ئێمە لە تۆرە کۆمەڵایەتیەکان

جیهانی

فرانس فوتباڵ: گریزمان له‌باره‌ی ئه‌تله‌تیکۆ و به‌رشلۆنه‌وه‌ ئه‌م بڕیاره‌ی داوه‌

خه‌ڵک سپۆرت

ئه‌نتوان گریزمانی فه‌ره‌نسی ئه‌ستێره‌ی یانه‌ی ئه‌تله‌تیکۆ مه‌درید ئۆفه‌ره‌ پێشکه‌شکراوه‌کانی یانه‌ی به‌رشلۆنه‌ی ڕه‌تکردۆته‌وه‌ و بڕیاریداوه‌ له‌ڕیزه‌کانی یانه‌ی ئه‌تله‌تیکۆ مه‌درید به‌رده‌وام بێت.

گۆڤاری “فرانس فوتباڵ”ی ناودار و به‌پرس له‌خه‌ڵاتی تۆپی ئاڵتونی “بالۆن دۆر” له‌زاری سه‌رچاوه‌ ناوخۆییه‌کانی هه‌ڵبژارده‌ی فه‌ره‌نساو نزیکی ئه‌نتوان گریزمانه‌وه‌ ئاشکرای کردووه‌، یاریزانه‌که‌ ماوه‌یه‌کی زۆره‌ چاوه‌ڕوانی ئه‌و ئۆفه‌ره‌ی یانه‌ی به‌رشلۆنه‌ ده‌کات که‌ پێشکه‌شکراوه‌، به‌ڵام له‌هه‌مان کاتدا ئیداره‌ی یانه‌ی ئه‌تله‌تیکۆ مه‌درید ته‌واوی داواکاریه‌کانیان جێبه‌جێ کردووه‌و ئه‌وانیش هه‌مان ئۆفه‌ریان به‌هه‌مان ئه‌و خه‌سڵه‌تانه‌وه‌ پێشکه‌ش کردووه‌ که‌ به‌رشلۆنه‌ پێشتر پێشکه‌شی کردووه‌.

سه‌رچاوه‌که‌ نوسیویه‌تی: به‌رپرسانی “ڕۆخی بلانکۆس” موچه‌ی ساڵانه‌یان به‌بڕی ٢٣ ملیۆن یورۆ بۆ هێرشبه‌ره‌ فه‌ره‌نسیه‌که‌ ته‌رخان کردووه‌، هه‌روه‌ها یه‌کێک له‌ به‌هێزترین داواکاریه‌کانیشیان جێبه‌جێ کردووه‌ که‌ ئه‌ویش له‌کڕینی تۆماس لیماری هاونیشتیمانیدا خۆی ده‌گرێته‌وه‌، به‌وهۆیه‌وه‌ بڕیاریداوه‌ له‌ڕیزه‌کانی ئه‌تله‌تی به‌رده‌وام بێت و ته‌واوی ئۆفه‌ره‌کانی یانه‌ی به‌رشلۆنه‌ ڕه‌ت بکاته‌وه‌.

چاوه‌ڕوانیش ده‌کرێت به‌م نزیکانه‌ کۆنگره‌یه‌کی ڕۆژنامه‌وانی ئه‌نجام بدات و مه‌سه‌له‌ی مانه‌وه‌ و ڕۆیشتنی له‌ یانه‌ مه‌دریدیه‌که‌ی به‌فه‌رمی یه‌کلایی بکاته‌وه‌.

جیهانی

شه‌رمنی نگۆلۆ کانتی، نزۆنزی ناچار کردووه‌ جامه‌که‌ی بۆ بهێنێت !

خه‌ڵک سپۆرت

نگۆلۆ کانتی ئه‌ستێره‌ی یانه‌ی چێڵسی یه‌کێک بوو له‌ کۆڵه‌که‌کانی پێکهاته‌ی هه‌ڵبژارده‌ی فه‌ره‌نسا له‌مۆندیالی ٢٠١٨ی ڕوسیا، له‌گه‌ڵ ئه‌وه‌شدا که‌ ئه‌ستێره‌یه‌کی ناودار و گه‌وره‌یه‌، به‌ڵام هێشتا شه‌رمنی سه‌رده‌می منداڵی ماوه‌‌ !

میدیا جیهانییه‌کان له‌نێوانیاندا “ده‌یلی مه‌یڵ” ئاشکرای کردووه‌، نگۆلۆ کانتی که‌سێکی شه‌رمنه‌ و له‌سه‌رخۆ ده‌رده‌که‌وێت، به‌شداری چالاکی به‌کۆمه‌ڵی یاریزانان ده‌کات و هه‌میشه‌ له‌دواوه‌ ده‌وه‌ستێت و ده‌نگی لێوه‌ نایه‌ت و هیچ هه‌وڵێک نادات که‌ هاوشێوه‌ی هه‌وڵدانی یاریزانه‌ هاوڕێکانی بێت.

کانتی به‌منداڵی لای چه‌پی وێنه‌که‌ له‌پشت یاریزانانی تره‌وه‌ وه‌ستاوه‌، شه‌رمنانه‌ ته‌ماشای جامه‌که‌ ده‌کات !

شه‌وی ڕابردوو له‌کاتێکدا یاریزانه‌ یه‌ده‌گه‌کانی هه‌ڵبژارده‌ی فه‌ره‌نسا سه‌رقاڵی وێنه‌گرتن و ئاهه‌نگێڕان بوون به‌ جامی مێژوویی مۆندیاله‌وه‌، کانتی له‌پشتیانه‌وه‌ ده‌وه‌ستێت و ته‌نها ته‌ماشایان ده‌کات له‌کاتێکدا هیچ وێنه‌یه‌کی له‌گه‌ڵ جامه‌که‌دا نه‌گرتووه‌، لێره‌وه‌ ستیفان نزۆنزی هاوڕێی له‌یانه‌ی سڤیلیه‌ هه‌ستی پێده‌کات و جامه‌که‌ له‌ هاوڕێیان ده‌سه‌نێت و ڕاده‌ستی کانتی ده‌کات بۆ ئه‌وه‌ی وێنه‌یه‌کی له‌گه‌ڵدا بگرێت.

ئه‌م دیارده‌یه‌ش نامۆ نییه‌، به‌ڵکو له‌ڕابردودا چه‌ندین وێنه‌ی سه‌رده‌می منداڵی بڵاوبۆته‌وه‌،‌ تیایدا به‌ئاشکرا ده‌رده‌که‌وێت له‌پشت هه‌موو هاوڕێکانیه‌وه‌ وه‌ستاوه‌ و ته‌نها به‌ ته‌ماشاکردنی ئاهه‌نگێڕانه‌کان قایله‌.

 

یاریزانانی هه‌ڵبژارده‌ی فه‌ره‌نسا به‌زۆر ئاهه‌نگ له‌گه‌ڵ کانتی ده‌گێڕن

 

 

لێره‌دا به‌کۆمه‌ڵ گۆرانی بۆ کانتی ده‌ڵێن

بەردەوام بە لە خوێندنەوە

جیهانی

بۆچی گریزمان به‌ ئاڵای ئۆرۆگوایه‌وه‌ کۆنگره‌ی ڕۆژنامه‌وانی ئه‌نجامدا؟!

خه‌ڵک سپۆرت

شه‌وی ڕابردوو هه‌ڵبژارده‌ی فه‌ره‌نسا توانی بۆ دووه‌م جار له‌مێژوویدا نازناوی مۆندیالی ٢٠١٨ی ڕوسیا بچنێته‌وه‌، له‌دوای یارییه‌که‌ش ئه‌نتوان گریزمان به‌ ئاڵای وڵاتی ئۆرۆگوایه‌وه‌ کۆنگره‌ی ڕۆژنامه‌وانی ئه‌نجامدا.

ڕۆژنامه‌ی “مارکا”ی ئیسپانی ئاشکرای کردووه‌، کاتێک ئه‌نتوانی فه‌ره‌نسی به‌درێسی فه‌ره‌نساوه‌ هاتووه‌ بۆ ئه‌نجامدانی کۆنگره‌ی ڕۆژنامه‌وانی، بینیویه‌تی یه‌کێک له‌ ڕۆژنامه‌نوسه‌ ئاماده‌بووه‌کان ئاڵای ئۆرۆگوای به‌ده‌سته‌وه‌یه‌ و دواتریش ڕۆژنامه‌نوسه‌که‌ لێدوانه‌کانی ڕابردووی بیرخستۆته‌وه‌‌، لێره‌وه‌ هێرشبه‌ره‌ فه‌ره‌نسیه‌که‌ داوای لێده‌کات ئه‌و ئاڵایه‌ی پێبدات و پاش وه‌رگرتنی له‌خۆیی ده‌ئاڵێنێت.

له‌م باره‌یه‌‌وه‌ ڕۆژنامه‌نوسان پرسیاریان لێکرد، ئه‌ویش له‌وه‌ڵامدا ڕایگه‌یاند :” ڕێزێکی زۆرم بۆ ئۆرۆگوای هه‌یه‌، له‌گه‌ڵ زۆرێک له‌ یاریزانان و که‌سانی ئه‌و وڵاته‌ کارم کردووه‌، ته‌نانه‌ت پاش تۆمارکردنی گۆڵ له‌سه‌ریان نه‌مویست ئاهه‌نگ بگێڕم، خه‌ڵکی ئۆرۆگوایی و کلتوریانم خۆشده‌وێت”.

سه‌رچاوه‌که‌ ئاشکرای کردووه‌، گریزمان چه‌ند ساڵێکه‌ له‌یانه‌ی ڕیاڵ سۆسیداده‌وه‌ په‌یوه‌ندی به‌ ئه‌تله‌تیکۆ مه‌دریده‌وه‌ کردووه‌، له‌و یانه‌یه‌ش په‌یوه‌ندیه‌کی توندوتۆڵی له‌گه‌ڵ دیێگۆ گودینی ئۆرۆگوایی هه‌یه‌ و ته‌نانه‌ت گودین وه‌ک “باوکی ڕوحی”ی کچه‌که‌ی گریزمان ناسێنراوه‌، ئه‌م لێدوانانه‌ش هاوکاتن له‌گه‌ڵ لێدوانه‌کانی ڕابردووی که‌ ڕایگه‌یاندبوو :” وا هه‌ست ده‌که‌م نیوه‌ فه‌ره‌نسی و نیوه‌ ئۆرۆگواییم”.

بەردەوام بە لە خوێندنەوە

جیهانی

(به‌وێنه‌) لۆڤرین هۆکاری توڕه‌بون و ڕاپێچ کردنی ئه‌و هانده‌ره‌ ده‌رده‌خات که‌ خۆی کرد به‌ناو یاریگای لوجێنکی-دا

خه‌ڵک سپۆرت

شه‌وی ڕابردوو له‌کاتی به‌ڕێوه‌چونی ڕووبه‌ڕوبونه‌وه‌ی کۆتایی مۆندیال له‌نێوان فه‌ره‌نسا و کرواتیا چه‌ند هانده‌رێک خۆیان کرد به‌نێو یاریگادا و یارییه‌که‌یان ڕاگرت، ئه‌م ڕووداوه‌ش توڕه‌یی دیان لۆڤرینی به‌رگریکاری هه‌ڵبژارده‌ی کرواتیای لێکه‌وته‌وه‌ و به‌وهۆیه‌وه‌ یه‌کێک له‌ هانده‌ره‌کانی کوتا به‌زه‌ویدا و ڕاپێچی کرد به‌ره‌و ده‌ره‌وه‌ی یاریگ.

له‌م باره‌یه‌وه‌ به‌ “ده‌یلی مه‌یڵ”ی ڕاگه‌یاندووه‌ :” له‌ خوله‌کی ٥٢ ڕووداوه‌کان ڕوویدا، ئێمه‌ش له‌و کاته‌دا توانیمان کۆنترۆڵی یاریگا بکه‌ین و به‌ ڕیتمێکی گونجاو هه‌وڵمان بۆ قه‌ره‌بووکردنه‌وه‌ی ئه‌نجامه‌که‌ ده‌دا، ئه‌وه‌ی ڕوویدا ڕیتمی یارییه‌که‌ی خاوکرده‌وه‌ بۆیه‌ له‌وکاته‌دا حه‌زم ده‌کرد ئه‌و هانده‌رانه‌ هه‌ڵبگرم و فڕێیان بده‌مه‌ ده‌ره‌وه‌ تا یارییه‌که‌ له‌وه‌ زیاتر نه‌وه‌ستێت”.

به‌پێی سه‌رچاوه‌کان، ئه‌و چه‌ند که‌سه‌ی شه‌وی ڕابردوو هاتونه‌ته‌ نێو یاریگاکه‌وه‌ تیمێکی فیمینیستی میوزیکین له‌ ڕوسیا به‌ناوی “پوسی ڕایۆت” و له‌پێشوودا سێ ئه‌ندامیان به‌تۆمه‌تی ئاژاوه‌گێڕی و دژایه‌تیکردنی حکومه‌ت و سه‌ڵاتی وڵات له‌لایه‌ن ده‌زگا ئه‌منیه‌کانی ڕوسیاوه‌ زیندانی کراون.

بەردەوام بە لە خوێندنەوە
ریکلام

کوردستان

دوایین