن خۆشەویستییەکەمان ڕاستەقینەیە.

هاوڕێکەیان جیاکردووەتەوە و ن ای دوێنن.

نۆشی بکە

ئەوانەی دۆستتن باشتر ئاگاداریان بە.

ئەمە منی ڕاستەقینەم.

بەردەوام بە لە خوێندنەوە

ژیاندۆستی

٥ یاسای دەروونی گەر لێی لانەدەیت ژیانت زۆر گەشاوە دەبێت

خێزان

ئەمەی خوارەوە کۆمەڵێک یاسایی دەروونییە کە زۆر گرنگە لە ژیانتدا کاری پێبکەیت، بۆ ئەوەی بتوانیت باشتر لەگەڵ دەوروبەر مامەڵەبکەیت و خۆشت بەرەو پێش بەریت:

 

– یاسای ئاوێنەکە

هەموو ئەو کەسانەی لە دەوروبەرتن لە هاوسەر و خزم و هاوڕێ وەک ئاوێنەیەک وان کە دەتوانیت خۆتی تێداببینیتەوە، گەر ئەوان بە باشی مامەڵەت لەگەڵ بکەن هێمای ئەوەیە تۆش باشی لەگەڵیان و پێچەوانەکەشی هەر ڕاستە.

 

– یاسای هێزی هەڵبژاردن

بڕیاری هەڵبژاردنەکانت زۆر شت لە ژیانت دەگۆڕێت، کێ هەڵدەبژێریت بۆ هاوڕێیەتی؟ کێ هەڵدەبژێریت بۆ هاوسەر و هاودەم؟ چۆن هەڵبژاردەنکانت دەگۆڕیت؟ هەموو ئەمانە بڕیارێکی سادەن بەڵام کاریگەری زۆر گەورەیان لەسەر ژیانت هەیە.

 

 

– یاسایی بەخشین

تۆ قەرزاری هیچ کەسێک نیت، بەڵام دەتوانیت بەبێ ئەوەش کاری باشە بۆ خەڵک بکەیت و چاوەڕوانی ئەوەشیان لێنەکەیت کە بۆت بکەنەوە، ئەمەش لە داهاتودا دەتکاتە کەسە باشەکە، بەڵام بەو مانایە نایەت نەزایت وشەی (نەخێر) چییە و بەکاربهێندرێیت.

 

 

– یاسای دەمی ئێستا

زۆر گرنگە لە ئێستادا بژیت، ئەوەیی لە ڕابردوو چۆن بووە و چی ڕوویداوە نەکەیتە کێشە بۆ ئێستا، یان خەمی داهاتوو واتلێنەکات بێهیوا ببیت و لە هەوڵدان بەردەوام نەبیت.

 

– یاسای گەشبینی

ئەو شتە جوانانە پشتگوێ مەخە کە لە دەوروبەرتە، چێژ لەژیان ببینە و گەشبین بە، چالاک و بەرهەمهێن بە لەژیاندا و هەمیشە بە هیوا و گەشبینیەوە بژی.

بەردەوام بە لە خوێندنەوە
ریکلام
ریکلام
ریکلام

کوردستان

دوایین